ମୁମ୍ବାଇ: ଟେଲିଭିଜନର ଲୋକପ୍ରିୟ ରିଆଲିଟି ଶୋ’ କୌନ ବନେଗା କରୋଡ ପତି ୧୩’ ସିଜିନ ଏବେ ଚାଲିଛି। ଅଂଶଗ୍ରହଣ କରୁଥିବା ପ୍ରତିଯୋଗୀମାନେ ହଟ୍ ସିଟ୍ରେ ବସି ବିଭିନ୍ନ ପ୍ରଶ୍ନର ଉତ୍ତର ଦେଉଥିବାର ଦେଖାଯାଉଛି । ନିକଟରେ ଏହି ଶୋ’ରେ ଦର୍ଶକଙ୍କୁ ଷ୍ଟୁଡେଣ୍ଟ୍ ୱିକ ସ୍ପେସିଆଲ ଏପିସୋଡ ଦେଖିବାକୁ ମିଳୁଛି।
ତେବେ ଚଳିତ ସପ୍ତାହରେ ଶୋ’ର ହୋଷ୍ଟ ଅମିତାଭ ବଚ୍ଚନଙ୍କୁ ଜଣେ ପ୍ରତିଯୋଗୀ ଏକ ମଜାଦାର କାମ କରିବାକୁ କହିଛନ୍ତି । ପିଲାଟି ଜିଭରେ ନାକକୁ ଛୁଇଁବାକୁ ବିଗ୍ ବିଙ୍କୁ କହିଛନ୍ତି। ହେଲେ ଏଥିରେ ସଫଳ ହୋଇ ପାରି ନ ଥିଲେ ବିଗ୍ ବି । ଏହା ମୋର ନିଶକୁ ଛୁଉଁଛି କିନ୍ତୁ ନାକକୁ ନୁହେଁ ବୋଲି ସେ କହିଛନ୍ତି। ଏହା ପରେ ପ୍ରତିଯୋଗୀ ତାଙ୍କ କହୁଣୀ ଚାଟିଛନ୍ତି ଏବଂ ଅମିତାଭ ମଧ୍ୟ ତାଙ୍କୁ ଅନୁକରଣ କରିବାକୁ ଚେଷ୍ଟା କରିଛନ୍ତି । ହେଲେ ସେ ପୁଣି ଥରେ ଏଥିରେ ମଧ୍ୟ ବିଫଳ ହୋଇଛନ୍ତି ।
