ନୂଆଦିଲ୍ଲୀ,୨୯ ।୧୧: ଗୋଆରେ ଆୟୋଜିତ ୫୩ ତମ ଇଣ୍ଟନ୍ୟାଶନାଲ ଇଣ୍ଡିଆନ ଫିଲ୍ମ ଫେଷ୍ଟିଭାଲରେ ଦେଶ ଓ ବିଦେଶର ବହୁ ଫିଲ୍ମ ସ୍କ୍ରିନିଂ କରାଯାଇଛି । ଏଥିରେ ଚଳିତ ବର୍ଷର ସୁପରହିଟ୍ ବଲିଉଡ ଫିଲ୍ମ ‘ ଦ କଶ୍ମୀର ଫାଇଲ୍ସ’ ବି ସାମିଲ ହୋଇଥିଲା । ହେଲେ ଆଇଏଫଏଫଆଇର ମୁଖ୍ୟ ଜୁରୀଙ୍କ ପକ୍ଷରୁ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ଫିଲ୍ମ ‘ଦ କଶ୍ମିର ଫାଇଲ୍ସ’କୁ ଅଶ୍ଳିଳ ଓ ପ୍ରୋପାଗଣ୍ଡ ବେସ୍ଡ ଫିଲ୍ମ ବୋଲି କୁହାଯାଇଛି । ଜୁରୀଥିବା ଇସ୍ରାଏଲର ଫିଲ୍ମ ମେକର ନାଦବ ଲାପିଡଙ୍କ ଏହି ବୟାନ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଏବେ ଏହାକୁ ନେଇ ଭାରତୀୟ ଫିଲ୍ମ ନିର୍ମାତା ଅଶୋକ ପଣ୍ଡିତ ଲାପିଡଙ୍କ ଉପରେ ଖୁବ୍ ବର୍ଷିଛନ୍ତି ।
ଅଶୋକ ପଣ୍ଡିତ ଟୁଇଟ କରି ଲେଖିଛନ୍ତି, ଇସ୍ରାଏଲ ଫିଲ୍ମ ମେକର ନାଦବ ଲାପିଡ ‘ ଦ କଶ୍ମିର ଫାଇଲ୍ସ’କୁ ଅଶ୍ଳିଳ କହି ଆତଙ୍କବାଦ ବିରୋଧରେ ଭାରତର ଲଢେଇକୁ ଉପହାସ କରିଛନ୍ତି । ସେ ଭାରତୀୟ ଜନତା ପାର୍ଟି(ଭାଜପା) ସରକାରଙ୍କ ନାକ ତଳେ ୭ ଲକ୍ଷ କଶ୍ମିରୀ ପଣ୍ଡିତଙ୍କର ଅପମାନ କରିଛନ୍ତି । ଏହା ଭାରତୀୟ ଇଣ୍ଟରନ୍ୟାଶନାଲ ଫିଲ୍ମ ଫେଷ୍ଟିଭାଲ ୨୦୨୨ର ବିଶ୍ୱସନୀୟତା ପ୍ରତି ବଡ ଝଟକା, ଲାଜ ଲାଗୁଛି ।
https://twitter.com/ashokepandit/status/1597296709490860032?ref_src=twsrc%5Etfw%7Ctwcamp%5Etweetembed%7Ctwterm%5E1597296709490860032%7Ctwgr%5E1d83ef89ab3020acb76bc37d5c42b8841b3503ec%7Ctwcon%5Es1_&ref_url=https%3A%2F%2Fwww.abplive.com%2Fentertainment%2Fbollywood%2Fashoke-pandit-furious-on-israeli-filmmaker-nadav-lapid-for-criticises-the-kashmir-files-in-iffi-2022-2269778
