ବଲିଉଡ୍ ଅଭିନେତା ଅଭିଷେକ ବଚ୍ଚନ ଇତିମଧ୍ୟରେ ୪୫ ବର୍ଷର ହୋଇଯାଇଛନ୍ତି। ୫ ଫେବୃଆରୀ, ୧୯୭୬ରେ ସେ ମୁମ୍ବାଇରେ ଜନ୍ମଗ୍ରହଣ କରିଥିଲେ। ୨୦୦୦ ମସିହାରେ ଫିଲ୍ମ ‘ରେଫ୍ୟୁଜି’ରୁ ବଲିଉଡ୍ରେ କ୍ୟାରିୟର ଆରମ୍ଭ କରିଥିବା ବେଳେ ୨୦୦୭ରେ ମିସ୍ ଓ୍ବାଲ୍ଡ ଐଶ୍ୱର୍ଯ୍ୟା ରାୟଙ୍କୁ ବିବାହ କରିଥିଲେ ଅଭିଷେକ। ବ୍ୟକ୍ତିଗତ ଜୀବନ ବିଷୟରେ କହିବାକୁ ଗଲେ ସ୍ତ୍ରୀ ଐଶ୍ୱର୍ଯ୍ୟାଙ୍କ ସମ୍ପତ୍ତି ଅଭିଷେକଙ୍କ ଠାରୁ ବହୁତ ଅଧିକ। ଏକ ରିପୋର୍ଟ ଅନୁଯାୟୀ, ଐଶ୍ଙ୍କ ସମୁଦାୟ ସମ୍ପତ୍ତିର ମୂଲ୍ୟ ୨୪୫ କୋଟି ଟଙ୍କା ହୋଇଥିବା ବେଳେ ଅଭିଷେକଙ୍କର ୨୧୦ କୋଟି ସମ୍ପତ୍ତି ରହିଛି। ତେବେ ଫିଲ୍ମ ଐଶ୍ଙ୍କର ଏକମାତ୍ର ଆୟ ନୁହେଁ। ଏହା ବ୍ୟତିତ ସେ ବିଜ୍ଞାପନରୁ ମଧ୍ୟ ମୋଟା ଅଙ୍କର ଅର୍ଥ ରୋଜଗାର କରିଥାନ୍ତି। ଗୋଟିଏ ବିଜ୍ଞାପନ ପାଇଁ ସେ ୪-୫ କୋଟି ଟଙ୍କା ନେଇଥାନ୍ତି। ଐଶ୍ଙ୍କ ପାଖରେ ଅନେକ ବିଳାସପୂର୍ଣ୍ଣ କାର ରହିଛି। ଯାହାର ମୂଲ୍ୟ କୋଟି କୋଟି ଟଙ୍କା ହେବ। ସେହିପରି ମୁମ୍ବାଇ ବାନ୍ଦ୍ରା-କୁର୍ଲା କମ୍ପ୍ଲେକ୍ସରେ ଐଶ୍ଙ୍କର ଏକ ଆପାର୍ଟମେଣ୍ଟ ରହିଛି, ଯାହାର ମୂଲ୍ୟ ୩୦ କୋଟି ଟଙ୍କା ହେବ। ଭାରତ ସାଙ୍ଗକୁ ଦୁବାଇରେ ତାଙ୍କର ତାଙ୍କର ସମ୍ପତ୍ତି ରହିଛି।
ସେହିପରି ଅମିତାଭ ବଚ୍ଚନଙ୍କ କଥା କୁହାଗଲେ, ବର୍ତ୍ତମାନ ସମୟରେ ସେ ବଲିଉଡ୍ର ସବୁଠୁ ଧନି ଅଭିନେତା। ଫିଲ୍ମ, ଟିଭି ଶୋ’ ଏବଂ ବିଜ୍ଞାପନରୁ ସେ ମୋଟା ଅଙ୍କର ଅଥଁ ଆୟ କରୁଛନ୍ତି। କରୋନା ସମୟରେ ତାଙ୍କୁ ଅନେକ ବଡ଼ ବ୍ରାଣ୍ଡ୍ରେ ମଧ୍ୟ ଦେଖିବାକୁ ମିଳିଥିଲା। ଠିକ୍ ସେହିପରି ଅମିତାଭଙ୍କ ସ୍ତ୍ରୀ ଜୟା ବଚ୍ଚନ ଦେଶର ସବୁଠାରୁ ଧନୀ ଏମ୍ପିଙ୍କ ମଧ୍ୟରେ ଅନ୍ୟତମ। ରାଜ୍ୟସଭାରେ ନାମାଙ୍କନପତ୍ର ଦାଖଲ ବେଳେ ଜୟାଙ୍କ ଦ୍ୱାରା ଦାଖଲ କରାଯାଇଥିବା ପ୍ରମାଣପତ୍ର ଅନୁଯାୟୀ, ଜୟା -ଅମିତାଭଙ୍କ ପାଖରେ ପ୍ରାୟ ୪୬୦ କୋଟି ଅସ୍ଥାବର ଏବଂ ୩୪୩ କୋଟି ସ୍ଥାବର ସମ୍ପତ୍ତି ରହିଛି। ଅର୍ଥାତ୍ ଉଭୟଙ୍କ ପାଖରେ ସମୁଦାୟ ୮୦୦ କୋଟି ଟଙ୍କାର ମାଲିକ।
