ଭାଜପା-ବିଜେଡି କଡ଼ା ଟକ୍କର: ଚିନ୍ତାରେ ଭୋଟର, କର୍ମୀ

କେନ୍ଦୁଝର,୩୦ା୩(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲାର ଛଅ ବିଧାନସଭା ଓ ଗୋଟିଏ ଲୋକ ସଭା ନିର୍ବାଚନ ପାଇଁ ସବୁ ଦଳ ପ୍ରସ୍ତୁତ ହୋଇଥିଲେ ହେଁ ଦଳରେ ନେତା ଓ କର୍ମୀମାନଙ୍କ ମଧ୍ୟରେ ସେଭଳି ଉତ୍ସାହ ପରିଲକ୍ଷିତ ହେଉନାହିଁ। ମେଣ୍ଟ ହେବ ନାହିଁ ବୋଲି ଘୋଷଣା ପରେ ଉଭୟ ଦଳ ପୁଣି ତତ୍ପର ହୋଇଉଠିଛନ୍ତି। ଉଭୟ ଦଳ ଯୋଗ୍ୟ ପ୍ରାର୍ଥୀ ଦେବା ପାଇଁ ଉଦ୍ୟମ ଚଳାଇଛନ୍ତି। କେନ୍ଦୁଝର ଲୋକ ସଭା ସିଟ୍‌ ପାଇଁ ଭାଜପା ଅନନ୍ତ ନାୟକଙ୍କ ନାମ ଘୋଷଣା କରିସାରିଥିବା ବେଳେ ବିଜେଡି ଘୋଷଣା କରିନାହିଁ। ସେହିପରି ବିଜେଡି ଘଷିପୁରା ନିର୍ବାଚନ ମଣ୍ଡଳୀ ପାଇଁ ବଦ୍ରୀ ନାରାୟଣ ପାତ୍ର ଓ ପାଟଣା ନିର୍ବାଚନ ମଣ୍ଡଳୀ ପାଇଁ ଜଗନ୍ନାଥ ନାୟକଙ୍କ ନାମ ଘୋଷଣା କରିସାରଥିବା ବେଳେ ଭାଜପା ଗୋଟିଏ ହେଲେ ବିଧାନସଭା ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀ ଘୋଷଣା କରିନାହିଁ।
ତେବେ ଭାଜପା ଦଳରେ ସଦର ବିଧାନସଭା ନିର୍ବାଚନ ମଣ୍ଡଳୀ ପାଇଁ ବର୍ତ୍ତମାନର ବିଧାୟକ ମୋହନ ମାଝି ଆଶାୟୀଙ୍କ ତାଲିକାରେ ଆଗରେ ରହିଥିଲେ ହେଁ ତାଙ୍କ ନାମ ଘୋଷଣା କରିବାରେ ବିଳମ୍ବକୁ ନେଇ ତାଙ୍କୁ ଓ ତାଙ୍କ ସମର୍ଥକଙ୍କୁ ଚିନ୍ତାରେ ପକାଇଦେଇଛି। ଭାଜପା ରାଜ୍ୟ ଅପେକ୍ଷା କେନ୍ଦ୍ରରେ ସରକାର ଗଠନକୁ ଅଧିତ୍କ ଗୁରୁତ୍ୱ ଦେଉଛି ଏହା କାହାରିକୁ ଅଛପା ନାହିଁ। ଏଣୁ କିଭଳି କେନ୍ଦୁଝର ଲୋକ ସଭା ହାତେଇବ ସେ ନେଇ ରଣକୌଶଳ ପ୍ରସ୍ତୁତ କରୁଛି। ଏଣୁ ଏଥିପାଇଁ ଜିଲାରେ ଛଅ ନିର୍ବାଚନ ମଣ୍ଡଳୀରୁ ଅନ୍ୟୁନ ତିନୋଟି ସିଟ୍‌ରେ ଜିତିବା ସହ ଅନ୍ୟ ତିନୋଟିରେ ଭଲ ଭୋଟ୍‌ ପାଇବା ଜରୁରୀ ବୋଲି ରାଜନୈତିକ ସମୀକ୍ଷକମାନେ ମତବ୍ୟକ୍ତ କରୁଛନ୍ତି। ଏଣୁ ଏଥିପାଇଁ ଦଳ ମାପିଚୁପି ଭାବିଚିନ୍ତି ପ୍ରାର୍ଥୀ ଚୟନ କରୁଥିବା ଅନୁମାନ କରାଯାଉଛି।

