ଦେବଗଡ,୨୭।୬(ଶଶାଙ୍କ ଶେଖର ଝାଙ୍କର): ବିଲ୍ କରାଇଦେବାକୁ ଲାଞ୍ଚ ନେଉଥିବାବେଳେ ଭିଜିଲାନ୍ସ ଦ୍ବାରା ଗିରଫ ହେଲେ ବ୍ଲକ ଆକାଉଣ୍ଟ ଅଫିସର। ଦେବଗଡ ଜିଲା ରିଆମାଳ ବ୍ଳକ ଆକାଉଣ୍ଟ ଅଫିସର ରାଜେନ୍ଦ୍ର ଦାଶଙ୍କୁ ଗିରଫ କଲା ଭିଜିଲାନ୍ସ। ୨ ଲକ୍ଷ ବିଲ୍ କରାଇବା ପାଇଁ ୬ ହଜାର ଟଙ୍କା ଲାଞ୍ଚ ନେଉଥିଲେ ରାଜେନ୍ଦ୍ର। ଟିଙ୍କବୀର ଗାଁ ଖଳିପଷି ସାହିରେ ନିର୍ମାଣ ଅଙ୍ଗନୱାଡି କେନ୍ଦ୍ରର ବିଲ୍ ପାଇଁ ଲାଞ୍ଚ ନେଉଥିବା ଜଣାପଡିଛି। ଟିଙ୍କବୀର ଗାଁର ବିଜୟ ନାୟକ ଅଙ୍ଗନୱାଡି କେନ୍ଦ୍ର ପାଇଁ ୨ ଲକ୍ଷ ଟଙ୍କା ସାମଗ୍ରୀ ଦେଇଥିଲେ। ଉକ୍ତ ବିଲ୍ ପାଇଁ ୩% ଡିମାଣ୍ଡ କରିଥିଲେ ଆକାଉଣ୍ଟାଣ୍ଟ। ଆଜି ୧୨ ଟି ୫୦୦ ଟଙ୍କିଆ ନୋଟ ଦେଉଥିବା ବେଳେ ଭିଜିଲାନ୍ସ ଚଢାଉ କରି ରାଜେନ୍ଦ୍ରଙ୍କୁ ଗିରଫ କରିଛି। ଏହି ଚଢାଉରେ ଦେବଗଡ ଓ ଝାରସୁଗୁଡ଼ା ଭିଜିଲାନ୍ସ ଟିମ୍ ସାମିଲ ଥିଲେ।
