ବାବୁଙ୍କ ବିବାଦ

କର୍ନାଟକର ପ୍ରଥମ ମହିଳା ଗୃହ ସଚିବ ଥିଲେ ଆଇପିଏସ୍‌ ଅଧିକାରୀ ଡି.ରୁପା। ଏବେ ତାଙ୍କୁ କର୍ନାଟକ ରାଜ୍ୟ ହସ୍ତଶିଳ୍ପ ବିକାଶ ନିଗମର ପରିଚାଳନା ନିର୍ଦ୍ଦେଶକ ଭାବେ ବଦଳି କରାଯାଇଛି। ରାଜ୍ୟର ଆଉ ଜଣେ ଆଇପିଏସ୍‌ ଅଧିକାରୀ ହେମନ୍ତ ନିମ୍ବଲକରଙ୍କ ସହ ସହ ଜଣାଶୁଣା ବା ଚର୍ଚ୍ଚିତ ବିବାଦକୁ କେନ୍ଦ୍ରକରି ରୁପାଙ୍କୁ ଏଭଳି ବଦଳି କରାଯିବା ସହ ନିମ୍ବଲକରଙ୍କୁ ମଧ୍ୟ ବଦଳି କରାଯାଇଛି। ଆଭ୍ୟନ୍ତରୀଣ ସୁରକ୍ଷା ବିଭାଗକୁ ବଦଳି ହେବା ପୂର୍ବରୁ ନିମ୍ବଲକର ବେଙ୍ଗାଲୁରୁରେ ଯୁଗ୍ମ କମିଶନର (ପ୍ରଶାସନ) ଥିଲେ। ସିସିଟିଭି କିଣାକୁ ନେଇ ଟେଣ୍ଡର୍‌ ପ୍ରକ୍ରିୟା ଉପରେ କର୍ନାଟକର ଏହି ଦୁଇ ବରିଷ୍ଠ ଆଇପିଏସ୍‌ ଅଧିକାରୀଙ୍କ ମଧ୍ୟରେ ଦେଖାଦେଇଥିବା ବିବାଦ ସେବାରେ ଥିବା ତୀବ୍ର ବିରୋଧ ଭାବକୁ ପଦାକୁ ଆଣିଛି। ନିର୍ଭୟ ଯୋଜନାରେ ୬୧୯ କୋଟି ଟଙ୍କାର ବେଙ୍ଗାଲୁରୁ ସେଫ୍‌ ସିଟି ପ୍ରୋଜେକ୍ଟର ଟେଣ୍ଡର ପ୍ରକ୍ରିୟାରେ ଅନିୟମିତତା ହୋଇଥିବା ରୁପା ଅଭିଯୋଗ କରିବା ପରେ ଏହି ଦୁଇ ଆଇପିଏସ୍‌ ଅଧିକାରୀ ଲଢେଇରେ ମାତିଗଲେ। ଅନ୍ୟପକ୍ଷରେ ଡି.ରୁପା ତାଙ୍କ ଅଧିକାର ବାହାରେ ଟେଣ୍ଡର୍‌ ପ୍ରକ୍ରିୟାରେ ଅଯଥା ହସ୍ତକ୍ଷେପ କରୁଥିବା ଦର୍ଶାଇ ନିମ୍ବଲକର ମଧ୍ୟ ତାଙ୍କ ବିରୋଧରେ ଅଭିଯୋଗ କରିଛନ୍ତି। ରୁପା ରାଜ୍ୟ ମୁଖ୍ୟ ଶାସନ ସଚିବ ଟି.ଏମ୍‌.ବିଜୟଭାସ୍କରଙ୍କ ନିକଟକୁ ନିମ୍ବଲକରଙ୍କ ବିରୋଧରେ ବି ଲେଖିଥିଲେ। ନିମ୍ବଲକର ବେଙ୍ଗାଲୁରୁ ସେଫ୍‌ ସିଟି ପ୍ରୋଜେକ୍ଟରେ ଏକ ଘରୋଇ କମ୍ପାନୀକୁ ସମର୍ଥନ କରୁଥିଲେ ଏବଂ ତାଙ୍କ ବିରୋଧର ତଦନ୍ତ କରାଯିବା ଲାଗି ଏଥିତ୍ରେ ରୁପା ଦାବି କରିଥିଲେ। ନିମ୍ବଲକର ପ୍ରତି ଅଭିଯୋଗ ଆଣିବା ପରେ ଗୃହ ବିଭାଗ ରୁପାଙ୍କ ବିରୋଧରେ ତଦନ୍ତ ଆରମ୍ଭ କରିଥିବାବେଳେ ନିମ୍ବଲକରଙ୍କ ବିରୋଧରେ ତଦନ୍ତ କରିବାକୁ ଆଗପଛ ହେଉଛି। ସୂତ୍ରରୁ ପ୍ରକାଶ ଯେ, ବହୁ କୋଟି ଟଙ୍କାର ପ୍ରୋଜେକ୍ଟର ଟେଣ୍ଡର୍‌ ପ୍ରକ୍ରିୟାରେ ହସ୍ତକ୍ଷେପ କରିଥିବା ଅଭିଯୋଗରେ ରୁପାଙ୍କ ଉପରେ ମୁଖ୍ୟ ଶାସନ ସଚିବ ତଦନ୍ତ କରୁଥବା ରିର୍ପୋଟ ଗଣମାଧ୍ୟମରେ ପ୍ରକାଶ ପାଇଲା ପରେ ରୁପା ମୁଖ୍ୟ ଶାସନ ସଚିବଙ୍କୁ ବି ଲେଖି ଜଣାଇଥିତ୍ଲେ। ନିମ୍ବଲକର କର୍ନାଟକ ମୁଖ୍ୟ ସଚିବଙ୍କୁ ଲେଖିଥିବା ଅଭିଯୋଗ ସହ ମିଡିଆ ରିପୋର୍ଟର ବିଷୟବସ୍ତୁ ପ୍ରାୟତଃ ସମାନ ଥିଲା। ଦୁଇଜଣଙ୍କ ଅଭିଯୋଗ ମିଳିବା ପରେ ସରକାର ଏବେ ଏହି ବିଷୟ ଉପରେ ତଦନ୍ତ ଆରମ୍ଭ କରିଛନ୍ତି।
ଖେମ୍‌କା ସହଜେ ଛାଡ଼ନ୍ତିନି
ହରିୟାଣା ଆଇଏଏସ୍‌ ଅଧିକାରୀ ଏବଂ ହୁଇସିଲ ବ୍ଲୋୟର ଅଶୋକ ଖେମ୍‌କା ତାଙ୍କ ମୂଳ ଆଦର୍ଶକୁ କେବେ ବି ଛାଡନ୍ତି ନାହିଁ। ସେ ରାଜ୍ୟର ପ୍ରତ୍ନତତ୍ତ୍ୱ ବିଭାଗର ଏବେ ପ୍ରମୁଖ ସଚିବ ରହିଛନ୍ତି। ଅବିଶ୍ରାନ୍ତ କାର୍ଯ୍ୟ କରି ଆସୁଥିବା ଖେମ୍‌କା ଏକ ମାମଲାକୁ ଆଗକୁ ବଢ଼ାଇବା ଜାରି ରଖିତ୍ଛନ୍ତି ଯାହା ତାଙ୍କୁ ଜାତୀୟ ସ୍ତରରେ ଚର୍ଚ୍ଚାକୁ ଆଣିଛି। ଗତବର୍ଷ ସୂଚନା ଅଧିକାର ଆଇନରେ ଖେମ୍‌କା ରାଜ୍ୟ ସୂଚନା କମିଶନଙ୍କୁ ତଥ୍ୟ ପାଇଁ ଆବେଦନ କରିଥିଲେ। ଏଥିରେ କଂଗ୍ରେସ ସରକାର ସମୟରେ ଗୁରୁଗାଁଓରେ ଜମି ହେରଫେର ଉପରେ ତଦନ୍ତ କମିଶନଙ୍କ ତଦନ୍ତ ସଂକ୍ରାନ୍ତୀୟ ତଥ୍ୟ ଜାଣିବାକୁ ସେ ଚାହଁିଥିଲେ। ଏଥିରେ କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଜ୍ୱାଇଁଙ୍କ ତଥାକଥିତ ଭୂମିକା ସମ୍ପର୍କିତ ତଥ୍ୟ ବି ସାମିଲ ଥିଲା। ସେ ଚାହଁୁଥିବା ସବିଶେଷ ତଥ୍ୟ ତାଙ୍କୁ ଯୋଗାଇ ଦିଆଯାଇ ନ ଥିବା ସୂଚନା କମିଶନଙ୍କୁ ଜଣାଇଥିଲେ। କମିଶନ ଏବେ ମୁଖ୍ୟ ଶାସନ ସଚିବ(ରାଜନୈତିକ ବିଭାଗ) ଏବଂ ଟାଉନ ଓ କଣ୍ଟ୍ରି ପ୍ଲାନିଂ ଡିପାର୍ଟମେଣ୍ଟକୁ ନୋଟିସ ଜାରି କରି ଖେମ୍‌କାଙ୍କ ଆବେଦନ ଉପରେ ସେମାନେ କ’ଣ ଉତ୍ତର ଦେଇଛନ୍ତି ସେ ସମ୍ପର୍କରେ ସେମାନଙ୍କ ପ୍ରତିକ୍ରିୟା ଦେବାକୁ ନୋଟିସ ଜାରି କରିଛନ୍ତି। ସୂତ୍ରରୁ ଜଣାପଡିଛି ଯେ, ଖେମ୍‌କା ମାଗିଥିବା ତଥ୍ୟ ଯୋଗାଇ ଦେବାରେ ଯେଉଁମାନେ ବିଫଳ ହୋଇଛନ୍ତି ସେମାନଙ୍କ ବିରୋଧରେ ସୂଚନା ଅଧିକାର ଆଇନ୍‌ର ଧାରା ୨୦ରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ଖେମ୍‌କା ଚାହଁିଛନ୍ତି। ଏ କ୍ଷେତ୍ରରେ କିଛି ତଥ୍ୟ ଲୁଚାଯାଇଥିବା ସେ ଦାବି କରିଛନ୍ତି।