୬ ନିର୍ବାଚନ ମଣ୍ଡଳୀରୁ ଭାଜପାର ସ୍ଥିତି ସଦର ନିର୍ବାଚନ ମଣ୍ଡଳୀରେ ଭଲ ରହିଛି। କାରଣ କେନ୍ଦୁଝରଗଡ଼ ପୌରାଞ୍ଚଳର ସମ୍ବେଦନଶୀଳ ଭୋଟର ଏହି ସିଟ୍‌ର ଜିତ୍‌ହାର ଅଧିକ ନିର୍ଦ୍ଧାରଣ କରିଥାନ୍ତି। ତେବେ ମୋହନଙ୍କ ପ୍ରାର୍ଥିତ୍ୱକୁ ନେଇ ଦଳରେ ବିବାଦ ଲାଗି ରହିଛି। ଏଣୁ ସିଟ୍‌କୁ ହାତଛଡ଼ା ନ କରିବା ପାଇଁ ଦଳର କେତେକ ନେତା ଓ କର୍ମୀମାନେ ପ୍ରାର୍ଥୀ ପରିବର୍ତ୍ତନ କରିବା ନେଇ ଆଲୋଚନା କରୁଛନ୍ତି। ଏଥିପାଇଁ ଏହି ସିଟ୍‌ରେ ପ୍ରାର୍ଥୀ ଘୋଷଣାରେ ବିଳମ୍ବ ଘଟୁଛି ବୋଲି କୁହାଯାଉଛି। ସେହିପରି ଅନ୍ୟ ଏକ ପ୍ରମୁଖ କାରଣ ହେଉଛି ପୂର୍ବତନ ବିଧାୟକ ସନାତନ ମହାକୁଡ଼ଙ୍କ ଦଳରେ ସାମିଲ ସମ୍ଭାବନା। କାରଣ ସନାତନ ଯୋଗଦେଲେ ରାଜନୈତିକ ଉଷ୍ଣତା ବୃଦ୍ଧି ପାଇବ ଏବଂ ପ୍ରାର୍ଥୀ ସମ୍ଭାବନାରେ ପରିବର୍ତ୍ତନ ଦେଖାଦେବ। ଏଣୁ ଏହି ସମୟକୁ ଅପେକ୍ଷା କରାଯାଉଥିବା କୁହାଯାଉଛି। ସନାତନ ନିଜର ଅନୁଗତଙ୍କୁ ପ୍ରାର୍ଥୀ କରିବା ସମ୍ଭାବନା ରହିଥିବାରୁ ଭାଜପା ଦଳର କେତେକ ନେତା ତାଙ୍କ ସାମିଲକୁ ବିରୋଧ କରୁଛନ୍ତି। ଏଣୁ ଘୋଷଣାରେ ବିଳମ୍ବ ଘଟୁଛି ବୋଲି ଆଲୋଚନା ହେଉଛି। ଅନ୍ୟପକ୍ଷରେ ଏହି ସିଟ୍‌କୁ ଫେରିବାକୁ ବିଜେଡି ମଧ୍ୟ ଜୋର୍‌ଦାର୍‌ ପ୍ରସ୍ତୁତି ଆରମ୍ଭ କରିଦେଇଛି। ଏଣୁ ନୂଆ ମୁହଁ ଦେବ କି ପୁରୁଣା ନେତାଙ୍କୁ ପ୍ରାର୍ଥୀ କରିବ ତାହା ଘୋଷଣାକୁ ସମସ୍ତେ ଅପେକ୍ଷା କରିଛନ୍ତି। ସେହିପରି ଲୋକ ସଭା ପାଇଁ ପୁଣିଥରେ ଚନ୍ଦ୍ରାଣୀ ମୁର୍ମୁ ଆଶାୟୀ ଥିବା ବେଳେ ତାଙ୍କ ବିରୋଧରେ କର୍ମୀ, ନେତା ତଥା ଭୋଟରଙ୍କ ଅସନ୍ତୋଷ ଯୋଗୁ ଦଳ ବିଚାର କରି ସିଟ୍‌ ହାତେଇବାକୁ କାହାକୁ ପ୍ରାର୍ଥୀ କରିବ ସମୀକ୍ଷା କରୁଛି। ଏଣୁ ବିଜେଡି ଏହି ସିଟ୍‌ରେ ପ୍ରାର୍ଥୀ ଘୋଷଣାରେ ବିଳମ୍ବ କରୁଛି ବୋଲି ଦଳ ଭିତରେ ଓ ବାହାରେ ଆଲୋଚନା ହେଉଛି।
ବିଜେଡିରେ ମଧ୍ୟ ସମାନ ଅବସ୍ଥା ଦେଖିବାକୁ ମିଳିଛି। ଦୁଇ ବିଧାୟକଙ୍କୁ ପୁଣିଥରେ ନିର୍ବାଚନ ଲଢ଼ିବା ନେଇ ଘୋଷଣା ସରିଥିବା ବେଳେ ଅନ୍ୟଗୁଡ଼ିକ ଘୋଷଣାରେ ବିଳମ୍ବକୁ ନେଇ ନାନା ଚର୍ଚ୍ଚା ଆରମ୍ଭ ହେଉଛି। ତେଲକୋଇରୁ ପ୍ରେମାନନ୍ଦଙ୍କ ଦଳରୁ ଇସ୍ତଫା ପରେ ବିକଳ୍ପ ପ୍ରାର୍ଥୀ ଖୋଜୁଛି। ତେବେ ସେଠାରେ ପୂର୍ବତନ ବିଧାୟକ ସିଦ୍ଧୁ ନାୟକ ଆଶାୟୀ ତାଲିକାରେ ଆଗରେ ରହିଛନ୍ତି। ସେହିପରି ଆନନ୍ଦପୁର, ଚମ୍ପୁଆରେ ବର୍ତ୍ତମାନର ବିଧାୟକ ପୁଣିଥରେ ଆଶାୟୀ ଥିବା ବେଳେ ଘୋଷଣାରେ ବିଳମ୍ବ ହେଉଥିବାରୁ ସେଠାରେ ପ୍ରାର୍ଥୀ ପରିବର୍ତ୍ତନ ସମ୍ଭାବନା ରହିଥିବା ଆଲୋଚନା ହେଉଛି। ଏଣୁ ବିକଳ୍ପ ଆଶାୟୀଙ୍କ ସଂଖ୍ୟା ଅଧିକ ଥିଲେ ହେଁ କିଏ ହେବ ସଠିକ୍‌ ଜଣାପଡ଼ିନାହିଁ।


