କେନ୍ଦୁଝର,୧୬ା୩(ସ୍ବ.ପ୍ର.): କେନ୍ଦୁଝରଗଡ଼ ପୌରପାଳିକା ବର୍ଜ୍ୟବସ୍ତୁ ପରିଚାଳନା କେନ୍ଦ୍ରରେ ବୁଧବାର ଲାଗିଥିବା ନିଆଁ ଲିଭୁନାହିଁ। ଫଳରେ ଚାରିଆଡ଼େ ପ୍ରଦୂଷଣ ବ୍ୟାପୁଥିବାରୁ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି। ଏହା ଦ୍ୱାରା ଏକ ବିଦ୍ୟୁତ୍ ଟ୍ରାନ୍ସଫରମର ପୋଡ଼ି ଯାଇଥିବାରୁ ପରିଚାଳନା କେନ୍ଦ୍ର ଅନ୍ଧାରରେ ରହିଥିବା ବେଳେ ଅନ୍ୟାନ୍ୟ କାମ ବନ୍ଦ ହୋଇଯାଇଛି। ମଇଳା ଆବର୍ଜନାକୁ ପ୍ରୋସେସିଂ କରିବା ପାଇଁ ଥିବା ମେଶିନ ସବୁ ବିଦ୍ୟୁତ୍ ଠପ୍ ହୋଇଯାଇଥିବାରୁ କାମ କରୁନାହିଁ। ସେହିପରି ଅସ୍ବାସ୍ଥ୍ୟକର ପରିବେଶରେ ମହିଳାମାନେ କାମ କରଥିବାରୁ ସେମାନଙ୍କୁ ରୋଗ ବ୍ୟାଦତ୍କ ବ୍ୟାପିବା ଆଶଙ୍କା ରହିଛି। ସେମାନଙ୍କୁ ଉନ୍ନତ ମାନର ମାସ୍କ, ଗ୍ଲୋଭସ କିମ୍ବା ଜୋତା ଆଦି ଯୋଗାଇ ପାଇଁ ଦାବି ହୋଇଛି। ମାତ୍ର ୮ ହଜାର ମାସିକ ଦରମାରେ ସେମାନେ କାମ କରଥିବା ବେଳେ ସରକାରଙ୍କ ସର୍ବନିମ୍ନ ମଜୁରି ନିୟମ ପାଳନ ହେଉଛି କି ନାହିଁ ଶ୍ରମ ବିଭାଗ ଯାଞ୍ଚ କରିବା ସହ ସେଠାକାର ପରିସ୍ଥିତିକୁ ପ୍ରଦୂଷଣ ନିୟନ୍ତ୍ରଣ ବିଭାଗ ଯାଞ୍ଚ କରିବାକୁ ଦାବି ହେଉଛି। ସେହିପରି ଏହା ମଧ୍ୟରେ ଗୋରୁ ବୁଲୁଥିବାରୁ ସେମାନଙ୍କ ପାଇଁ ବିପଦ ଦେଖାଦେବା ସହ ସେମାନେ ବର୍ଜ୍ୟବସ୍ତୁ ଖାଇ ରୋଗଗ୍ରସ୍ତ ହେବା ସମ୍ଭାବନା ରହିଛି। ସେହିପରି କାମ କରୁଥିବା ଲୋକଙ୍କୁ ମିଳିଥିବା ସୁରକ୍ଷା ସରଞ୍ଜାମର ମାନ ଯାଞ୍ଚ କରିବାକୁ ସାମାଜିକ କର୍ମୀ ପ୍ରଦୀପ ମହାନ୍ତି ଦାବି କରିଛନ୍ତି।
