Posted inଖେଳ

ଟପ୍ସରେ ସାମିଲ ହେଲେ ଅର୍ଜୁନ, ଅରବିନ୍ଦ, ସୀମା ଓ ସୁମିତ୍‌

ନୂଆଦିଲ୍ଲୀ, ୨୧ା୫ (ପି.ଟି.)-କ୍ରୀଡ଼ା ମନ୍ତ୍ରଣାଳୟର ଟାର୍ଗେଟ ଅଲିମ୍ପିକ ପୋଡିୟମ ସ୍କିମ୍‌ (ଟପ୍ସ)ର କୋର୍‌ ଗ୍ରୁପ୍‌ରେ ଅଲିମ୍ପିକ ଯୋଗ୍ୟତା ହାସଲ କରିଥିବା ରୋୟର ଅର୍ଜୁନ ଲାଲ୍‌ ଜାଟ୍‌, ଅରବିନ୍ଦ ସିଂ ଏବଂ ରେସ୍‌ଲର ସୀମା ବିସ୍‌ଲା ଓ ସୁମିତ୍‌ ମଲିକ୍‌ଙ୍କୁ ସାମିଲ କରାଯାଇଛି। ମନ୍ତ୍ରଣାଳୟ ଆହୁରି ମଧ୍ୟ ଭାରତର ଷ୍ଟାର କୁସ୍ତି ଯୋଦ୍ଧା ଭିନେଶ ଫୋଗତଙ୍କୁ ଟୋକିଓ ଗେମ୍ସ ପର୍ଯ୍ୟନ୍ତ ବିଦେଶରେ ଟ୍ରେନିଂ ଜାରି ରଖିବା ପାଇଁ ଅନୁମତି ଦେଇଛନ୍ତି। ସେ ଦେଇଥିବା ପ୍ରସ୍ତାବ ମିଶନ ଅଲିମ୍ପିକ ସେଲ୍‌ ଦ୍ୱାରା ଅନୁମୋଦ ଲାଭ କରିଥିଲା। ରୋୟର ଅର୍ଜୁନ ଲାଲ ଜାଟ୍‌ ଓ ଅରବିନ୍ଦ ସିଂଙ୍କୁ ଡେଭଲପମେଣ୍ଟ ଗ୍ରୁପ୍‌ରୁ କୋର୍‌ ଗ୍ରୁପ୍‌କୁ ସ୍ଥାନାନ୍ତର କରାଯାଇଛି। ଅନ୍ୟପକ୍ଷରେ ନିକଟରେ ଅଲିମ୍ପିକ କୋଟା ହାସଲ କରିଥିବାରୁ ରେସ୍‌ଲର ସୀମା ବିସ୍‌ଲା ଓ ସୁମିତ୍‌ ମଲିକ୍‌ଙ୍କୁ କୋର୍‌ ଗ୍ରୁପ୍‌ରେ ସାମିଲ କରାଯାଇଥିବା ମନ୍ତ୍ରଣାଳୟ ତରଫରୁ କୁହାଯାଇଛି। ନିକଟରେ ବିଶ୍ୱ ମହିଳା ଡବଲ୍ସ ର଼୍ୟାଙ୍କିଙ୍ଗ ତାଲିକାର ଟପ୍‌ ୧୦୦ ମଧ୍ୟରେ ପ୍ରବେଶ କରିଥିବା ଅଙ୍କିତା ରାଇନାଙ୍କୁ ମଧ୍ୟ ଟପ୍ସ କୋର୍‌ ଗ୍ରୁପ୍‌ରେ ସ୍ଥାନିତ କରାଯାଇଛି। ସେ ସାନିଆ ମିର୍ଜାଙ୍କ ପାର୍ଟନର ହୋଇ ବିଲି ଜିନ୍‌ କିଙ୍ଗ୍‌ କପ୍‌ରେ ଖେଳିଥିଲେ। ଅଲିମ୍ପିକ ଗେମ୍ସ ପାଇଁ ପ୍ରସ୍ତୁତି ସକାଶେ ପର୍ତ୍ତୁଗାଲରେ ୫ ସପ୍ତାହ ଟ୍ରେନିଂ ନେବା ଲାଗି ରୋୟର ଅର୍ଜୁନ ଓ ଅରବିନ୍ଦ ଦେଇଥିବା ପ୍ରସ୍ତାବ ଟପ୍ସ ଦ୍ୱାରା ଗୃହୀତ ହୋଇଯାଇଛି। ଏହି ଡବଲ୍ସ ସ୍କଲର୍ସ ଯୋଡ଼ି ଚଳିତ ମାସ ପ୍ରଥମ ଭାଗରେ ଟୋକିଓରେ ଅଲିମ୍ପିକ ଯୋଗ୍ୟତା ହାସଲ କରିଛନ୍ତି। ସେମାନେ ଜୁନ୍‌ ୧ରୁ ପର୍ତ୍ତୁଗାଲସ୍ଥିତ ପୋଚିଂ ହାଇପରଫର୍ମାନ୍ସ ସେଣ୍ଟରଠାରେ ଟ୍ରେନିଂ ନେବେ। ଏ ବାବଦରେ ପ୍ରାୟ ୨୧ ଲକ୍ଷ ଟଙ୍କା ଖର୍ଚ୍ଚ ହେବ। ଭିନେଶ ୨୦୧୯ ବିଶ୍ୱ ଚାମ୍ପିୟନଶିପ୍‌ରେ ୫୩କେଜି ଓଜନ ଶ୍ରେଣୀରେ ଅଲିମ୍ପିକ କୋଟା ହାସଲ କରିଥିଲେ। ସେ ଜୁନ୍‌ ୯ ପର୍ଯ୍ୟନ୍ତ ବୁଦାପେଷ୍ଟଠାରେ ଟ୍ରେନିଂ ନେବେ। ସେଠାରେ ସେ ପୋଲାଣ୍ଡ ଓପନ୍‌ (ଜୁନ୍‌ ୯ରୁ ୧୩)ରେ ଭାଗ ନେବା ଲାଗି ଯିବେ। ପରେ ବୁଦାପେଷ୍ଟକୁ ଫେରି ସେଠାରେ ଜୁଲାଇ ୨ ପର୍ଯ୍ୟନ୍ତ ରହିବେ। ଭିନେଶଙ୍କ ସହିତ ତାଙ୍କ କୋଚ୍‌ ଓଲର ଆକସ, ଶେୟାରିଂ ପାର୍ଟନର ପ୍ରିୟଙ୍କା ଏବଂ ଫିଜିଓ ଥେରାପିଷ୍ଟ ପୂର୍ଣ୍ଣିମା ରମଣ ଏନଗମ୍‌ଦିର ରହିବେ। ମିଶନ ଅଲିମ୍ପିକ ସେଲ୍‌ ତାଙ୍କ ପ୍ରସ୍ତାବକୁ ଗୃହୀତ କରିବା ସହ ଭାରତୀୟ କୁସ୍ତି ମହାସଂଘ ଜରିଆରେ ଟପ୍ସକୁ ପଠାଇ ଦେଇଛିି। ଭିନେଶଙ୍କ ଟ୍ରେନିଂ ଓ ପ୍ରତିଯୋଗିତା ବାବଦରେ ୨୦.୨୧ ଲକ୍ଷ ଟଙ୍କା ବ୍ୟୟ ହେବ। ସେ ଏହାଛଡ଼ା ଟପ୍ସରୁ ୧.୧୩ କୋଟି ଟଙ୍କା ଆର୍ଥିକ ସହାୟତା ପାଇ ସାରିଛନ୍ତି। ଜାନୁୟାରୀ ଓ ଜୁନ୍‌ ମଧ୍ୟରେ ଡବଲ୍ସ ଖେଳାଳି ଡିଭିଜ ଶରନ ଓ ରୋହନ ବୋପାନ୍ନା ଯଥାକ୍ରମେ ୧୪ ଓ ୧୩ ଟୁର୍ନାମେଣ୍ଟରେ ଅଂଶଗ୍ରହଣ କରିଥିଲେ। ଏବାବଦରେ ହୋଇଥିବା ଖର୍ଚ୍ଚ ଟପ୍ସ ଦ୍ୱାରା ଗୃହୀତ ହୋଇଛି। ଶରନ ଏ ବାବଦରେ ୩୦ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ଦର୍ଶାଇଛନ୍ତି। ବର୍ତ୍ତମାନର ଅଲିମ୍ପିକ ଚକ୍ର ଅନୁସାରେ ଏହି ଖେଳାଳି ୮୦. ୫୯ ଲକ୍ଷ ଟଙ୍କା ପାଇସାରିଛନ୍ତି। ଅନ୍ୟପକ୍ଷରେ ରୋହନ ବୋପାନ୍ନା ତାଙ୍କ କୋଚ୍‌ ସ୍କଟ ଡେଭିଡ୍‌ଅଫ୍‌ ଓ ଫିଜିଓ ଗୌରାଙ୍ଗ ଶୁକ୍ଳାଙ୍କ ଫି’ ସମେତ ମୋଟ ୨୭.୬୧ ଲକ୍ଷ ଟଙ୍କା ଖର୍ଚ୍ଚ କରିଥିବା ଦର୍ଶାଇଛନ୍ତି। ସେ ବର୍ତ୍ତମାନର ଅଲିମ୍ପିକ ଚକ୍ର ଜରିଆରେ ଟପ୍ସରୁ୧.୨୪ କୋଟି ଟଙ୍କା ନେଇ ସାରିଥିବା ମନ୍ତ୍ରଣାଳୟ କହିଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କଳା ବ୍ୟାଣ୍ଡ ପିନ୍ଧି ପଡ଼ିଆକୁ ଓହ୍ଲାଇଲେ ଭାରତୀୟ ଖେଳାଳି; କିଛି ଏପରି ରହିଛି କାରଣ…

