ବାଗଶ୍ୱେର,୨୨।୬: ଉତ୍ତରାଖଣ୍ଡର ପିଥୌରଗଡ଼ରେ ବଡ ଧରଣର ଦୁର୍ଘଟଣା ହୋଇଛି। ଏକ ବୋଲେରୋ ଯାତ୍ରୀଙ୍କୁ ନେଇ ଯାଉଥିବା ବେଳେ ୫୦୦ଫୁଟ ତଳେ ଥିବା ଖାଇକୁ ଖସି ପଡିଛି। ଏଥିରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଆହତ ହୋଇଥିବା ସୂଚନା ମିଳିଛି।
ସୂଚନା ଅନୁଯାୟୀ, ବାଗେଶ୍ୱର ଜିଲ୍ଲାର ସାମାରୁ ହୋକ୍ରାକୁ ଯାଉଥିବା ଏକ ବୋଲେରୋ ଦୁର୍ଘଟଣାର ସମ୍ମୁଖୀନ ହୋଇ ୫୦୦ ମିଟର ଗଭୀର ଖାଇରେ ଖସିପଡିଥିଲା। ଏହି ଦୁର୍ଘଟଣାରେ ଘଟଣାସ୍ଥଳରେ ଆଠ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଏଥିରେ ଦୁଇ ଜଣ ଆହତ ହୋଇଥିବା କୁହାଯାଉଛି।
ସୂଚନା ପାଇବା ପରେ ନାଚନି ପୋଲିସ ଷ୍ଟେଶନରୁ ଏସଏଚଓ ଚନ୍ଦନ ସିଂ ପୋଲିସ ଟିମ ସହିତ ଘଟଣାସ୍ଥଳକୁ ଯାଇଛନ୍ତି। ତେଜମ ହସ୍ପିଟାଲରୁ ଘଟଣାସ୍ଥଳକୁ ଆମ୍ବୁଲାନ୍ସ ପଠାଯାଇଛି। କୁହାଯାଉଛି ଯେ ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିମାନେ ବୋଲେରୋରେ ପୂଜା ପାଇଁ ହୋକ୍ରା ମନ୍ଦିରକୁ ଯାଉଥିଲେ। ଦୁର୍ଘଟଣା ଘଟିଥିବା ସ୍ଥାନରେ ରାସ୍ତାଟି ଅତ୍ୟନ୍ତ ଖରାପ ଅବସ୍ଥାରେ ଅଛି।
