ଢେଙ୍କିକୋଟ୍/ଘଟଗାଁ/କେନ୍ଦୁଝର,୩୦ା୫(ଡି.ଏନ୍.ଏ./ସ୍ବ.ପ୍ର.): କେନ୍ଦୁଝର ଜିଲା ଘଟଗାଁ ବ୍ଲକ୍ ପଣ୍ଡାପଡ଼ା ଥାନା ଅନ୍ତର୍ଗତ ବିନିଦା ପଞ୍ଚାୟତ ବିନିଦା ଗ୍ରାମରେ ରବିବାର ବୀଭତ୍ସ ହତ୍ୟାକାଣ୍ଡ ଘଟିଛି। ଦୁର୍ବୃତ୍ତ ଜଣେ ଭାଜପା ନେତ୍ରୀଙ୍କୁ ପଥରରେ ଛେଚି ହତ୍ୟା କରିଛନ୍ତି। ସେ ହେଲେ ପଣ୍ଡାପଡ଼ା ମଣ୍ଡଳ ଭାଜପା ଉପସଭାପତି ତଥା ବିନିଦା ପଞ୍ଚାୟତର ପୂର୍ବତନ ସମିତି ସଭ୍ୟା ସତ୍ୟଭାମା ସିଂହ (୪୫)। ସତ୍ୟଭାମା ପାଲାଗାୟିକା ଭାବେ ମଧ୍ୟ ଅଞ୍ଚଳରେ ସୁନାମ ଅର୍ଜନ କରିଥିଲେ। ପାଲା ଗ୍ରୁପ୍ର ବାୟକଙ୍କ ସହ ତାଙ୍କ ବିବାଦ ଥିବାରୁ ସେ ହତ୍ୟା କରିଥିବା ପରିବାର ପକ୍ଷରୁ ଅଭିଯୋଗ ହୋଇଛି। ଅନ୍ୟପକ୍ଷେ ସତ୍ୟଭାମା ଭାଜପା ନେତ୍ରୀ ଥିବାରୁ ରାଜନୈତିକ ଶତ୍ରୁତାରୁ ମଧ୍ୟ ତାଙ୍କୁ ହତ୍ୟା କରାଯାଇଥାଇପାରେ ବୋଲି ସ୍ଥାନୀୟ ଅଞ୍ଚଳରେ ଆଲୋଚନା ହେଉଛି।
ପୋଲିସ ସୂଚନା ମୁତାବକ, ବିନିଦା ଗ୍ରାମ ମଝିରେ ଥିବା ରାଧାକୃଷ୍ଣ ମନ୍ଦିରରେ ରବିବାର ସଂକୀର୍ତ୍ତନ ପରିବେଷଣ ହେଉଥିଲା। ସେଥିରେ ସତ୍ୟଭାମା ସବୁଦିନ ଭଳି ଯୋଗଦେଇଥିଲେ। ସଂକୀର୍ତ୍ତନ ସାରିବା ପରେ ରାତି ସାଢ଼େ ୯ ଟାରୁ ୧୦ଟା ମଧ୍ୟରେ ଘରକୁ ଫେରିଥିଲେ। ଘରେ ତାଙ୍କ ବୃଦ୍ଧା ମା’ ଏକା ଥିବା ବେଳେ ରାତିରେ ପହଞ୍ଚତ୍ବାରେ ବିଳମ୍ବ ହେବାରୁ ଝିଅ ସଂକୀର୍ତ୍ତନ ମଣ୍ଡଳୀ ସହ ମନ୍ଦିରରେ ରହିଗଲା ଭାବି ଶୋଇପଡ଼ିଥିଲେ। ସୋମବାର ସକାଳେ ଘରଠାରୁ ୧୦୦ ମିଟର ଦୂରରେ ତାଙ୍କ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା। ଖବର ପାଇ ପଣ୍ଡାପଡ଼ା ଥାନା ସବ୍ଇନ୍ସପେକ୍ଟର ରାମଚନ୍ଦ୍ର ମହାନ୍ତ, ସଦର ଏସ୍ଡିପିଓ ମହେନ୍ଦ୍ର ମୁର୍ମୁ କେନ୍ଦୁଝର ସାଇଣ୍ଟିଫିକ ଟିମ୍ ସହ ପହଞ୍ଚତ୍ ଛାନ୍ଭିନ୍ ଆରମ୍ଭ କରିଛନ୍ତି। ପୋଲିସ ମୃତଦେହ ଜବତକରି ବ୍ୟବଚ୍ଛେଦ ନିମନ୍ତେ କେନ୍ଦୁଝର ଜିଲା ସ୍ବାସ୍ଥ୍ୟକେନ୍ଦ୍ରକୁ ପଠାଇଛି। ସତ୍ୟଭାମାଙ୍କ ଭାଇ ଜଗନ୍ନାଥ ସିଂହଙ୍କ ଅଭିଯୋଗ ଅନୁଯାୟୀ, କଟକ ଜିଲା ଟାଙ୍ଗି-ଚୌଦ୍ୱାର ଥାନା ଅଧୀନ ନଖରା ବରେଇପାଟଣା ଗ୍ରାମର ନାରାୟଣ ସାହୁ ସତ୍ୟଭାମାଙ୍କ ପାଖରେ ରହି ପାଲା ମୃଦଙ୍ଗ ବାଦକ (ବାୟକ) ଭାବେ କାର୍ଯ୍ୟ କରୁଥିଲେ। କିଛି ଦିନ ପୂର୍ବେ ବାୟକ କୌଣସି କାରଣରୁ ସତ୍ୟଭାମାଙ୍କୁ ମାଡ଼ମାରିଥିଲେ। ଏହା ପରଠାରୁ ସେ ବିନିଦା ଗ୍ରମାକୁ ଅସୁ ନ ଥିଲେ। ନାରାୟଣ ଘଟଗଁା ଥାନା ଅଧୀନ ସାନ୍ତରାପୁର ଗ୍ରାମର ରାଇବଣ ସାହିରେ ସତ୍ୟଭାମାଙ୍କ ବଡ଼ଭଉଣୀ ଋକ୍ମିଣୀ ନାୟକଙ୍କ ସ୍ବାମୀ ଭୁଲାରାମ ନାୟକଙ୍କ ପାଖରେ ରହି ରାଜମିସ୍ତ୍ରୀ କାମ କରୁଥିଲେ। ରବିବାର ନାରାୟଣ ରାଇବଣ ସାହିରୁ ଏକ ହାତୁଡି ଧରି ବାହାରି ଥିବା ବେଳେ ସୋମବାର ସକାଳୁ ବିନିଦାର ଜଣେ ଯୁବକଙ୍କୁ ଫୋନ୍ କରି ତୁମ ଗ୍ରାମରେ କ’ଣ ଘଟିଛି କି ବୋଲି ପଚାରିଥିଲେ। ବାୟକ କଟକରେ ଥିବା କହିଥିବା ବେଳେ ରବିବାର ରାତିରେ ବିନିଦାରେ ବୁଲୁଥିବା କିଛି ଗ୍ରାମବାସୀ କହିଛନ୍ତି। ତେଣୁ ଘଟଣାରେ ବାୟକଙ୍କ ସମ୍ପୃକ୍ତି ଥିବା ଥାନାରେ ଲିଖିତ ଅଭିଯୋଗ ହୋଇଛି। ପଣ୍ଡାପଡ଼ା ପୋଲିସ ଅଭିଯୋଗକୁ ଭିର୍ତ୍ତି କରି ଏକ ମାମଲା (ନଂ. ୮୬/୨୩) ରୁଜୁ କରିବା ସହ ତଦନ୍ତ ଆରମ୍ଭ କରିଛି। ଏ ସଂକ୍ରାନ୍ତରେ ସଦର ଏସ୍ଡିପିଓ ମୁର୍ମୁ କହିଛନ୍ତି, ଘଟଣାର ତଦନ୍ତ ଚାଲିଛି। ଖୁବ୍ଶୀଘ୍ର ଅଭିଯୁକ୍ତ ଧରାପଡ଼ିବେ। ଶବ ବ୍ୟବଚ୍ଛେଦ ରିପୋର୍ଟ ମିଳିବା ପରେ ସବୁକିଛି ସ୍ପଷ୍ଟ ହେବ ବୋଲି କହିଥିଲେ। ଘଟଣାସ୍ଥଳରେ ଭାଜପା ନଦୀ ସୁରକ୍ଷା ସମିତିର ରାଜ୍ୟ ସଭାପତି ମହେଶ୍ୱର ସାହୁଙ୍କ ସମେତ ଏକ ପ୍ରତିନିଧି ଦଳ ପହଞ୍ଚତ୍ ପୋଲିସ ଘଟଣାର ଠିକ୍ଭାବେ ତଦନ୍ତକରି ଅଭିଯୁକ୍ତଙ୍କୁ ଗିରଫ କରୁ ବୋଲି ଦାବି କରିଥିଲେ।