ଲଣ୍ଡନ,୨।୯: ଭାରତ ଏବଂ ଇଂଲଣ୍ଡ ମଧ୍ୟରେ ଓଭାଲଷଣ ଖେଳାଯାଉଥିବା ଚତୁର୍ଥ ଟେଷ୍ଟ ଆରମ୍ଭ ହୋଇଛି। ଇଂଲଣ୍ଡ ଟସ୍‌ ଜିତି ଭାରତକୁ ବ୍ୟାଟିଂ କରିବାକୁ ଆମନ୍ତ୍ରଣ ଦେଇଛି।...

ପନ୍ତଙ୍କ ମୁଣ୍ଡ ଥାପୁଡେଇଲେ କୋହଲି, ଜାଣନ୍ତୁ କାହିଁକି

ଇଣ୍ଡିଆନ ପ୍ରିମିୟର ଲିଗର ୧୪ତମ ସିଜନରେ ମଙ୍ଗଳବାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଏକ ରୋମାଞ୍ଚକର ମ୍ୟାଚ ହୋଇଥିଲା। ଏହି ମ୍ୟାଚ...

କରୋନା ଭାଇରସ ଭୟ: ବିଶ୍ୱକପ୍‌ରୁ ଓହରିଲେ ଚାଇନିଜ ଜିମ୍ନାଷ୍ଟ

ମେଲବୋର୍ନ,୧୫।୨- ଚାଇନିଜ ଜିମ୍ନାଷ୍ଟିକ୍ସ ଦଳ ଅଷ୍ଟ୍ରେଲିଆର ମେଲବୋର୍ନଠାରେ ଆଗାମୀ ସପ୍ତାହରେ ହେବାକୁ ଥିବା ବିଶ୍ୱକପ୍‌ରୁ ଓହରି ଯାଇଛନ୍ତି। କରୋନା ଭାଇରସ ଯୋଗୁ ଅଷ୍ଟ୍ରେଲିଆନ ସରକାର ଚାଇନିଜ...