ନିର୍ଦ୍ଦେଶକୁ ଅମାନ୍ୟ
ଜମ୍ମୁ-କଶ୍ମୀର କ୍ୟାଡର୍‌ର ଅନେକ ଆଇଏଏସ୍‌ ଅଧିକାରୀ ଅନ୍‌ଲାଇନରେ ସେମାନଙ୍କ ଇମୋଭେବଲ ପ୍ରର୍ପଟି ରିଟର୍ନ(ଆଇପିଆର୍‌) ବା ଅଚଳ ସମ୍ପତ୍ତିିର ବିବରଣୀ ଦେବାର ସରକାରୀ ନିର୍ଦ୍ଦେଶକୁ ଖୋଲାଖୋଲି ଭାବେ ଅମାନ୍ୟ କରିବା ଘଟଣାକୁ ଗମ୍ଭୀରତାର ସହ ନେଇଛନ୍ତି। ଏହା ପାଳନ ନ କଲେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ।
ସୂତ୍ରରୁ ଜଣାପଡିଛି ଯେ, ଅନ୍‌ଲାଇନରେ ଆଇପିଆର୍‌ ଦେବା ପ୍ରକ୍ରିୟା ୨୦୧୭ରେ ଆରମ୍ଭ କରାଯାଇଥିଲା। ଏବକାର ଏହି ନିୟମରେ ବାବୁମାନେ ଏହାକୁ ଅନ୍‌ଲାଇନରେ ଦେବା ଅନିବାର୍ଯ୍ୟ। କିନ୍ତୁ ଡିପାର୍ଟମେଣ୍ଟ ଅଫ୍‌ ପର୍ସନାଲ ଆଣ୍ଡ୍‌ ଟ୍ରେନିଂ( ଡିଓପିଟି) ବା କାର୍ମିକ ଓ ପ୍ରଶିକ୍ଷଣ ବିଭାଗ ଏବଂ ଜେନେରାଲ ଆଡମିନିଷ୍ଟ୍ରେଶନ ଡିପାର୍ଟମେଣ୍ଟ (ଜିଏଡି) ବା ସାଧାରଣ ପ୍ରଶାସନ ବିଭାଗର ବିଫଳତା ଯୋଗୁ ୨୦୧୭ରୁ ବାରମ୍ବାର ନିର୍ଦ୍ଦେଶ ଜାରି କରାଯାଉଥିଲେ ମଧ୍ୟ ଅନେକ ଆଇଏଏସ୍‌ ଅଧିକାରୀ ଏହାକୁ ପାଳନ କରୁନାହାନ୍ତି। ଏବେ ଜଣାପଡିଛି ଯେ,ଜିଏଡିର କମିଶନର ସେକ୍ରେଟାରୀ ମନୋଜ କୁମାର ଦ୍ୱବେଦୀ ଚିଠି ଜାରି କରି ଦର୍ଶାଇଛନ୍ତି ଯେ,ଏହି ନିର୍ଦ୍ଦେଶ ପାଳନ କରିବାରେ ବିଫଳତା ହିଁ ସେମାନଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାର ପର୍ଯ୍ୟାପ୍ତ କାରଣ ହେବ। ଚିଠି ମାଧ୍ୟମରେ ଆଇଏଏସ୍‌ ଅଧିକାରୀମାନଙ୍କୁ ନିର୍ଦ୍ଦେଶ ମାନିବାକୁ ପରାମର୍ଶ ଦିଆଯାଇଛି ଏବଂ ସାମ୍‌ନା କରିବାକୁ ଥିବା ପରିଣାମ ସମ୍ପର୍କରେ ସ୍ପଷ୍ଟ କରାଯାଇଛିି। ଏଣିକି ଦୋଷୀଙ୍କୁ ଆଉ ଅଧିକ ସୁଯୋଗ ଦିଆଯିବ ନାହିଁ ବୋଲି ସରକାର ସ୍ପଷ୍ଟ ନିଷ୍ପତ୍ତି ଗ୍ରହଣ କରିସାରିଛନ୍ତି।
Email: dilipcherian@gmail.com


