ଆମଦାନୀ ନେତାଙ୍କୁ ଭରସା କରିଚାଲିଛି ବିଜେଡି

ସମ୍ବଲପୁର,୧୪।୪ (ଭବାନୀ ଶଙ୍କର ଭୋଇ)ସମ୍ବଲପୁର ଜିଲାର କୁଚିଣ୍ଡା ବିଧାନସଭା ନିର୍ବାଚନମଣ୍ଡଳୀ ଅନୁସୂଚିତ ଜନଜାତି ବର୍ଗଙ୍କ ପାଇଁ ସଂରକ୍ଷିତ ରହିଛି । ଏହି କ୍ଷେତ୍ରରେ ବିଜେଡି ଆମଦାନୀ ନେତାଙ୍କ ଉପରେ କ୍ରମାଗତ ଭରସା କରି ଚାଲିଥିବା ଦେଖିବାକୁ ମିଳୁଛି। କେବଳ ୨୦୧୯ରେ ଏହି ପ୍ରୟୋଗ ସଫଳ ହୋଇଥିଲା। ଚଳିତ ନିର୍ବାଚନରେ ବିଜେଡି କୁଚିଣ୍ଡାରୁ ପ୍ରାର୍ଥୀ ଘୋଷଣା କରି ନ ଥିବା ବେଳେ କଂଗ୍ରେସର ପୂର୍ବତନ ବିଧାୟକ ରାଜେନ୍ଦ୍ର ଛତ୍ରିଆ ବିଜେଡିରେ ଯୋଗଦେବା ପରେ ଉପରଲିଖିତ ଚର୍ଚ୍ଚା ପୁଣି ଜୋର ଧରିଛି ।
ଦେଖିଲେ ୨୦୦୦ ମସିହା ପୁର୍ବରୁ ଏହି ସିଟ୍‌ କଂଗ୍ରେସର ଗଡ଼ ଭାବେ ପରିଗଣିତ ହେଉଥିଲା । ୨୦୦୦ରେ ବିଜେଡି-ଭାଜପା ମିଳିତ ଭାବେ ନିର୍ବାଚନ ଲଢ଼ିଥିବା ବେଳେ ଏହି ଆସନ ଭାଜପା ଅଧୀନରେ ରହିଥିଲା। ବିଜେଡି ସହଯୋଗରେ ଭାଜପା ପ୍ରାର୍ଥୀ ରବିନାରାୟଣ ନାଏକ ୨୦୦୦ରୁ ୨୦୦୯ ପର୍ଯ୍ୟନ୍ତ ଦୁଇ ଥର ବିଧାୟକ ଭାବେ ନିର୍ବାଚିତ ହୋଇଥିଲେ। ୨୦୦୯ ବିଧାନସଭା ନିର୍ବାଚନରେ ଭାଜପା ସହିତ ମେଣ୍ଟ ଭାଙ୍ଗିବା କାରଣରୁ ବିଜେଡି ପ୍ରଥମ ଥର କୁଚିଣ୍ଡା ବିଧାନସଭାରେ ନିଜର ପ୍ରାର୍ଥୀ ଦେଇଥିଲା । ସେତେବେଳ ବିଜେଡିର ସଙ୍ଗଠନ କୁଚିଣ୍ଡାରେ ଆଦୌ ମଜଭୁତ ନ ଥିବା ବେଳେ ଆମଦାନୀ ନେତାଙ୍କ ଉପରେ ବିଶ୍ୱାସ ରଖି ଭାଜପା ନେତା ତଥା ପୂର୍ବତନ ବିଧାୟକ ବୃନ୍ଦାବନ ମାଝୀଙ୍କୁ ଦଳ ଟିକେଟ ଦେଇ ପ୍ରାର୍ଥୀ କରିଥିଲା। ସେହି ନିର୍ବାଚନରେ ତ୍ରିମୁଖୀ ଲଢ଼େଇ ହେବା ଦ୍ୱାରା ଏହାର ଫାଇଦା କଂଗ୍ରେସକୁ ଯାଇଥିଲା। କଂଗ୍ରେସର ରାଜେନ୍ଦ୍ର ଛତ୍ରିଆ ଭାଜପାର ରବିନାରାୟଣ ନାଏକଙ୍କୁ ପରାସ୍ତ କରିବାରେ ସଫଳ ହୋଇଥିଲେ। ୨୦୧୪ ନିର୍ବାଚନରେ ବିଜେଡି ପୁଣି ଆମଦାନୀ ନେତାଙ୍କୁ ସୁଯୋଗ ଦେଇଥିଲା। ଭାଜପାର ସମିତିସଭ୍ୟ ଭୁବନେଶ୍ୱର କିଷାନଙ୍କୁ ବିଜେଡି ସେତେବେଳେ ଟିକେଟ ଦେଇଥିଲା। ସେହି ନିର୍ବାଚନରେ ଭାଜପା ପ୍ରାର୍ଥୀ ରବିନାରାୟଣ ବିଜେଡିର ଭୁବନେଶ୍ୱରଙ୍କୁ ପରାଜିତ କରିଥିଲେ ।
