ମୁମ୍ବାଇ: ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ୧ ନଭେମ୍ବରରେ ତାଙ୍କର ୫୦ତମ ଜନ୍ମଦିନ ପାଳନ କରିଥିଲେ। ଏହି ଉତ୍ସବକୁ ପାଳନ କରିବା ପାଇଁ ସେ ମୁମ୍ବାଇରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରିଥିଲେ ଯେଉଁଥିରେ ତାଙ୍କୁ ଗଣମାଧ୍ୟମ ସହ ତାଙ୍କ ଜନ୍ମଦିନ ପାଳନ କରୁଥିବା ଦେଖିବାକୁ ମିଳିଥିଲା। ଏହି କାରଣରୁ ସେ କେକ ମଧ୍ୟ କାଟିଥିଲେ। ଏହି ଘଟଣାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଏହି କାର୍ଯ୍ୟକ୍ରମରେ ବଚ୍ଚନ ପରିବାରର କୌଣସି ସଦସ୍ୟଙ୍କୁ ଦେଖିବାକୁ ମିଳି ନ ଥିଲା। ଜନ୍ମଦିନ ଉତ୍ସବରେ ଅଭିଷେକ ବଚ୍ଚନ, ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କୁ ଦେଖିବାକୁ ମିଳି ନଥିଲା କିନ୍ତୁ ଆରାଧ୍ୟା ତାଙ୍କ ମାତା ଐଶ୍ୱର୍ଯ୍ୟାଙ୍କ ଜନ୍ମଦିନ ପାଳନ କରୁଥିବା ଦେଖିବାକୁ ମିଳିଥିଲା। ଏହି ଉତ୍ସବକୁ ସ୍ବତନ୍ତ୍ର କରିବା ପାଇଁ ସେ କୌଣସି କମି ରଖି ନଥିଲେ।
ଆରାଧ୍ୟା ଧଳା ଟପ ଏବଂ ଡେନିମ ପିନ୍ଧିଥିଲେ। ଏହି କାର୍ଯ୍ୟକ୍ରମରେ ଐଶ୍ୱର୍ଯ୍ୟାଙ୍କ ମା ବ୍ରିନ୍ଦା ମଧ୍ୟ ଉପସ୍ଥିତ ଥିଲେ। ଏହି ଅବସରରେ ଆରାଧ୍ୟା ତାଙ୍କ ମା ଐଶ୍ୱର୍ଯ୍ୟାଙ୍କ ପାଇଁ ଏକ ଭାଷଣ ଦେଇ କହିଥିଲେ ଯେ ଆପଣ ଖୁବ ସୁନ୍ଦର, ଆପଣ ଏମିତି ଜଣେ ନାରୀ ଯିଏ ସର୍ବଦା ଆପଣଙ୍କ ଆଖପାଖର ଲୋକଙ୍କୁ ସାହାଯ୍ୟ କରନ୍ତି, ସେମାନଙ୍କ ପାଇଁ ଛିଡା ହୁଅନ୍ତି। ସେ ଆମ ପାଇଁ କିଛି ବି କରିବାକୁ ସଦା ସର୍ବଦା ପ୍ରସ୍ତୁତ ଥାଆନ୍ତି। କିନ୍ତୁ ମୋର ତୁମ ପାଇଁ ଏକ ପ୍ରଶ୍ନ ଅଛି, ତୁମେ ଏତେ ଭଲ ହେଲ କିପରି।
ଐଶ୍ୱର୍ଯ୍ୟାଙ୍କ ପାଇଁ ଝିଅ ଆରାଧ୍ୟାଙ୍କ ଏହି କଥା ସମସ୍ତଙ୍କ ମନ କିଣି ନେଇଥିବା ବେଳେ ନିଜେ ଐଶ୍ୱର୍ଯ୍ୟା କିନ୍ତୁ ଝିଅର ସ୍ପିଚ ଦେଖିବା ବେଳେ ଚିନ୍ତା କଳାଭଳି ନଜର ଆସିଥିଲେ।