Enter your email to get our daily news in your inbox.

All Right Reserved By Dharitri.Com

ଅନ୍ତରୁ ନୂଆ ମାର୍ଗ

କଂଗ୍ରେସ ୨୮ ଡିସେମ୍ବରରେ ତା’ର ୧୩୬ତମ ପ୍ରତିଷ୍ଠା ଦିବସ ପାଳନ କରିଛି। ନୂଆଦିଲ୍ଲୀସ୍ଥିତ ସର୍ବଭାରତୀୟ କଂଗ୍ରେସ କମିଟି (ଏଆଇସିସି) ମୁଖ୍ୟାଳୟରେ ବରିଷ୍ଠ ନେତା ଏ.କେ. ଆଣ୍ଟୋନି...

ଏଇ ଭାରତରେ

ଦିନେ ଉପାସରେ ଶୋଉଥିବା ଝିଅଟି ଏବେ ଅନ୍ୟମାନଙ୍କ ପେଟ କଥା ଚିନ୍ତା କରୁଛନ୍ତି। ସେ ହେଉଛନ୍ତି ତାମିଲନାଡୁ ତ୍ରିରୁଚି ନିବାସୀ ଚିନ୍ନାଥାମ୍ବି। ୨ ଟଙ୍କାରେ ସେ...

ଅଜବ ପ୍ରସ୍ତାବ

ଏକଦା ପ୍ରଶଂସାରେ ପୋତି ଦିଆଯାଉଥିବା ମହାରାଷ୍ଟ୍ର ପୋଲିସ୍‌ର ଆଣ୍ଟି ଟେରରିଜମ୍‌ ସ୍କ୍ବାଡ୍‌ (ଏଟିଏସ୍‌) ଏବେ ତା’ ଚମକ ହରାଇବା ଭଳି ଜଣାପଡ଼ୁଛି। ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେଙ୍କ...

ତୁଠପଥର

ସୌମ୍ୟା ପରିଡ଼ା ବୁଝିଲୁ ମିନୁ, ତୁ କି ଭାଗ୍ୟ କରିଥିଲୁ ଯେ ଆମ ଘରକୁ ବାହାହେଇ ଆସିଲୁ। ଦେଖୁନୁ ଏ ବଡ଼ଗାଡ଼ି, ବଡ଼ଘର, ସୁଖସୁବିଧା ତତେ...

ଏଇ ଭାରତରେ

ବନ୍ୟାଜଳ ଉବୁଟୁବୁ ହେଉଥିବାବେଳେ ଜଣେ ବ୍ୟକ୍ତିଙ୍କ ଅନ୍ତିମ ସଂସ୍କାର ପାଇଁ ପରିବାର ସଦସ୍ୟ ବାହାରକୁ ଗୋଡ ବଢ଼ାଇଥିଲେ। ଏହି ସମୟରେ ବନ୍ୟାଞ୍ଚଳ ପରିଦର୍ଶନ କରୁଥିବା ଜଣେ...

ଏଇ ଭାରତରେ

ଗଣେଶ କିମ୍ବା ଅନ୍ୟ ଦେବଦେବୀଙ୍କ ମୂର୍ତ୍ତି ବିସର୍ଜନ ଯୋଗୁ ଜଳ ପ୍ରଦୂଷଣ ହେଉଛି। ଏହାର ପ୍ରତିକାର ପାଇଁ ନାସିକ୍‌ର ତୃପ୍ତି ଗାଏକ୍ୱାଡ ଏକ ଅଭିନବ ଉପାୟ...

ଶ୍ରେଣୀ ଶିକ୍ଷକର ବିଡ଼ମ୍ବନା

ଓଡ଼ିଶାରେ କାର୍ଯ୍ୟରତ ସବୁ ଶିକ୍ଷକ ଶ୍ରେଣୀ ଶିକ୍ଷକ ନୁହନ୍ତି। ଉଭୟ ଗଣଶିକ୍ଷା ଓ ଉଚ୍ଚଶିକ୍ଷା ବିଭାଗରେ ବିଭିନ୍ନ କିସମର ଶିକ୍ଷକ ଅଛନ୍ତି-ଯେମିତି ପ୍ରଶାସକ ଶିକ୍ଷକ, ସଂଗଠକ...

ବଦଳି ନୀତି

ମେ ୨୦୨୧ରେ ତାମିଲନାଡୁ ବିଧାନସଭା ନିର୍ବାଚନ ହେବାକୁ ଯାଉଛି। କେଉଁ ବାବୁମାନେ ଏହି ନିର୍ବାଚନ ଦାୟିତ୍ୱରେ ରହିବେ ସେଥିପାଇଁ ନିର୍ବାଚନ କମିଶନ ଜୋର୍‌ଦାର ପ୍ରସ୍ତୁତି ଆରମ୍ଭ...

Advertisement
Archives

Model This Week