ଓସଲୋ, ୨୧।୫: ମୋବାଇଲ ଫୋନ୍ ଭଳି ଓୟାର୍ଲେସ୍ ବ୍ଲ୍ୟୁଟୁଥ୍ ଏକ ଜରୁରୀ ସାମଗ୍ରୀ ପାଲଟିଛି। ଇୟର୍ ଫୋନ୍ର ବିକଳ୍ପ ଭାବେ ବ୍ୟବହାର କରାଯାଉଥିବା ବ୍ଲ୍ୟୁଟୁଥ୍ର ନାମ ଏବଂ ଲୋଗୋ କେଉଁଠାରୁ ଆସିଲା ତା’ ବିଷୟରେ କମ୍ ଲୋକଙ୍କୁ ଜଣାଥିବ। ଭିକିଙ୍ଗ୍ ଯୁଗରେ (୧୦୦୦ରୁ ଊର୍ଦ୍ଧ୍ୱ ବର୍ଷ ପୂର୍ବେ) ଡେନ୍ମାର୍କ ଓ ନରଓ୍ବେର ରାଜା ଥିବା ହେରାଲ୍ଡ ବ୍ଲ୍ୟୁଟୁଥ୍ଙ୍କ ନାମ ଅନୁସାରେ ଓୟାରଲେସ୍ ବ୍ଲ୍ୟୁଟୁ୍ଥ୍ର ନାମକରଣ କରାଯାଇଛି। ରାଜା ହେରାଲ୍ଡଙ୍କ ଏପରି ନାମକରଣ ପଛର ରହସ୍ୟ ହେଉଛି, ସେ ପ୍ରଚୁର ମାତ୍ରାରେ ବ୍ଲ୍ୟୁ-ବେରି ଖାଉଥିଲେ, ଯାହାଫଳରେ ତାଙ୍କ ଦାନ୍ତ ନୀଳ ପଡ଼ିଯାଇଥିବା ଅନେକେ କହୁଛନ୍ତି। ଏଥିଯୋଗୁ ତାଙ୍କୁ ସମସ୍ତେ ହେରାଲ୍ଡ ବ୍ଲ୍ୟୁଟୁଥ୍ ବୋଲି ଡାକୁଥିଲେ। ଅନ୍ୟପକ୍ଷେ ବର୍ତ୍ତମାନର ବ୍ଲ୍ୟୁଟୁଥ୍ ଲୋଗୋକୁ ଭିକିଙ୍ଗ୍ ଯୁଗରେ ହେରାଲ୍ଡ ନୋର୍ଡିକ୍ ରୁନିକ୍ ଲିପିରେ ନିଜ ଚିହ୍ନ ଭାବେ ବ୍ୟବହାର କରୁଥିବା ସୋସିଆଲ ମିଡିଆର ବହୁଳ ପ୍ରସାରିତ ପୋଷ୍ଟରେ କୁହାଯାଇଛି।
