ଅଦରକାରୀ ସାମଗ୍ରୀରେ କୃଷି ଯନ୍ତ୍ରପାତି

ଛେଣ୍ଡିପଦା,୨୪।୮(ଅଜିତ ଧଳ) ଅର୍ଥ ଅଭାବ ଚାଷ କାର୍ଯ୍ୟରେ ବାଧକ ସାଜୁଥିଲା। ଜମି ଚଷିବାକୁ ବଳଦ ନ ଥିଲା। ଟଙ୍କା ଦେଇ ଟ୍ରାକ୍ଟରରେ ହଳ କରିବା ତାଙ୍କ ପକ୍ଷେ ସମ୍ଭବ ହେଉ ନ ଥିଲା। କିନ୍ତୁ ନିଜ ଜମିରେ ଫସଲ ଫଳାଇବାର ଇଚ୍ଛା ତାଙ୍କୁ କୃଷିକ୍ଷେତ୍ରରୁ ଦୂରେଇ ରଖି ପାରୁ ନ ଥିଲା। ତେଣୁ ଘରେ ଥିବା ଅଦରକାରୀ ଲୁହା ସାମଗ୍ରୀ ଓ ପୁରୁଣା ବାଇକ୍‌ରେ ସେ ଏକ ମିନି ପାଓ୍ବାରଟିଲର ତିଆରି କରିବାକୁ ମନ ବଳାଇଲେ। ଲୁହା ଅଭାବ ପଡ଼ିବାରୁ ଅଳ୍ପ କିଛି ଅର୍ଥ ଦେଇ କବାଡ଼ିଆ ଖାନାରୁ ତାହା ସଂଗ୍ରହ କଲେ। ଏବେ ତାଙ୍କ ଦ୍ୱାରା ନିର୍ମାଣ ହୋଇଥିବା ମିନି ପାଓ୍ବାରଟିଲର ଜମି କାଦୁଅ କରୁଛି। ପୁରୁଣା ପାଣି ବୋତଲରେ ତିଆରି କରିଥିବା କୀଟନାଶକ ସ୍ପ୍ରେ ମେଶିନ ଫସଲରୁ ରୋଗପୋକ ମାରିବାରେ ସହାୟକ ହେଉଛି। ଅନୁଗୋଳ ଜିଲା ଛେଣ୍ଡିପଦା ବ୍ଲକ ପୁଟଗାଡିଆ ଗ୍ରାମର ଚାଷୀ ପ୍ରତାପ ଦଣ୍ଡପାଟଙ୍କ ଏହି ନିଆରା ଉଦ୍‌ଭାବନକୁ ନେଇ ଏବେ ଆଖପାଖ ଅଞ୍ଚଳରେ ବେଶ୍‌ ଚର୍ଚ୍ଚା ଚାଲିଛି।
କୋରଡା ପଞ୍ଚାୟତର ଚାଷୀ ପ୍ରତାପଙ୍କ କହିବା ଅନୁଯାୟୀ, ଅନ୍ୟ କିଛି ଆୟ ନ ଥିବାରୁ ଚାଷ ଉପରେ ତାଙ୍କ ପରିବାର ସମ୍ପୂର୍ଣ୍ଣ ନିର୍ଭରଶୀଳ। କିନ୍ତୁ ଅତ୍ୟନ୍ତ ଗରିବ ହୋଇଥିବାରୁ କୃଷି ଯନ୍ତ୍ରପାତି କିଣି ଚାଷରେ ବ୍ୟବହାର କରିବାକୁ ତାଙ୍କର ସମ୍ବଳ ନ ଥିଲା। ଏପରି କି ପ୍ରତିବର୍ଷ ବିଲ ହଳ କରିବା ପାଇଁ ତାଙ୍କୁ ଧାର କରଜ କରିବାକୁ ପଡ଼ୁଥିଲା। ତେଣୁ ନିଜେ କିପରି ଏହି ସମସ୍ୟାର ସମାଧାନ କରିବେ, ସେହି ଚିନ୍ତା କଲାବେଳେ ଘରେ ଥିବା ପୁରୁଣା ବାଇକ୍‌ ଓ ଲୁହା ସାମଗ୍ରୀ ଉପରେ ନଜର ପଡ଼ିଥିଲା। ଏସବୁକୁ ବ୍ୟବହାର କରି ଜମି ଚଷି ହେବ ବୋଲି ତାଙ୍କ ଭିତରେ ବିଶ୍ୱାସ ଆସିବା ପରେ ନିର୍ମାଣ କାର୍ଯ୍ୟରେ ଲାଗିପଡ଼ିଲେ। ଚଳିତବର୍ଷ ସେହି ମେଶିନ ସହାୟତାରେ ଜମି ଚାଷ କରୁଥିବା ପ୍ରତାପ ପ୍ରକାଶ କରିଛନ୍ତି।