ଏହି ଖେଳାଳିଙ୍କୁ ହୋଇଛି ବ୍ରେନ୍‌ ଟ୍ୟୁମର୍‌:କହିଲେ, ଯୁବରାଜଙ୍କ ଭଳି ରୋଗ ସହ ଲଢିବି

ଢାକା,୧।୧୦: ବାଲାଂଦେଶର ବାମହାତୀ ସ୍ପିନର୍‌ ମୋଶରଫ ହୁସେନ୍‌ ମାରାତ୍ମକ ରୋଗ ବ୍ରେନ୍‌ ଟ୍ୟୁମର୍‌ ସହ ଲଢୁଛନ୍ତି। ଭାରତର ପୂର୍ବତନ ଖେଳାଳି ଯୁବରାଜ ସିଂଙ୍କ ପରି ରୋଗ...

ଅଲିମ୍ପିକ୍‌ ମଶାଲ ରିଲେ ସ୍ଥଗିତ ରହିଲା

ଟୋକିଓ, ୨୫।୩ (ଏଏଫ୍‌ପି)- ଟୋକିଓରେ ଆୟୋଜନ ହେବାକୁ ଥିବା ଅଲିମ୍ପିକ୍ସର ୩୨ତମ ସଂସ୍କରଣକୁ ଘୁଞ୍ଚାଇ ଦିଆଯାଇଥିବା ବେଳେ ଏହାର ମାଶାଲ ରିଲେକୁ ମଧ୍ୟ ସ୍ଥଗତି ରଖାଯାଇଛି।...

ହରଭଜନ ସିଂଙ୍କ ପ୍ରଥମ ଚଳଚ୍ଚିତ୍ରର ପୋଷ୍ଟର ରିଲିଜ୍‌, ଫିଲ୍ମ ଷ୍ଟାଇଲ୍‌ରେ ପ୍ରମୋଶନ କଲେ ସଚିନ

ଭାରତୀୟ କ୍ରିକେଟ ଦଳର ପୂର୍ବତନ ଅଫ୍‌ସ୍ପିନର୍‌ ହରଭଜନ ସିଂ ଦ୍ୱିତୀୟ ପାଳି ଆରମ୍ଭ କରିବାକୁ ଯାଉଛନ୍ତି। କ୍ରିକେଟରେ ସଫଳ ହେବା ପରେ ସେ ଏବେ ଚଳଚ୍ଚିତ୍ର...

ପ୍ରଥମଥର ଲାଗି ଇଂଲଣ୍ଡ କେନ୍ଦ୍ରୀୟ ଚୁକ୍ତି ତାଲିକାରେ ଆର୍ଚର

ଲଣ୍ଡନ, ୨୦।୯ (ଏଏଫ୍‌ପି)- ଗତ ଆଇସିସି ବିଶ୍ୱକପ୍‌ ଓ ଆଶେସ ସିରିଜରେ ପ୍ରଭାବୀ ପ୍ରଦର୍ଶନ କରିଥିବା ଯୁବ ଦ୍ରୁତ ବୋଲର ଜୋଫ୍ରା ଆର୍ଚର ପ୍ରଥମଥର ଲାଗି...

ଦିନିକିଆ ଅଧିନାୟକ ପଦ ଛାଡ଼ିଲେ ମୋର୍ତାଜା

ସିଏହେଟ୍‌, ୫।୩ (ଏଏଫ୍‌ପି)- ବରିଷ୍ଠ ବାଂଲାଦେଶ ଦ୍ରୁତ ବୋଲର ମାଶ୍ରାଫି ମୋର୍ତାଜା ଗୁରୁବାର ଦିନିକିଆ ଅଧିନାୟକ ପଦ ଛାଡ଼ିଛନ୍ତି। ଶୁକ୍ରବାର ଜିମ୍ବାଓ୍ବେ ବିପକ୍ଷରେ ଖେଳାଯିବାକୁ ଥିବା...

Advertisement
Archives

Model This Week