Enter your email to get our daily news in your inbox.

All Right Reserved By Dharitri.Com

ଦାୟିତ୍ୱ ଗ୍ରହଣ କରିବା ପରେ ମୁଖ୍ୟମନ୍ତ୍ରୀଙ୍କୁ ସୌଜନ୍ୟମୂଳକ ସାକ୍ଷାତ କଲେ ପିତାମ୍ବର ଆଚାର୍ଯ୍ୟ

ଭୁବନେଶ୍ବର,୨୨।୭: ରାଜ୍ୟ ଆଡଭୋକେଟ ଜେନେରାଲ ଭାବେ ଦାୟିତ୍ୱ ଗ୍ରହଣ କରିବା ପରେ ପିତାମ୍ବର ଆଚାର୍ଯ୍ୟ ସୋମବାର ସନ୍ଧ୍ୟାରେ ଲୋକସେବା ଭବନଠାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କୁ...

ଡାଇରିଆ ଆତଙ୍କ, ଜଣେ ଆକ୍ରାନ୍ତଙ୍କ ମୃତ୍ୟୁ ସୂଚନା

କୋକସରା,୨୨।୭(ଦୁଷ୍ମନ୍ତ କୁମାର ପାଟ୍ଟଯୋଷୀ): କଳାହାଣ୍ଡି ଜିଲା କୋକସରା ବ୍ଲକ ଖୁଣ୍ଟିଆ ପଞ୍ଚାୟତ ଡଙ୍ଗରିପଡା ଗ୍ରାମରେ ଗତ କିଛିଦିନ ହେବ ଡାଇରିଆ ବ୍ୟାପୁଥିବା ଦେଖିବାକୁ ମିଳିଛି। ଗ୍ରାମର...