ସେତେବେଳେ କୁଚିଣ୍ଡାରେ ବିଜେଡି ସଙ୍ଗଠନ ଦୁର୍ବଳ ରହିଥିବା ବେଳେ ହଠାତ୍‌ ଭାଜପାରୁ ଆସି ବିଜେଡିରେ ଭୁବନେଶ୍ୱର କିଷାନ ଦଳୀୟ ସଂଗଠନ ସଜାଡ଼ିବାକୁ ସୁଯୋଗ ପାଇପାରି ନ ଥିଲେ। ତେବେ ସେ ପାଞ୍ଚବର୍ଷ ଧରି ସଙ୍ଗଠନ କରି ୨୦୧୯ରେ ପ୍ରାର୍ଥୀ ହେବାକୁ ଆଶା ବାନ୍ଧିଥିବା ବେଳେ ଏହି ନିର୍ବାଚନରେ ବିଜେଡି ତା’ର ପୁରୁଣା ନୀତି ଦୋହରାଇଥିଲା। ଭାଜପାରୁ ଆମଦାନୀ ହୋଇଥିବା ପୂର୍ବତନ ବ୍ଲକ ଅଧ୍ୟକ୍ଷ କିଶୋର ନାଏକଙ୍କୁ ବିଜେଡି ଟିକେଟ ଦେଇଥିଲା। ଫଳସ୍ବରୂପ, ବିଜେଡିର ବିଜୟ ହୋଇଥିଲା। କିଶୋର ବିଧାୟକ ହେବା ପରେ ଦଳୀୟ ସଙ୍ଗଠନ ମଜଭୁତ ହେବା ପରିବର୍ତ୍ତେ ଦଳର ପୁରୁଣା କର୍ମୀ ଓ ନେତାଙ୍କ ସହ ତାଙ୍କର ସମ୍ପର୍କ ସେତେଟା ମଧୁର ରହିପାରି ନ ଥିଲା । ପାଞ୍ଚ ବର୍ଷ ମଧ୍ୟରେ ବିଜେଡି ନେତାଙ୍କ ମଧ୍ୟରେ ନେତୃତ୍ୱ ନେବାକୁ ନେଇ ବଳ କଷାକଷି ଲାଗି ରହିଥିଲା। ଏହା ଭିତରେ ବିଜେଡିରେ କଂଗ୍ରେସରୁ ଆମଦାନୀ ହୋଇଥିବା ଶୋଭାରାମ ପଧାନଙ୍କୁ ଦଳ ସମ୍ବଲପୁର ସ୍ବତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ପଦ ଦେବା ପରେ ସେ ବିଜେଡି ଟିକେଟ ପାଇଁ ଆଶାବାଦୀ ରହିଥିଲେ। ତାଙ୍କ ବ୍ୟତୀତ ଭୁବନେଶ୍ୱର କିଷାନ, ବାମରାରୁ ସଦାନନ୍ଦ କୁଜୁର ଏବଂ ସପ୍ତମ ଥର ଦଳ ପରିବର୍ତ୍ତନ କରି ପୁଣିଥରେ ବିଜେଡିରେ କିଛିଦିନ ପୂର୍ବରୁ ସାମିଲ ହୋଇଥିବା ପୂର୍ବତନ ବିଧାୟକ ବୃନ୍ଦାବନ ମାଝୀ ଟିକେଟ ଦୌଡ଼ରେ ଅଛନ୍ତି। ବିଜେଡି ବାରମ୍ବାର ଆମଦାନୀ ହୋଇ ଆସିଥିବା ନେତାଙ୍କୁ କୁଚିଣ୍ଡାରୁ ଟିକେଟ ଦେଉଥିବାରୁ ଅନ୍ୟ ଦଳର ନେତାମାନେ ଟିକେଟ ଆଶାରେ ବିଜେଡିରେ ଯୋଗଦାନ କରିବା ଦ୍ୱାରା ଏବେ ବିଜେଡି ନେତାଙ୍କ ମଧ୍ୟରୁ ଯୋଗ୍ୟ ପ୍ରାର୍ଥୀ ବାଛିବା କଷ୍ଟକର ହୋଇପଡିଛି।
ଦଳର ବିଧାୟକ ରହିଥିବା ସତ୍ତ୍ୱେ ପ୍ରାର୍ଥୀ ଘୋଷଣାରେ ବିଳମ୍ବ ହେଉଛି । ଇତିମଧ୍ୟରେ କୁଚିଣ୍ଡାର ପୂର୍ବତନ କଂଗ୍ରେସ ବିଧାୟକ ରାଜେନ୍ଦ୍ର ଛତ୍ରିଆ ବିଜେଡିରେ ଯୋଗଦେବା ପରେ ରାଜନୈତିକ ସମୀକରଣ ବଦଳିବାରେ ଲାଗିଛି। ରାଜେନ୍ଦ୍ର କିଛିଦିନ ହେବ ବିଜେଡି ନେତାଙ୍କ ଯୋଗାଯୋଗରେ ରହିଥିବା ବେଳେ ଟିକେଟ ପ୍ରତିଶ୍ରୁତି ପାଇ ଦଳରେ ଯୋଗ ଦେଇଥିବା ଚର୍ଚ୍ଚା ହେଉଛି ।
କୁଚିଣ୍ଡାରେ ବିଜେଡି ସବୁବେଳେ ଆମଦାନୀ ନେତାଙ୍କ ଉପରେ ଭରସା କରୁଥିବାରୁ ରାଜେନ୍ଦ୍ର ଟିକେଟ ପାଇବା ଅସମ୍ଭବ ଲାଗୁନାହିଁ ବୋଲି ରାଜନୈତିକ ସମୀକ୍ଷକ ମତ ଦେଉଛନ୍ତି।