ଅଳ୍ପ ଖର୍ଚ୍ଚରେ ହଳ କରିହେଉଛି
ଚାଷୀ ପ୍ରତାପ ଅନ୍ୟମାନଙ୍କ ପାଇଁ ପ୍ରେରଣା ସାଜିଛନ୍ତି। ନିଜସ୍ବ ଉଦ୍ୟମ ଓ ଅଳ୍ପ ଖର୍ଚ୍ଚରେ ନିଜ ଜମି କିପରି ଚାଷ କରିହେବ ସେ ତାହାର ଉଦାହରଣ ଦେଇଛନ୍ତି। ଟ୍ରାକ୍ଟରରେ ହଳ କଲେ ଅଧିକ ଖର୍ଚ୍ଚ ହେଉଥିବା ବେଳେ ପ୍ରତାପ ବହୁ କମ୍‌ ଖର୍ଚ୍ଚରେ ଜମି ହଳ କରିପାରୁଛନ୍ତି।
-ବାପୁଜୀ ଦେହୁରୀ, ଗ୍ରାମବାସୀ
ବିଶ୍ୱାସ କରୁ ନ ଥିଲୁ
ଅଦରକାରୀ ସାମଗ୍ରୀରେ ଚାଷୀ ପ୍ରତାପ କୃଷି ଯନ୍ତ୍ରପାତି ତିଆରି କରିପାରିବେ ବୋଲି ବିଶ୍ୱାସ ହେଉ ନ ଥିଲା। ହେଲେ ସେ ଯେତେବେଳେ ବିଲରେ ହଳ ଆରମ୍ଭ କଲେ ତାହା ଆଶ୍ଚର୍ଯ୍ୟ କରିଦେଲା। ତାଙ୍କ ଦ୍ୱାରା ନିର୍ମିତ ମେଶିନ ଦେଖିବାକୁ ଅନେକ ଲୋକ ଆସୁଛନ୍ତି।
-ଲମ୍ବୋଦର ଦଣ୍ଡପାଟ,
ପୁଟଗାଡିଆ
କୃଷି ବିଭାଗ ମାର୍ଗଦର୍ଶନ କରୁ
ଚାଷୀଟିଏ ହେଲେ ମଧ୍ୟ ପ୍ରତାପଙ୍କ ମଧ୍ୟରେ ପ୍ରତିଭା ରହିଛି। ଅଦରକାରୀ ପାଣି ବୋତଲରେ କୀଟନାଶକ ସ୍ପ୍ରେ ମେଶିନ, ଜମିରେ ପଟି କରିବା ନିମନ୍ତେ ଲଙ୍ଗଳ, ପାଓ୍ବାରଟିଲର ତିଆରି କରିଛନ୍ତି। କୃଷି ବିଭାଗ ମାର୍ଗଦର୍ଶନ କଲେ ସେ ଆଗକୁ ଆହୁରି ଭଲ କୃଷି ଯନ୍ତ୍ରପାତି ତିଆରି କରିପାରିବେ।
ଅନିଲ ପ୍ରଧାନ, କୋରଡା ସରପଞ୍ଚ
କୃଷି ବିଭାଗ ପ୍ରୋତ୍ସାହନ ଦେବ
ପ୍ରତାପଙ୍କ ଏପରି ଉଦ୍‌ଭାବନ ସମ୍ପର୍କରେ ଖବର ନ ଥିଲା। କମ୍‌ ଖର୍ଚ୍ଚରେ ଓ ନିଜସ୍ବ ଜ୍ଞାନ କୌଶଳରେ ସେ କିପରି ଅଧିକ କୃଷି ଯନ୍ତ୍ରପାତି ନିର୍ମାଣ କରିବେ, ସେ ନେଇ ପ୍ରୋତ୍ସାହନ ଯୋଗାଇ ଦିଆଯିବ। ରାଜ୍ୟସ୍ତରୀୟ ଅଭିନବ କୃଷି ଯନ୍ତ୍ରପାତି ପୁରସ୍କାର ପ୍ରଦାନ ପାଇଁ ସୁପାରିଶ କରାଯିବ।
-ବିନୋଦ କୁମାର ଦଳେଇ, ବ୍ଲକ କୃଷି ଅଧିକାରୀ, ଛେଣ୍ଡିପଦା