ବାପା, ପୁଅଙ୍କୁ ଗୋଡ଼ାଇ ଗୋଡ଼ାଇ ହାଣିଲେ

ବାରିପଦା,୨୨।୭: ବାପା ପୁଅଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ପଡ଼ୋଶୀ। ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲା କପ୍ତିପଦା ନୁଦୁଡିହା ଗାଁରେ। ବିଲରେ କାମ କରୁଥିବା...

ବର୍ଷାରେ ଧସିଲା ନଦୀ ପୋଲ

ମାଲକାନଗିରି,୨୧ା୭(ଦୁର୍ଯ୍ୟୋଧନ ପାତ୍ର): ମାଲକାନଗିରି ଜିଲାରେ ଗତ ୩ ଦିନ ଧରି ଲଘୁଚାପ ଲଗାଣ ବର୍ଷା ଯୋଗୁ ଏମ୍‌ଭି ୯୦, ଏମ୍‌ଭି ୯୬, କାଙ୍ଗୁରୁକୋଣ୍ଡା, କନ୍ୟାଶ୍ରମ, ପାଙ୍ଗାମ...

୨୪ ବର୍ଷ ପରେ ବିଧାନସଭାରେ ବଦଳିଲା ନବୀନଙ୍କ ଆସନ, ବସିଲେ ଏହି ନେତାଙ୍କ ସିଟ୍‌ରେ

ଭୁବନେଶ୍ୱର,୨୨।୭: ୨୪ ବର୍ଷ ପରେ ବିଧାନସଭାରେ ନବୀନ ପଟ୍ଟନାୟକଙ୍କ ଆସନ ବଦଳିଛି। ୫ ଥରର ମୁଖ୍ୟମନ୍ତ୍ରୀ ଥିବା ନବୀନ ଆଜି ବିରୋଧୀ ଆସନରେ ବସିଛନ୍ତି। ନବୀନ...

ଶାଶୁ, ସ୍ତ୍ରୀଙ୍କୁ ଶାବଳ ଭୁସି ମାରିଦେଲେ: ଦେଢ଼  ବର୍ଷର ପୁଅକୁ ଧରି ଥାନାରେ ପହଞ୍ଚିଲେ 

ଭୁବନେଶ୍ୱର,୨୨।୭: ଶାଶୁ ଓ ସ୍ତ୍ରୀଙ୍କୁ ହତ୍ୟା ପରେ ଦେଢ଼ ବର୍ଷର ପୁଅକୁ ଧରି ଥାନାରେ ଆତ୍ମସମର୍ପଣ କରିଛନ୍ତି ଜ୍ୱାଇଁ। ସୋମବାର ଏପରି ବୀଭତ୍ସ ହତ୍ୟାକାଣ୍ଡ ଘଟିଛି...

ଘରଡିହ ନ ମିଳିଲେ ସରକାରୀ ଜାଗା ଦଖଲ କରିବୁ

ପାରଳାଖେମୁଣ୍ଡି,୨୨ା୭(ଗିରିଧାରୀ ପରିଛା): ପାରଳାଖେମୁଣ୍ଡି ସ୍ଥିତ ଜିଲାପାଳଙ୍କ କାର୍ଯ୍ୟାଳୟ ନିକଟରେ ଗୁମ୍ମା ବ୍ଲକର ଶତାଧିକ ଲୋକ ପହଞ୍ଚି ଘର ଡିହ ପ୍ରଦାନରେ ବିଳମ୍ବ ଓ ବିଫଳତା ପ୍ରତିବାଦରେ...

ଆଇରନ୍‌ ବଟିକା ଖାଇ ୩୦ ଛାତ୍ରୀଛାତ୍ର ଅସୁସ୍ଥ

ପାରାଦୀପ,୨୨।୭: ଜଗତ୍‌ସିଂହପୁର ଜିଲା ଅଠରବାଙ୍କି ତଳଗଡ଼ ଯୁପି ସ୍କୁଲରେ ସୋମବାର ଏକ ଅଘଟଣ ଘଟିଛି। ସ୍କୁଲରେ ଦିଆଯାଇଥିବା ଆଇରନ୍‌ ବଟିକା ଖାଇ ୩୦ରୁ ଊଦ୍ଧର୍‌ବ ଛାତ୍ରୀଛାତ୍ର...

Advertisement
Mettle Meet 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri