Posted inଫୁରସତ

ସୁନ୍ଦର ପକ୍ଷୀ

ଭଗବାନଙ୍କ ଦ୍ୱାରା ସୃଷ୍ଟି ଏ ବିଶ୍ୱବ୍ରହ୍ମାଣ୍ଡରେ ଅନେକ ସୁନ୍ଦର ସୁନ୍ଦର ଜିନିଷ ସବୁ ରହିଛି, ଯାହାର ସୌନ୍ଦର୍ଯ୍ୟ ବେଶ୍‌ ମନଲୋଭା ହୋଇଥାଏ; ଯେମିତି କି ପକ୍ଷୀ। ବିଶ୍ୱ ନିୟନ୍ତାଙ୍କ ଦ୍ୱାରା ସୃଷ୍ଟି ସେମିତି କେତୋଟି ସୁନ୍ଦର ପକ୍ଷୀଙ୍କ ସମ୍ପର୍କରେ…

ମୟୂର: ସୁନ୍ଦର ପକ୍ଷୀଙ୍କ କଥା ଉଠିଲେ, ଆଖି ସାମ୍ନାରେ ପ୍ରଥମେ ଯାହାର ରୂପ ନାଚିଉଠେ ସେ ହେଉଛି ଆମ ଜାତୀୟ ପକ୍ଷୀ ମୟୂରର। ଆକାଶରେ କଳା ହାଣ୍ଡିଆ ମେଘ ଘନେଇ ଆସିଲେ ଏହା ଯେବେ ନିଜ ରଙ୍ଗବେରଙ୍ଗର ପୁଚ୍ଛକୁ ମେଲାଇ ଆକର୍ଷଣୀୟ ନୃତ୍ୟ କରିବାକୁ ଲାଗେ, ସେତେବେଳେ ଏହାର ସୌନ୍ଦର୍ଯ୍ୟ ଦେଖିବା ଯୋଗ୍ୟ ହୋଇଥାଏ। ପୃଥିବୀ ପୃଷ୍ଠରେ ମୁଖ୍ୟତଃ ତିନି ପ୍ରଜାତିର ମୟୂର ଦେଖାଯାଇଥାନ୍ତି; ତନ୍ମଧ୍ୟରୁ ଭାରତରେ ଦେଖିବାକୁ ମିଳୁଥିବା ମୟୂର ସବୁଠାରୁ ଆକର୍ଷକ ଓ ସୁନ୍ଦର ହୋଇଥାନ୍ତି।
ସ୍କାର୍ଲେଟ୍‌ ମକାଓ: ଏହା ଦୁନିଆର ସବୁଠାରୁ ସୁନ୍ଦର ତଥା ରଙ୍ଗିନ ପକ୍ଷୀ ମଧ୍ୟରୁ ଗୋଟିଏ; ଯାହା ମୁଖ୍ୟତଃ ଆମେରିକା, ବ୍ରାଜିଲ୍‌, ମେକ୍ସିକୋ, ଆମାଜନ୍‌ ଜଙ୍ଗଲରେ ଅଧିକ ଦେଖିବାକୁ ମିଳିଥାନ୍ତି। ଏମାନେ ଏକ ପ୍ରକାର ଶୁଆ, ସେଥିପାଇଁ ଏମାନଙ୍କର ଥଣ୍ଟ ସାମାନ୍ୟ ବଙ୍କା ହୋଇଥାଏ। ତା’ଛଡ଼ା ଏମାନଙ୍କ ଆଖି ତଳେ ରହିଥିବା ଧଳା ଦାଗ ହିଁ ଏମାନଙ୍କୁ ଅଧିକ ଆକର୍ଷଣୀୟ କରିଥାଏ। ସୂଚନାନୁଯାୟୀ, ଏହି ପକ୍ଷୀମାନେ ପ୍ରାୟ ୪୦/୫୦ ବର୍ଷ ପର୍ଯ୍ୟନ୍ତ ଜୀବିତ ରହିବା ସହ ଘଣ୍ଟା ପ୍ରତି ପ୍ରାୟ ୬୦ କି.ମି. ବେଗରେ ଉଡ଼ିପାରନ୍ତି।
ହାଏସିନ୍ଥ ମକାଓ: ବିଶ୍ୱରେ ଯେତେ ପ୍ରଜାତିର ଶୁଆ ଅଛନ୍ତି, ତନ୍ମଧ୍ୟରୁ ଏହି ପ୍ରଜାତିର ଶୁଆମାନେ ଦେଖିବାକୁ ଟିକେ ବଡ଼ ଆଉ ଖୁବ୍‌ ସୁନ୍ଦର ହୋଇଥାନ୍ତି। ନୀଳ ରଙ୍ଗର ଏହି ଶୁଆମାନଙ୍କର ଆଖି ଚାରିପଟେ ଥିବା ହଳଦିଆ ରଙ୍ଗର ପଟି ଓ ତା’ସାଙ୍ଗକୁ ଲମ୍ବା ଲାଞ୍ଜ ହିଁ ଏମାନଙ୍କୁ ଅଧିକ ଆକର୍ଷଣୀୟ କରିଥାଏ।
