କେନ୍ଦୁଝର,୨୪ା୧୨(ସ୍ବ.ପ୍ର.): କେନ୍ଦୁଝର ପୌରପାଳିକା ଅଞ୍ଚଳରେ ନିର୍ମାଣ ହୋଇଥିବା କଂକ୍ରିଟ ଡଷ୍ଟବିନ ଭାଙ୍ଗି ଦିଆଯାଇଛି। ଗାଡ଼ିରେ ସିଧାସଳଖ ଘରଗୁଡ଼ିକର ମଇଳା ଆବର୍ଜନା ସଂଗ୍ରହ କରାଯିବ। ଏଭଳି ଆଶା ଦେଖାଇ ଭାଙ୍ଗିଦେବା ପରେ ଏବେ ଉକ୍ତ ସ୍ଥାନଗୁଡ଼ିକର ଅବସ୍ଥା ଶୋଚନୀୟ ହୋଇପଡ଼ିଛି। ଗାଡ଼ି ଘର ପାଖରେ ପହଞ୍ଚି ପାରି ନ ଥିବାରୁ ମଇଳା ଆବର୍ଜନାକୁ ଲୋକେ ପୂର୍ବ ସ୍ଥାନରେ ପକାଇବା ଫଳରେ ଓ୍ବାର୍ଡ, ସାହି ପୂତିମୟ ପରିବେଶରେ ରହିଥିଲେ ହେଁ ଦୃଷ୍ଟି ପଡୁ ନ ଥିବାରୁ ଅସନ୍ତୋଷ ଦେଖାଦେଇଛି। ପୂର୍ବ ଭଳି କଂକ୍ରିଟ ଡଷ୍ଟ୍ବିନ ଥିଲେ ଏଭଳି ସମସ୍ୟା ଦେଖାଦେଇ ନ ଥାନ୍ତା ବୋଲି କହିଛନ୍ତି ସାମାଜିକ କର୍ମୀ ପ୍ରଦୀପ ମହାନ୍ତି। ଏଣୁ ସହରରେ ଏଭଳି ପରିବେଶ ଓ ଅବସ୍ଥା ପାଇଁ କିଏ ଦାୟୀ ବୋଲି ସାହିବାସୀ ପ୍ରଶ୍ନ କରିବା ସହ ପ୍ରତିବାଦ କରିବାକୁ ଏକାଠି ହେଉଛନ୍ତି।
