ନୂଆଦିଲ୍ଲୀ: ଆସାମ ପୋଲିସ ବିଭାଗରେ ମଦୁଆ କର୍ମଚାରୀଙ୍କ ପାଇଁ ସରକାରଙ୍କ ନୂଆ ନିର୍ଦ୍ଦେଶ ମହଙ୍ଗା ପଡ଼ିଛି । ଆସାମ ସରକାର ମଦ ପିଇବା ଅଭ୍ୟାସ ଥିବା ୩୦୦ ପୋଲିସ କର୍ମଚାରୀଙ୍କୁ ଭିଆରଏସ୍ ଦେବେ । ମୁଖ୍ୟମନ୍ତ୍ରୀ ହେମନ୍ତ ବିଶ୍ୱ ଶର୍ମା ଏହି ସୂଚନା ଦେଇଛନ୍ତି । ଏହି କର୍ମଚାରୀଙ୍କ ସ୍ଥାନରେ ନୂଆ ନିଯୁକ୍ତି ଦିଆଯିବ । ଏଥିପାଇଁ ପ୍ରକ୍ରିୟା ପୂର୍ବରୁ ଆରମ୍ଭ ହୋଇଛି ।
ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଗୁରୁବାର ବରିଷ୍ଠ ଅଧିକାରୀ ଏବଂ ଏସ୍ପିଙ୍କ ସହ ଏକ ଭର୍ଚୁଆଲ ବୈଠକ କରିଥିଲେ । ଏଥିରେ ସେ ପୋଲିସ ବିଭାଗରେ ସମସ୍ତଙ୍କୁ ଶାରୀରିକ ରୂପେ ଫିଟ ରହିବା ପାଇଁ ଜୋର ଦେବା ସହ ବିଭାଗର ବରିଷ୍ଠ ଅଧିକାରୀଙ୍କୁ ଆବଶ୍ୟକ ନଥିବା କର୍ମଚାରୀଙ୍କୁ ବାହାର କରିବାକୁ ନିର୍ଦ୍ଦେଶ ଦେଇଥିଲେ ।
