ବେଙ୍ଗାଲୁରୁ,୧୧।୫: ମଙ୍ଗଳବାର ରାତିରେ କର୍ନାଟକ ବିଧାନସଭା ନିର୍ବାଚନର ପୂର୍ବ ସନ୍ଧ୍ୟାରେ କଥିତ ଭାବେ ଭାଜପାର କର୍ମୀ ଓ ପେଟ ବିଧାନସଭା ଅଞ୍ଚଳରେ ମତଦାତାଙ୍କୁ ଶାଢି ଓ ଚିକେନ ବଣ୍ଟାଯାଇଥିଲା। ବୁଧବାର କଂଗ୍ରେସ ଏ ସମ୍ପର୍କରେ ଜାଣିବା ପରେ ପ୍ରଶ୍ନ କରିବା ଆରମ୍ଭ କରିଥିଲା।
ଭାରତୀୟ ଜନତା ପାର୍ଟି(ଭାଜପା) ନେତା ବି.ଏସ ୟେଦୁରୁପ୍ପାଙ୍କ ଜନ୍ମସ୍ଥାନ ବୁକାନାକେରେର ଗଞ୍ଜୀଗେରର ଗ୍ରାମବାସୀମାନେ ମାଗଣା ଉପହାର ଫେରସ୍ତ କରିଥିଲେ। ବୁଧବାର ସକାଳେ ଗ୍ରାମବାସୀ ସ୍ଥାନୀୟ ଭାଜପା ନେତାଙ୍କ ଘରର ତାଲା ପଡିଥିବା ଦ୍ୱାରରେ ଚିକେନ ଏବଂ ଶାଢି ଫିଙ୍ଗିଥିବାର ନଜର ଆସିଥିଲା। ଏହା ସହିତ ସେ ଦଳ ବିରୋଧରେ ସ୍ଲୋଗାନ ଦେଉଥିବା ଦେଖିବାକୁ ମିଳିଥିଲା।
ଏଥି ସହିତ ର୍ନିବାଚନ ଆୟୋଗର ସୂତ୍ରରୁ ପ୍ରକାଶ ଯେ ସେମାନେ ଏ ସମ୍ପର୍କରେ କୌଣସି ଅଭିଯୋଗ ପାଇ ନାହାଁନ୍ତି, କିନ୍ତୁ ସେମାନେ ଏହି ଘଟଣାର ତଦନ୍ତ କରିବେ। ଉଭୟ ଭାଜପା ଏବଂ କଂଗ୍ରେସର ଜିଲ୍ଲା ସ୍ତରୀୟ ନେତାମାନେ ଏ ସମ୍ପର୍କରେ କିଛି କହିବାକୁ ମନା କରି ଦେଇଛନ୍ତି। ଜଣେ ଗ୍ରାମବାସୀ କହିଛନ୍ତି ଯେ ଭାଜପାକର୍ମୀ ଏସସି ପ୍ରାଧାନ୍ୟରେ ଥିବା ଗଞ୍ଜଗିରେ ଗ୍ରାମକୁ ଚିକେନ ଏବଂ ଶାଢି ନେଇ ଦଳକୁ ଭୋଟ ଦେବାକୁ ପ୍ରଲୋଭନ ଦେଖାଇ ଆସିଛନ୍ତି।
