ନୂଆଦିଲ୍ଲୀ,୨୧ ।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପିତାଙ୍କୁ ନେଇ ଆପତ୍ତିଜନକ ଟିପ୍ପଣି କରିଥିବା କଂଗ୍ରେସ ନେତା ପୱନ ଖେରାଙ୍କୁ ମହଙ୍ଗା ପଡିଛି । ତାଙ୍କର ଏହି ବିବାଦୀୟ ବୟାନ ପରେ ବାରାଣସୀରେ ଡଜନରୁ ଅଧିକ ଭାରତୀୟ ଜନତା ପାର୍ଟି(ଭଜପା) କର୍ମୀ ତାଙ୍କ ବିରୋଧରେ ଅଭିଯୋଗ କରିଛନ୍ତି । ଭାଜପା କହିଛି ଏଭଳି ବୟାନବାଜି ରାହୁଲ ଗାନ୍ଧୀଙ୍କ ଇସାରାରେ କରାଯାଇଛି ।
ସୂଚନାଯୋଗ୍ୟ, ପୱନ ଖେରା ମୋଦିଙ୍କ ନିର୍ବାଚନ ମଣ୍ଡଳି ବାରାଣସି ଯାଇଥିଲେ । ଏହି ସମୟରେ ସେଠାରେ ସେ ସମ୍ବୋଧନ ଦେବା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମ କହୁକହୁ ଭୁଲରେ ମୋଦଙ୍କ ପିତାଙ୍କ ନାମ କହିଦେଇଥିଲେ । ପୁଣିଥରେ ଭୁଲ କରି କ୍ଷମା ମାଗିଲେ ଓ ଏହାକୁ ସୁଧାରି ନେଇଥିଲେ । ହେଲେ ଏହାପରେ ପୁଣିଥରେ ଭୁଲ ନାମ ନେଇ ଭାଜପାକୁ ଟାର୍ଗେଟ କରିଥିଲେ । ଏହାକୁ ନେଇ ଅନେକେ ଭାଜପା କର୍ମୀ ପୋଲିସ କମିଶନରଙ୍କ ଘରେ ପହଞ୍ଚିଥିଲେ ଓ ମାମଲାକୁ ନେଇ ଏଫଆଇଆର ଦେଇଥିଲେ ।
ସୂଚନାଯୋଗ୍ୟ, କଂଗ୍ରେସର ନେତା ତଥା ପ୍ରବକ୍ତା ପୱନ ଖେରା ୧୭ ଫେବୃୟାରୀରେ ଏକ ପ୍ରେସ ବ୍ରିଫିଙ୍ଗକୁ ସମ୍ବୋଧିତ କରିବା ସମୟରେ ‘ନରେନ୍ଦ୍ର ଗୌତମ ଦାସ ମୋଦି’ କହି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅପମାନିତ କରିଥିବା କଥିତ ଭାବେ କୁହାଯାଇଥିଲା । ଏହାକୁ ନେଇ ଅଭିଯୋଗ କରାଯାଇଥିଲା । ଭାଜପା କହିଥିଲା ଏଭଳି ଭାବେ ପ୍ରଧାନମନ୍ତ୍ରୀଙ୍କ ପିତାଙ୍କୁ ପରିହାସ କରିବା ନିନ୍ଦନୀୟ । ଏହାକୁ ନେଇ ବାରାଣସୀର କେଣ୍ଟ ଓ ଲକ୍ଷ୍ନୌର ହଜରତଗଞ୍ଜ ଅଞ୍ଚଳରେ ମାମଲା କରାଯାଇଛି ।
