ଚଣ୍ଡିଗଡ଼,୨୩।୪: ‘ଓ୍ବାରିସ ପଞ୍ଜାବ ଦେ’ର ମୁଖ୍ୟ ଅମୃତପାଲ ସିଂ ଗିରଫ ହେବା ପରଠାରୁ ଏବେ ଏହାକୁ ନେଇ ଚର୍ଚ୍ଚା ଜୋର ଧରିଛି। ଇତିମଧ୍ୟରେ ପଞ୍ଜାବ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ ରବିବାର କହିଛନ୍ତି କି ଯେଉଁମାନେ ଦେଶର ଶାନ୍ତି ଓ ଆଇନ ଶୃଙ୍ଖଳା ପରିସ୍ଥିତିକୁ ଭଙ୍ଗ କରିବାକୁ ଚେଷ୍ଟା କରିବେ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଖଲିସ୍ତାନ ସମର୍ଥକ ଅମୃତପାଲଙ୍କୁ ରବିବାର ପୋଲିସ ଗିରଫ କରିଛି। ଦିର୍ଘ ୩୫ ଦିନର ପରିଶ୍ରମ ପରେ ପୋଲିସ ତାଙ୍କୁ ଗିରଫ କରିବାରେ ସକ୍ଷମ ହୋଇଛି।
ଏକ ପ୍ରେସ କନଫରେନ୍ସରେ ପଞ୍ଜାବ ମୁଖ୍ୟମନ୍ତ୍ରୀ ମାନ କହିଛନ୍ତି, ଆଜିକୁ ୩୫ ଦିନ। ଆଉ ୩୫ ଦିନ ପରେ ଗିରଫ ହେଲେ ଅମୃତପାଲ ସିଂ। ଏବେ ଯଦି କେହି ଦେଶର ଶାନ୍ତି ଓ ଆଇନ ଶଙ୍ଖଳା ପରିସ୍ଥିତିକୁ ଖରାପ କରିବାକୁ ଚେଷ୍ଟା କରନ୍ତି ତେବେ ସେମାନଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଆମେ କୌଣସି ସାଧାରଣ ନାଗରିକଙ୍କୁ ବିବ୍ରତ କରାଇବୁ ନାହିଁ। ଏହାସହ ମାନ ପଞ୍ଜାବରେ ଆଇନ ଶୃଙ୍ଖଳା ପରିସ୍ଥିତି ବଜାୟ ରଖିଥିବାରୁ ରାଜ୍ୟବାସୀଙ୍କୁ ଧନ୍ୟବାଦ ଦେଇଛନ୍ତି।
