ନୂଆଦିଲ୍ଲୀ,୨୦।୯: ରିଜର୍ଭ ବ୍ୟାଙ୍କ ଅଫ ଇଣ୍ଡିଆ (RBI)ର ଛୁଟି ତାଲିକା (ହଲିଡେ କ୍ୟାଲେଣ୍ଡର) ଦେଖିଲେ ମନେହେଉଛି ଯେ ଆସନ୍ତା ସପ୍ତାହରେ ବ୍ୟାଙ୍କ କେବଳ ଗୋଟିଏ ଦିନ ହିଁ ଖୋଲା ରହିବ। ଏହାର ଅର୍ଥ ହେଉଛି ପାଞ୍ଚଟି କାର୍ଯ୍ୟଦିବସ ମଧ୍ୟରୁ ଚାରି ଦିନ ଛୁଟି ରହିବ ଏବଂ ଚତୁର୍ଥ ଶନିବାର ତଥା ରବିବାରର ଛୁଟି ତ ରହିବ ହିଁ ରହିବ। କିନ୍ତୁ ପ୍ରକୃତରେ ସେପରି ନୁହେଁ। ଯେଉଁ ୪ଟି ଛୁଟି ବିଷୟରେ ଉଲ୍ଲେଖ କରାଯାଇଛି, ତାହା ଭିନ୍ନ ଭିନ୍ନ ରାଜ୍ୟର ସୱତନ୍ତ୍ର ପର୍ୱପର୍ୱାଣୀ ପାଇଁ ର୍ନିଦ୍ଧାରିତ, ଯାହା କେବଳ ସେହି ର୍ନିଦ୍ଦିଷ୍ଟ ରାଜ୍ୟଗୁଡ଼ିକରେ ପାଳନ କରାଯାଏ। ସେହି ପର୍ୱଗୁଡ଼ିକର ଛୁଟି ପ୍ରଭାବ ଅନ୍ୟ ରାଜ୍ୟ ଉପରେ ପଡ଼ିନଥାଏ। ଦେଶର କେବଳ କିଛି ର୍ନିଦ୍ଦିଷ୍ଟ ରାଜ୍ୟ ଏବଂ ସହରରେ ହିଁ ଏହି ବ୍ୟାଙ୍କ ଛୁଟି ରହିବ।
ବାକି ଅନ୍ୟ ରାଜ୍ୟଗୁଡ଼ିକରେ ବ୍ୟାଙ୍କ ସୱାଭାବିକ ଭାବରେ ଖୋଲା ରହିବ। ଉଦାହରଣ ସୱରୂପ, ଶ୍ରୀମନ୍ତ ଶଙ୍କରଦେବଙ୍କ ଜନ୍ମୋତ୍ସବ / ଶ୍ରୀ ନାରାୟଣ ଗୁରୁ ସମାଧି ଉପଲକ୍ଷେ ୨୧ ସେପ୍ଟେମ୍ୱରରେ ଗୁଆହାଟୀ, କୋଚ୍ଚି ଏବଂ ତିରୁବନନ୍ତପୁରମ୍ରେ ବ୍ୟାଙ୍କ ବନ୍ଦ ରହିବ ଏବଂ ଅନ୍ୟ କୌଣସି ରାଜ୍ୟ ବା ସହରରେ ଏହି ଛୁଟି ରହିବ ନାହିଁ। ଆସନ୍ତୁ ଜାଣିବା, ଆସନ୍ତା ସପ୍ତାହ ପାଇଁ RBIର ଛୁଟି ତାଲିକା କ’ଣ କହୁଛି:
୨୧ ସେପ୍ଟେମ୍ୱର: ଶ୍ରୀମନ୍ତ ଶଙ୍କରଦେବଙ୍କ ଜନ୍ମୋତ୍ସବ / ଶ୍ରୀ ନାରାୟଣ ଗୁରୁ ସମାଧି ଉପଲକ୍ଷେ ଗୁଆହାଟୀ, କୋଚ୍ଚି ଏବଂ ତିରୁବନନ୍ତପୁରମ୍ରେ ବ୍ୟାଙ୍କ ଛୁଟି ରହିବ।
୨୨ ସେପ୍ଟେମ୍ୱର: କର୍ମ ପୂଜା ଉପଲକ୍ଷେ ରାଞ୍ଚିରେ ବ୍ୟାଙ୍କ ବନ୍ଦ ରହିବ।
୨୩ ସେପ୍ଟେମ୍ୱର: ମହାରାଜା ହରି ସିଂହ ଜୀଙ୍କ ଜନ୍ମଦିନ ଉପଲକ୍ଷେ ଜମ୍ମୁ ଏବଂ ଶ୍ରୀନଗରରେ ସମସ୍ତ ବ୍ୟାଙ୍କ ଛୁଟି ରହିବ।
୨୫ ସେପ୍ଟେମ୍ୱର: ଇନ୍ଦ୍ରଯାତ୍ରା ଉପଲକ୍ଷେ ଗ୍ୟାଙ୍ଗଟକ୍ରେ ସମସ୍ତ ବ୍ୟାଙ୍କ ବନ୍ଦ ରହିବ।
୨୬ ସେପ୍ଟେମ୍ୱର:ଚତୁର୍ଥ ଶନିବାର ଯୋଗୁଁ ସମଗ୍ର ଦେଶର ସମସ୍ତ ବ୍ୟାଙ୍କ ବନ୍ଦ ରହିବ।
୨୭ ସେପ୍ଟେମ୍ୱର: ରବିବାର ଯୋଗୁଁ ଦେଶର ସମସ୍ତ ବ୍ୟାଙ୍କ ଛୁଟି ରହିବ।
