ଭୁବନେଶ୍ୱର,୧୦।୩(ବ୍ୟୁରୋ): ଆସନ୍ତା ୨୪ରେ ପୌର ନିର୍ବାଚନ। ଏ ନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ ନିର୍ବାଚନ ପାଇଁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି। ରାଜଧାନୀରେ ୬୭ଟି ୱାର୍ଡରେ ମୋଟ ୭୦୫ଟି ବୁଥ୍ ବ୍ୟବସ୍ଥା କରାଯାଇଛି। ଏହି ସବୁ ବୁଥ୍ରେ ୭୦୫ ଜଣ ପ୍ରିଜାଇଡିଂ ଅଫିସର ରହିବେ । ସେପଟେ ୧୦ ପ୍ରତିଶତ ପ୍ରିଜାଇଡିଂ ଅଫିସରଙ୍କୁ ରିଜର୍ଭ ରଖାଯାଇଛି। ସୁରୁଖୁରୁ ପରିଚାଳନା ପାଇଁ ୫ଟି ଆଦର୍ଶ ମତଦାନ କେନ୍ଦ୍ର କରାଯାଇଛି ।
ଏହି ସବୁ ବୁଥରେ ପାଣି, ଶୌଚାଳୟ ବ୍ୟବସ୍ଥା କରାଯିବ । ଦିବ୍ୟାଙ୍ଗ ପାଇଁ ସ୍ବତନ୍ତ୍ର ହୁଇଲ ଚେୟାର ବ୍ୟବସ୍ଥା କରାଯିବ । ସେହିପରି ରାଜଧାନୀରେ ୫ଟି ପିଙ୍କ ବୁଥ କରାଯିବ। ସେହିପରି ରାଜଧାନୀରେ ଥିବା ଅତି ସମ୍ବେଦନଶୀଳ ବୁଥରେ ଜଣେ ଏଏସଆଇ ର଼୍ୟାଙ୍କର ଅଧିକାରୀଙ୍କୁ ନିୟୋଜିତ କରାଯିବ ।
