ଗଞ୍ଜାମ,୬।୭(ବିଦ୍ୟାଧର ସାହୁ): ଦିନକୁ ଦିନ ଅଶାନ୍ତ ହେଉଛି ସମୁଦ୍ର l ସମୁଦ୍ରର ଉଚ୍ଚ ଜୁଆର ଯୋଗୁ ଗୋଖର କୁଦାଠାରୁ ପୋଡମ ପେଟା, ବଟେଶ୍ୱର ବେଳାଭୂମି ଦେଇ ପ୍ରାୟଗି ପର୍ଯ୍ୟନ୍ତ ସମୁଦ୍ର ବେଳାଭୂମି ଅବକ୍ଷୟ ହେବାରେ ଲାଗିଛି l ପୋଡ଼ମ ପେଟା ଗ୍ରାମରେ ଲୋକ ରହୁ ନ ଥିବା ପ୍ରାୟ ଚାରିଶହ ଘର ମଧ୍ୟରୁ ତିନି ଶହ ଘର ସମୁଦ୍ର ଗର୍ଭରେ ଲୀନ ହୋଇ ସାରିଲାଣି l ସମୁଦ୍ରର ଉଚ୍ଚ ଢେଉ ଦ୍ୱାରା ସମୁଦ୍ର କୂଳ ନିକଟସ୍ଥ ଝାଉଁବଣ ନଷ୍ଟ ହେଲାଣି l ବର୍ତ୍ତମାନ ଆଉ କିଛି ମାସ ମଧ୍ୟରେ ଜନବସତି ଆଡେ ସମୁଦ୍ର ପାଣି ମାଡି ଆସିବl ଏଥିପାଇଁ ସମୁଦ୍ର ଉପକୁଳ ତଟବର୍ତ୍ତୀ ଅଞ୍ଚଳ ବାସୀଙ୍କ ନିଦ ହଜିଲାଣି l ସରକାର କିମା ଜିଲା ପ୍ରଶାସନ ଏଥିପ୍ରତି ଦୃଷ୍ଟି ନ ଦେଲେ ଆସନ୍ତା ୮ରେ ଆନ୍ଦୋଳନକୁ ଓଲ୍ହାଇବ ବୋଲି ସମୁଦ୍ର ତଟବର୍ତ୍ତୀ ଅଞ୍ଚଳବାସୀ ପକ୍ଷରୁ ଡାକରା ଦିଆଯାଇଥିଲା l ଜିଲାପାଳଙ୍କ ପ୍ରତିଶୃତି ପରେ ତାହା ସ୍ଥଗିତ ରଖା ଯାଇଥିବା ଉପକୂଳ ଗ୍ରାମ ସୁରକ୍ଷା ସମିତି ପକ୍ଷରୁ କୁହାଯାଇଛି l ଏନେଇ କଣ୍ଟିଆଗଡ଼ ନିକଟରେ ଥିବା ବଟେଶ୍ୱର ମନ୍ଦିର ପ୍ରାଙ୍ଗଣରେ ଉପକୁଳ ଗ୍ରାମ ସୁରକ୍ଷା ସମିତି ପକ୍ଷରୁ ତୃତୀୟ ବୈଠକ ସୋମବାର ଅନୁଷ୍ଠିତ ହୋଇଥିଲା l
ଏଥିରେ ପବିତ୍ର ସ୍ବାଇଁଙ୍କ ସଭାପତିତ୍ୱ କରିଥିଲେ l ପୂର୍ବତନ ସରପଞ୍ଚ ଦିଲ୍ଲୀପ କୁମାର ଛୋଟରାଏ, ଶିବରାମ ପଲାଇ, ବୃନ୍ଦାବନ ପ୍ରଧାନ, ତ୍ରିଲୋଚନ ପ୍ରଧାନ, ବଳିଆ ତରାଇ, ନାରାୟଣ ପ୍ରଧାନ, ଅଜୟ ପ୍ରଧାନ, ରଞ୍ଜିତ ସାହୁଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ l ପୂର୍ବରୁ ଗ୍ରାମବାସୀମାନେ ମାନ୍ୟବର ଜିଲ୍ଲାପାଳ ପାଖକୁ ଯାଇ ସମୁଦ୍ର ଉପକୂଳ ଅବକ୍ଷୟ ବିଷୟର ଅବଗତ କରାଇ ଆଗାମୀ ୮ ତାରିଖରେ ଆନ୍ଦୋଳନ କରି ରାସ୍ତା ଅବରୋଧ ପାଇଁ ଚେତାବନୀ ଦେଇଥିଲେ ଏବଂ ଜିଲାପାଳ ମହୋଦୟ ଏହାର ସ୍ଥାୟୀ ପ୍ରତିକାର ପାଇଁ ପ୍ରତିଶ୍ରୁତି ଦେଇଥିଲେ। ତେଣୁ ଆନ୍ଦୋଳନଙ୍କୁ ସ୍ଥଗିତ କରାଯାଇଛି ବୋଲି ଗଣମାଧ୍ୟମକୁ ସୂଚନା ମିଳିଛି l
Dharitri – Odisha’s No.1 Odia Daily
