ବେଙ୍ଗାଲୁରୁ,୧୬ ।୧: ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଦୁଇ ଦିନିଆ କର୍ନାଟକ ଗସ୍ତରେ ଶନିବାର ବେଙ୍ଗାଲୁରୁଠାରେ ପହଞ୍ଚିଛନ୍ତି । ବେଙ୍ଗାଲୁରୁ ବିମାନ ବନ୍ଦରରେ ମୁଖ୍ୟମନ୍ତ୍ରୀ ୟେଦୁରପ୍ପା ତାଙ୍କୁ ସ୍ୱାଗତ କରିଛନ୍ତି । ଏହି ଦୁଇଦିନିଆ ଗସ୍ତ କାର୍ଯ୍ୟକ୍ରମରେ ଶାହା ବେଲଗାବିରେ ଏକ ରାଲିକୁ ସମ୍ବୋଧିତ କରିବେ । ଏହାସହ କେତେକ ପରିଯୋଜନାର ଶୁଭାରମ୍ଭ କରିବାର କାର୍ଯ୍ୟକ୍ରମ ବି ରହିଛି । ଏହି ସମୟରେ ଶାହା କର୍ନାଟକର ସିମୋଗ ଜିଲାରେ ରାପିଡ ଆକ୍ସନ ଫୋର୍ସର ନୂଆ ବାଟେଲିୟନ ପରିସରର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଏହି ସମୟରେ ମୁଖ୍ୟମନ୍ତ୍ରୀ ୟେଦୁରପ୍ପା ବି ଉପସ୍ଥିତ ରହିଥିଲେ । ୯୭ ବାଟେଲିୟନର ମୁଖ୍ୟାଳୟ ପାଇଁ କର୍ନାଟକ ସରକାର ୫୦.୨୯ ଏକ ଜମି ଯୋଗାଇ ଦେଇଛନ୍ତି । ସବୁଠାରୁ ଗୁରୁତ୍ୱପୂଣ୍ଣ କଥା ହେଲା କର୍ନାଟକ ମନ୍ତ୍ରିମଣ୍ଡଳର ସମ୍ପ୍ରସାରଣକୁ ନେଇ ଅସନ୍ତୁଷ୍ଟ ଥିବା ବିଧାୟକମାନଙ୍କୁ ଶାହା ମନାଇବାକୁ ଚେଷ୍ଟା କରିବେ । କାରଣ ଏହି ବିଧାୟକମାନେ ଦୋଷାରୋପ କରିଛନ୍ତି କି ଯେଉଁମାନେ ଟଙ୍କା ଦେଉଛନ୍ତି ବା ବ୍ଲାକମେଲ କରୁଛନ୍ତି ସେମାନଙ୍କୁ କ୍ୟାବିନେଟରେ ସ୍ଥାନ ମିଳିଯାଉଛି । ବିଶେଷ ସୂତ୍ରରୁ ମିଳିଥିବା ସୂଚନାରୁ ଜଣାପଡିଛି କି ଶାହା କର୍ନାଟକ ଭାରତୀୟ ଜନତା ପାର୍ଟି(ଭାଜପା)ର କୋର କମିଟି ସହ ବୈଠକ କରିବେ । ଯେଉଁଥିରେ ଉଠିଥିବା ସମସ୍ୟାର ସମାଧାନ କରାଯିବାକୁ ବୋଲି ଚେଷ୍ଟା କରାଯିବ ।
