ଭୋପାଳ,୨୫।୬ : ମଧ୍ୟପ୍ରଦେଶର କଂଗ୍ରେସ ପକ୍ଷରୁ ବାଲାଘାଟର ଭାଜପା ବିଧାୟକ ଗୌରୀଶଙ୍କର ବିସେନଙ୍କ ଏକ ଭିଡିଓ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛି। ବିଧାୟକ ବିସେନ ନାବାଳିକାଙ୍କ ସହ ଲଜ୍ଜାଜନକ କାର୍ଯ୍ୟ କରିଥିବା କଂଗ୍ରେସ ଅଭିଯୋଗ କରିଛି। କଂଗ୍ରେସ ଶେୟାର କରିଥିବା ଏହି ଭିଡିଓକୁ ନେଇ ଭାଜପା କ୍ରୋଧିତ ହେବା ସହ ଗୌରୀଶଙ୍କର ବିସେନ ଏନେଇ କଂଗ୍ରେସ ବିରୋଧରେ ଏଫଆଇଆର ଦାଖଲ କରିବାକୁ ମଧ୍ୟ କହିଛନ୍ତି।
ବାସ୍ତବରେ, ଭାଇରାଲ ଭିଡିଓଟି ୨୦ ଜୁନର ବୋଲି କୁହାଯାଉଛି। ଯେତେବେଳେ ବିଧାୟକ ସିଏମ ରାଇଜ ସ୍କୁଲରେ ହାତ ଧରି ଦୁଇଜଣ ନାବାଳିକାଙ୍କୁ ମଞ୍ଚ ଉପରେ ନେଉଥିବାର ଦେଖାଯାଉଛି ଏବଂ ଏହା ପରେ ସେ ସେହି ଝିଅମାନଙ୍କ ସହିତ ଫଟୋ ମଧ୍ୟ ଉଠାଇଥିଲେ।
ଏହି ଭାଇରାଲ ଭିଡିଓରେ ଗୁରୁତର ଅଭିଯୋଗ ଆଣିଛି ଏବଂ ଭିଡିଓକୁ ନିଜ ଟୁଇଟର ହ୍ୟାଣ୍ଡେଲ ସହ ଶେୟାର କରିବାବେଳେ ଭାଜପା ବିଧାୟକ ତଥା ପୂର୍ବତନ ମନ୍ତ୍ରୀ ତଥା ଅନ୍ୟ ପଛୁଆ ବର୍ଗର କଲ୍ୟାଣ ଆୟୋଗର ଅଧ୍ୟକ୍ଷ ଗୌରୀଶଙ୍କର ବିସେନ ନାବାଳିକାମାନଙ୍କ ସହ ଲଜ୍ଜାଜନକ କାର୍ଯ୍ୟ କରୁଛନ୍ତି ବୋଲି ଲେଖିଛନ୍ତି। ଭାଜପା ନେତାଙ୍କଠାରୁ ଝିଅକୁ ବଞ୍ଚାନ୍ତୁ।
ଭାଇରାଲ ଭିଡିଓ ଉପରେ ସ୍ପଷ୍ଟୀକରଣ ଦେଇ ବିଧାୟକ ଗୌରୀଶଙ୍କର ବିସେନ କହିଛନ୍ତି ଜୁନ ୨୦ ରେ ମୋର ନାତୁଣୀ ନିର୍ବିଙ୍କ ଜନ୍ମଦିନ ଥିଲା, ମୋ ନାତୁଣୀର ସାଙ୍ଗମାନେ ମୋତେ ଭେଟି ମୋତେ ଜେଜେବାପା ଙ୍ବୋଲି ଡାକିଲେ ଏବଂ ଆମେ ଫଟୋ ଉଠାଇଲୁ, ଏଥିରେ କ’ଣ ଭୁଲ ହେଲା। ସେ କହିଛନ୍ତି କଂଗ୍ରେସ ମାନସିକ ସ୍ତରରେ ଦେବାଳିଆ ହୋଇପଡିଛି। ନିର୍ବାଚନ କ୍ଷେତ୍ରରେ କଂଗ୍ରେସ ହାରିଛି, ସେଥିପାଇଁ ସେମାନେ ଏପରି କାର୍ଯ୍ୟ କରିଛନ୍ତି। ମୁଁ ସେମାନଙ୍କ ବିରୁଦ୍ଧରେ ଏକ ଏଫଆଇଆର ଦାଖଲ କରିବି। ସେ କହିଛନ୍ତି ଗୌରୀଶଙ୍କର ବିସେନ କିଏ ବୋଲି ସମଗ୍ର ରାଜ୍ୟ ଜାଣନ୍ତି। ମୁଁ କଂଗ୍ରେସକୁ ୬ ରୁ ଗୋଟିଏ ବି ଆସନ ଜିତିବାକୁ ଦେବି ନାହିଁ।
ଗୃହମନ୍ତ୍ରୀ ନରୋତ୍ତମ ମିଶ୍ର ଏହାକୁ କଂଗ୍ରେସର ଘୃଣ୍ୟ କାର୍ଯ୍ୟ ବୋଲି କହିଛନ୍ତି ଏବଂ ଏହା କଂଗ୍ରେସର ଘୃଣ୍ୟ ମାନସିକତା ବୋଲି କହିଛନ୍ତି। କଂଗ୍ରେସ ଲୋକମାନେ ଯେଉଁଭଳି ଭାବେ ଭିଡିଓ ଟୁଇଟ କରୁଛନ୍ତ। ସେମାନଙ୍କ ବିରୋଧରେ କ’ଣ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ସେନେଇ ଆଇନ ବିଶେଷଜ୍ଞଙ୍କ ସହିତ ପରାମର୍ଶ କରାଯାଉଛି।