ଗୋଲ୍ଡେନ୍‌ ଫେଜାଣ୍ଟ: ଏହି ପ୍ରଜାତିର ପକ୍ଷୀମାନେ ନିଜର ଆକର୍ଷଣୀୟ ରଙ୍ଗ ପାଇଁ ଖୁବ୍‌ ସୁନ୍ଦର ଦେଖାଯାଇଥାନ୍ତି। ଚାଇନାର ପାହାଡିଆ ତଥା ଜଙ୍ଗଲିଆ ଅଞ୍ଚଳରେ ଏମାନଙ୍କୁ ମୁଖ୍ୟତଃ ଦେଖିବାକୁ ମିଳିଥାଏ। କାରଣ ଏହି ପକ୍ଷୀଙ୍କର ପାହାଡିଆ ଓ ଜଙ୍ଗଲିଆ ସ୍ଥାନ ଖୁବ୍‌ ପସନ୍ଦ। ଚାଇନା ବ୍ୟତୀତ ଏମାନେ ୟୁକେ, କାନାଡ଼ା, ଆମେରିକା, ମେକ୍ସିକୋ, କଲମ୍ବିଆ, ପେରୁ, ଜର୍ମାନୀ, ବେଲ୍‌ଜିୟମ୍‌, ଫ୍ରାନ୍ସ, ଆୟର୍ଲାଣ୍ଡ, ଅଷ୍ଟ୍ରେଲିଆ, ନ୍ୟୁଜ୍‌ଲାଣ୍ଡ ଓ ଇଂଲଣ୍ଡର ପାହାଡି ଇଲାକାରେ ମଧ୍ୟ ଦେଖାଯାଇଥାନ୍ତି। ପ୍ରକୃତି ଏମାନଙ୍କ ଶରୀରରେ ବିଭିନ୍ନ ରଙ୍ଗ ଭରି ଦେଇଥିବାରୁ ଅନେକେ ଏହାଙ୍କୁ ରେନ୍‌ବୋ ଫେଜାଣ୍ଟ ବୋଲି ମଧ୍ୟ କହିଥାନ୍ତି। ଶରୀର ଅପେକ୍ଷା ଏମାନଙ୍କ ଲାଞ୍ଜ ଅଧିକ ଆକର୍ଷକ ଲାଗିଥାଏ।
ହମିଙ୍ଗ୍‌ ବାର୍ଡ: ଏମାନେ ନିଜର ରଙ୍ଗ ବଦଳାଇବାର କ୍ଷମତା ପାଇଁ ବେଶ୍‌ ଆକର୍ଷକ ଲାଗିଥାନ୍ତି। ଏମାନେ ଯେବେ ମୁଣ୍ଡ ହଲାନ୍ତି, ସେବେ ତାଙ୍କ ଶରୀରର ରଙ୍ଗ ବଦଳିଥାଏ। ତା’ଛଡ଼ା ଏହି କ୍ଷୁଦ୍ର ପକ୍ଷୀଟିର ଉଡିବା ଶୈଳୀ ମଧ୍ୟ ବେଶ୍‌ ଅଜବ ହୋଇଥାଏ। ଏହା ଆଗକୁ ହେଉ ବା ପଛକୁ, ଡାହାଣକୁ ହେଉ ବା ବାମକୁ କିମ୍ବା ଉପରତଳ ସବୁ ଆଡ଼କୁ ସ୍ଥିର ହୋଇ ଉଡିବାରେ ବେଶ୍‌ ମାହିର୍‌। ଏମାନେ ପ୍ରତି ୧୦ ମିନିଟ୍‌କୁ ଥରେ ଖାଦ୍ୟ ଖାଇଥାନ୍ତି। ଫୁଲର ରସ ପିଇବା ଏମାନଙ୍କର ଖୁବ୍‌ ପସନ୍ଦ।
କିଲ୍‌ ବିଲ୍‌ ଟୌକାନ୍‌: ଏମାନେ ମୁଖ୍ୟତଃ ଦକ୍ଷିଣ ଆମେରିକାର ଜଙ୍ଗଲରେ ଦେଖାଯାଇଥାନ୍ତି। ଏମାନଙ୍କର ଓଜନ ପ୍ରାୟ ୧ କି.ଗ୍ରା. ରହୁଥିବାବେଳେ ଲମ୍ବା ପ୍ରାୟ ୫୫ ସେ.ମି. ପର୍ଯ୍ୟନ୍ତ ବଢିଥାଏ। ଏମାନଙ୍କ ଥଣ୍ଟରେ ମୁଖ୍ୟତଃ ଏକାଧିକ ରଙ୍ଗ ଦେଖିବାକୁ ମିଳୁଥିବାରୁ ଅନେକେ ଏମାନଙ୍କୁ ରେନ୍‌ବୋ ବିଲ୍‌ ଟୌକାନ୍‌ ବୋଲି ମଧ୍ୟ କହିଥାନ୍ତି। ତା’ଛଡ଼ା ଶରୀର ତୁଳନାରେ ଏହି ପକ୍ଷୀମାନଙ୍କର ଥଣ୍ଟ ଟିକେ ବଡ଼ ଓ ଆକର୍ଷକ ଲାଗିଥାଏ। ଖାସ୍‌ ସେଥିପାଇଁ ଏହି ପକ୍ଷୀମାନଙ୍କର ଅଧିକ ଶିକାର ମଧ୍ୟ ହୋଇଥାଏ। ତେଣୁ ଏମାନଙ୍କ ସଂଖ୍ୟା ଦିନକୁ ଦିନ ହ୍ରାସ ପାଉଥିବାର ଦେଖିବାକୁ ମିଳୁଛି।
