ପାଟଣା,୩।୩(ସ୍ବ.ପ୍ର.): କେନ୍ଦୁଝର ଜିଲା ପାଟଣା ନିର୍ବାଚନମଣ୍ଡଳୀ ଭାଜପା ପକ୍ଷରୁ ଭୁବନେଶ୍ୱରରେ ଭାଜପା ଯୁବମୋର୍ଚ୍ଚା କର୍ମକର୍ତ୍ତାଙ୍କୁ ଆକ୍ରମଣ ପ୍ରତିବାଦରେ ଶୁକ୍ରବାର ପାଟଣା ଓ ତୁରୁମୁଙ୍ଗା ଥାନାରେ ଏତଲା ଦିଆଯାଇଛି।
ସୂଚନାଯୋଗ୍ୟ ଯେ, ରାଜ୍ୟ ଭାଜପା ଯୁବମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ ସମର୍ଥକଙ୍କ ସହ ଗତ ମଙ୍ଗଳବାର ବିଧାନ ସଭା ଘେରାଉ କରିଥିଲେ। ସେହି ସମୟରେ ପୋଲିସ ଭାଜପା କର୍ମକର୍ତ୍ତାଙ୍କୁ ଆକ୍ରମଣ କରି ଗିରଫ କରିଥିଲା। ଏହି ଆକ୍ରମଣ ଓ ଗିରଫଦାରିକୁ ବେଆଇନ ବୋଲି ଅଭିଯୋଗ କରି ପାଟଣା ଭାଜପା କର୍ମକର୍ତ୍ତା ପାଟଣା ଥାନାରେ ଅଧିକାରୀ ମନୋରଞ୍ଜନ ପ୍ରଧାନଙ୍କୁ ଏତଲା ଦେଇଛନ୍ତି। ଏଥିରେ ଭାଜପା ଜିଲା ଯୁବମୋର୍ଚ୍ଚା ସାଧାରଣ ସମ୍ପାଦକ ସବୀର ଦାଶଙ୍କ ସହ ପୂର୍ବତନ ଜିଲା ପରିଷଦ ଅଧ୍ୟକ୍ଷା ମମିତା ନାଏକ, ମହିଳା ନେତ୍ରୀ ସୋମବାରି ମୁଣ୍ଡା, ଟାଙ୍ଗରପଡ଼ା ସରପଞ୍ଚ ଅନିରୁଦ୍ଧ ନାଏକ, ପାଟଣା ମଣ୍ଡଳ ସଭାପତି ରମେଶ ମହାନ୍ତ, ଯୁବମୋର୍ଚ୍ଚା ନେତା ନିତେଶ ମହାନ୍ତ, ସୁଜିତ ଦାଶ, କୃଷ୍ଣ ଚନ୍ଦ୍ର ମହାନ୍ତ, ମଧୁସୂଦନ ମହାନ୍ତ ପ୍ରମୁଖ ଉପସ୍ଥିତ ଥିଲେ। ଏପରିକି ମଣ୍ଡଳ ସଭାପତି ମିତ୍ର ଭାନୁ ମହାନ୍ତ, ପୂର୍ବତନ ଜିଲା ପରିଷଦ ଅଧ୍ୟକ୍ଷା ମମିତା ନାଏକ, ବରିଷ୍ଠ ଭାଜପା ନେତା ଅଖିଳ ନାଏକ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ସତ୍ୟବ୍ରତ ନାଏକ, ପ୍ରିୟରଞ୍ଜନ ସିଂ, ଜୁଲିୟସ ସିଂ ପ୍ରମୁଖ ତୁରୁମୁଙ୍ଗା ଥାନାରେ ମଧ୍ୟ ଏକ ଏତଲା ଦେଇଛନ୍ତି।