Enter your email to get our daily news in your inbox.

All Right Reserved By Dharitri.Com

IPL 2027: ଏହି ୬ ଖେଳାଳିଙ୍କୁ ଛାଡ଼ିଲା ପଞ୍ଜାବ, କାହାକୁ ଆଣିଲା ଜାଣନ୍ତୁ..

ନୂଆଦିଲ୍ଲୀ,୧୭।୧୧: ନ୍ୟୁଜିଲାଣ୍ଡ ପେସର ଲୋକି ଫର୍ଗୁସନ ଓ ଅଷ୍ଟ୍ରେଲିଆନ ଅଲରାଉଣ୍ଡର ମିଚେଲ ଓଓ୍ବେନଙ୍କ ସମେତ ୬ ଖେଳାଳିଙ୍କୁ ପଞ୍ଜାବ କିଙ୍ଗ୍ସ ମଙ୍ଗଳବାର ରିଲିଜ୍‌ କରିଛି। ଏମାନଙ୍କ ସହିତ…

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

IPL 2027 trade: ରାଜସ୍ଥାନ ରୟାଲ୍ସରୁ ଖେଳିବେ ଶାମି, ସାମ୍‌ କୁରାନଙ୍କୁ କିଣିଲା…

ନୂଆଦିଲ୍ଲୀ,୧୭ା୧୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିିଏଲ୍‌) ୨୦୨୭ ସିଜନରେ ରାଜସ୍ଥାନ ରୟାଲ୍ସରୁ ଖେଳିବେ ଭେଟେରାନ ଭାରତୀୟ ପେସ୍‌ ବୋଲର ମହମ୍ମଦ ଶାମି। ସେ ଲକ୍ଷ୍ନୌ ସୁପର ଜାଏଣ୍ଟ୍ସରୁ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ବୈଭବ ସୂର୍ଯ୍ୟବଂଶୀଙ୍କୁ ମିଳିବ ୧୧କୋଟି ଦରମା? ଆଇପିଏଲ ୨୦୨୭ ରେ ମିଳିବ କୋଟି କୋଟି ଟଙ୍କା!

ନୂଆଦିଲ୍‌ଲୀ,୧୭।୧୧: ବୈଭବ ସୂର୍ଯ୍ୟବଂଶୀଙ୍କୁ ରାଜସ୍ଥାନ ରୟାଲ୍ସ ୨୦୨୫ ମେଗା ଅକ୍ସନରେ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା। ସେତେବେଳେ ବୈଭବଙ୍କ ବୟସ ୧୪ ବର୍ଷ ଥିଲା,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?