Enter your email to get our daily news in your inbox.

All Right Reserved By Dharitri.Com

ସୁସ୍ଥ ହେଲେ ୮୨ କରୋନା ଆକ୍ରାନ୍ତ

ଭୁବନେଶ୍ୱର,୯।୩: ରାଜ୍ୟରେ ମଙ୍ଗଳବାର ୮୨ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ସୁସ୍ଥ ହୋଇଥିବା ଆକ୍ରାନ୍ତ ସଂଖ୍ୟା ୩,୩୫,୨୫୦ରେ ପହଞ୍ଚିଛି। ସମ୍ବଲପୁରରୁ ସର୍ବାଧିକ...

ପୂରା ପରିବାର ଚାଲିଗଲେ: କାଲି ମା-ଦୁଇ ଝିଅଙ୍କର ମିଳିଥିଲା ମୃତଦେହ, ଆଜି କୂଅରୁ ମିଳିଲା ବାପାଙ୍କ ମୃତଦେହ

ଝାରସୁଗୁଡ଼ା ଅଫିସ,୨୩ା୯: ଝାରସୁଗୁଡା ଜିଲା ବ୍ରଜରାଜନଗର ଥାନା ଅନ୍ତର୍ଗତ ଗଙ୍ଗାନଗର ଫାଟକପଡ଼ାରେ ବୁଧବାର ଏକ ଜଘନ୍ୟ ହତ୍ୟାକାଣ୍ଡ ଘଟିଥିଲା। ଏଥିରେ ଗୋଟିଏ ପରିବାରର ମା, ୨...

ଖାଦ୍ୟାଭାବ ଆଶଙ୍କା

ଅସ୍ବାଭାବିକ ମୌସୁମୀ ଦେଶର ଖାଦ୍ୟ ସୁରକ୍ଷା ପ୍ରତି ବଡ଼ ବିପଦ ସୃଷ୍ଟି କରିବ ବୋଲି ବିଶେଷଜ୍ଞମାନେ ଚିନ୍ତା ପ୍ରକଟ କରିଛନ୍ତି। ମୁଦ୍ରାସ୍ଫୀତି ନିୟନ୍ତ୍ରଣ ଦିଗରେ ‘ସ୍ବାଭାବିକ...

ପୋଡ଼ିହୋଇଥିବା ମହିଳାଙ୍କୁ ଚିକିତ୍ସା କଲା ଟାଟା ଷ୍ଟିଲ

କଳିଙ୍ଗନଗର, ୬ା୬(ଡି.ଏନ୍‌.ଏ.): ଗତ ବର୍ଷ ଜୁନ୍‌ ମାସରେ ସୁକିନ୍ଦା ବ୍ଲକ ଅନ୍ତର୍ଗତ ରଙ୍ଗିଟାଙ୍ଗର ଗ୍ରାମର ପ୍ରତିମା ଦାସ ଘରେ ରୋଷେଇ କରୁଥିବା ସମୟରେ ନିଅଁାରେ ପୋଡି...

୧୦୮ ଓ ୧୦୨ ଆମ୍ବୁଲାନ୍ସ ସେବାରେ ରେକର୍ଡ

ଭୁବନେଶ୍ୱର,୧୬ା୫ (ବ୍ୟୁରୋ): ଲକ୍‌ଡାଉନ୍‌ ଜାରି ରହିଥିବାବେଳେ ମାର୍ଚ୍ଚ ଓ ଏପ୍ରିଲ୍‌ରେ ୧୦୮ ଏବଂ ୧୦୨ ଆମ୍ବୁଲାନ୍ସ ରେକର୍ଡ ସଂଖ୍ୟକ ରୋଗୀଙ୍କୁ ଜରୁରୀକାଳୀନ ସେବା ଯୋଗାଇଛି। ମୟୂରଭଞ୍ଜରେ...

ଆଜି ଦାଖଲ ହେବ ଚୂଡ଼ାନ୍ତ ବୁଥ୍‌ ତାଲିକା

ଭୁବନେଶ୍ୱର, ୧୫।୨ (ବ୍ୟୁରୋ): ପୌର ନିର୍ବାଚନ ପାଇଁ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ଅନ୍ତର୍ଗତ ୬୭ଟି ଓ୍ବାର୍ଡର ୨୧୯ ସ୍ଥାନରେ ୬୯୯ ବୁଥ୍‌ ସ୍ଥାପନ ପାଇଁ ଗୁରୁବାର...

ଏକାମ୍ର ହାଟରେ ଖୋଲିଲା ମୁକ୍ତ ପାଠାଗାର

ଭୁବନେଶ୍ୱର,୧୫।୧୧ (ବ୍ୟୁରୋ): ଶିଶୁ ଦିବସ ଅବସରରେ ରବିବାର ଏକାମ୍ର ହାଟଠାରେ ମୁକ୍ତ ପାଠାଗାର ଖୋଲିଛି। ବହି ପ୍ରତି ଲୋକଙ୍କ ମଧ୍ୟରେ ଆଗ୍ରହ ବଢାଇବା ପାଇଁ ହସ୍ତଶିଳ୍ପ...

ମହିଳା କମିଶନଙ୍କ ଦ୍ୱାରସ୍ଥ ହେଲେ ବର୍ଷା

ଭୁବନେଶ୍ୱର,୧୬।୧୨(ବ୍ୟୁରୋ): ଏମ୍‌ପି ଅନୁଭବ ମହାନ୍ତି ଓ ତାଙ୍କ ସ୍ତ୍ରୀ ତଥା ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ପାରିବାରିକ ବିବାଦ ଏବେ ଚରମ ସୀମାରେ ପହଞ୍ଚତ୍ଛି। ମଙ୍ଗଳବାର ଅନୁଭବଙ୍କ...

Advertisement
Archives

Model This Week