ବ୍ଲୁ ଜେ:ଏମାନେ ମୁଖ୍ୟତଃ ଭାରତ, ଇଣ୍ଡୋନେସିଆ, ଇରାକ୍‌ ଆଦି ସ୍ଥାନରେ ଦେଖାଯାଇଥାନ୍ତି। ନୀଳ ରଙ୍ଗର ଏହି ପକ୍ଷୀଟି ଯେବେ ତା’ର ଡେଣା ମେଲାଇ ଆକାଶରେ ଉଡ଼ି ଯାଉଥାଏ, ସେବେ ଏହାର ରୂପ ବେଶ୍‌ ଆକର୍ଷକ ଲାଗିଥାଏ। ଏମାନଙ୍କର ଲମ୍ବା ୩୦ ସେ.ମି ପର୍ଯ୍ୟନ୍ତ ବଢୁଥିବାବେଳେ ଓଜନ ଅତି ବେଶିରେ ୧୫୦ରୁ ୨୦୦ ଗ୍ରାମ୍‌ ଭିତରେ ରହିଥାଏ। ଏତେ ଛୋଟ ପକ୍ଷୀଟିଏ ହେଲେ ବି ଏହା ନିଜର ଉପସ୍ଥିତ ବୁଦ୍ଧି ଖଟାଇ ଶତ୍ରୁ କବଳରୁ ନିଜକୁ ରକ୍ଷା କରିବାରେ ବେଶ୍‌ ପାରଙ୍ଗମ ହୋଇଥାଏ।
ଫ୍ଲାମିଙ୍ଗୋ: ବିଶ୍ୱରେ ଏମାନେ ପ୍ରାୟ ୪ ପ୍ରଜାତିରେ ଦେଖାଯାଇଥାନ୍ତି ଆଉ ପ୍ରତି ପ୍ରଜାତିର ରଙ୍ଗ ଭିନ୍ନ ଭିନ୍ନ ହୋଇଥାଏ। ଭାରତରେ ଦେଖିବାକୁ ମିଳୁଥିବା ଫ୍ଲାମିଙ୍ଗୋମାନଙ୍କର ରଙ୍ଗ ମୁଖ୍ୟତଃ ଧଳା ଓ ନାରଙ୍ଗୀ ମିଶା ହୋଇଥାଏ, ଯାହା ଖୁବ୍‌ ଆକର୍ଷଣୀୟ ଦେଖାଯାଇଥାଏ। ଏହି ପକ୍ଷୀମାନେ ସଂଘବଦ୍ଧ ହୋଇ ଅଧିକାଂଶ ସମୟ ସମୁଦ୍ର ବା ନଦୀ କୂଳରେ ପାଣିରେ ଗୋଟିଏ ଗୋଡ଼ରେ ଠିଆ ହୋଇ ରହିଥିବାର ଦେଖିବାକୁ ମିଳିଥାନ୍ତି। କୁହାଯାଏ, ଏମିତି କରିବା ଦ୍ୱାରା ତାଙ୍କ ଶରୀରରେ ଉତ୍ତାପ ବୃଦ୍ଧି ପାଇଥାଏ; ଯଦ୍ୱାରା ସେମାନେ ଶିକାର ଅପେକ୍ଷାରେ ଅଧିକ ସମୟ ପାଣି ଭିତରେ ଠିଆ ହୋଇ ରହିବାରେ ସକ୍ଷମ ହୋଇଥାନ୍ତି।


Enter your email to get our daily news in your inbox.

All Right Reserved By Dharitri.Com

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ପୋଲିସ ଏନ୍‌କାଉଣ୍ଟର

ପଶ୍ଚିମବଙ୍ଗର ବୀରଭୂମ ଜିଲାରେ ୧୫ ନଭେମ୍ବରରେ ପୋଲିସ ଗୁଳିରେ ରତନ ଶେଖ୍‌ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହି ହତ୍ୟାକୁ ଏନ୍‌କାଉଣ୍ଟର ଆଖ୍ୟା ଦିଆଯାଇଛି। ପୋଲିସ…

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?