ବେଙ୍ଗାଲୁରୁ,୧୨।୨: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)-୨୦୨୨ର ମେଗା ନିଲାମ ଶନିବାର ଚାଲିଥିବା ବେଳେ ଏକ ଅଘଟଣ ଘଟିଛି। ଅକ୍ସନ ବେଳେ ୬୩ ବର୍ଷୀୟ ବ୍ରିଟିଶ ନିଲାମଧାରୀ ହଗ୍ ଏଡ୍ମିଡସ୍ ହଠାତ ଅଚେତ ହୋଇପଡ଼ିଥିବା ଦେଖାଯାଇଛି। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଶ୍ରୀଲଙ୍କାର ଅଲରାଉଣ୍ଡର ଓ୍ବାନିଣ୍ଡୁ ହାସରାଙ୍ଗାଙ୍କୁ ନେଇ ଚାଲିଥିବା ନିଲାମ ଡକା ସମୟରେ ସେ ହଠାତ୍ ତଳେ ପଡ଼ିଯାଇଥିଲେ। ଏହାକୁ ନେଇ ଅକ୍ସନକୁ ବନ୍ଦ ରଖାଯାଇଛି। ପ୍ରଥମେ ଦ୍ୱିପ୍ରହର ଭୋଜନ ଲାଗି ଅପରାହ୍ନ ୩ଟା ସମୟ ଦିଆଯାଇଥିବା ବେଳେ ଏବେ ପରିସ୍ଥିତିକୁ ଦେଖି ଆଗୁଆ ବିରତି ନିଆଯାଇଛି। ଖବର ଲେଖାଯିବା ପର୍ଯ୍ୟନ୍ତ ତାଙ୍କର ସ୍ବାସ୍ଥ୍ୟାବସ୍ଥା ନେଇ ଅଧିକ ସୂଚନାକୁ ଅପେକ୍ଷା କରାଯାଇଛି।
#IPLAuctions LIVE UPDATE: UNEXPECTED scenes from #Bengaluru as IPL Auctioneer Hugh Edmeades collapses at stage…😲😲😲#IPLAuction #IPLMegaAuction2022 pic.twitter.com/GJv2YSwz9T
— Syed Basit Shah (@Crickiology__) February 12, 2022
