କେନ୍ଦୁଝର,୧୬ା୪(ସ୍ବ.ପ୍ର.): କେନ୍ଦୁଝର ସଦର ଥାନା ଅନ୍ତର୍ଗତ ସିଲିସୁଆଁ ଇଟାଭାଟି ନିକଟରେ ଟ୍ରେନ୍ ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣଙ୍କ ବାଉରୀପଦା ଗ୍ରାମର ପୂର୍ଣ୍ଣଚନ୍ଦ୍ର ମହାକୁଡ଼ଙ୍କ ପୁଅ ନରହରି (୨୨) ବୋଲି ଜଣାପଡିଛି।
ପ୍ରକାଶ ଯେ, ନରହରି ଶନିବାର ରାତିରେ ସିଲିସୁଆଁରେ ଚାଲିଥିବା ପାଲା ଦେଖିବାକୁ ଆସିଥିଲେ। ରବିବାର ସକାଳୁ ତାଙ୍କର ମୃତଦେହ କ୍ଷତବିକ୍ଷତ ଅବସ୍ଥାରେ ରେଳଧାରଣାରେ ପଡ଼ଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଖବର ପାଇ ରେଳ ବିଭାଗ ପୋଲିସ ମୃତଦେହ ଜବତ କରି ତଦନ୍ତ ଆରମ୍ଭ କରିବା ସହିତ ବ୍ୟବଚ୍ଛେଦ ପାଇଁ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି। ତେବେ ନରହରିଙ୍କ ମୃତଦେହ ନିକଟରୁ ତାଙ୍କ ସ୍ମାର୍ଟଫୋନ ମିଳିଛି। ଏନ୍ୟ ଛୋଟ ଫୋନ୍ ହଜି ଯାଇଥିବା ପରିବାର ପକ୍ଷରୁ ଜଣପାଡ଼ିଛ। ଏହା ହତ୍ୟା ନା ଆତ୍ମହତ୍ୟା ବ୍ୟବଚ୍ଛେଦ ରିପୋର୍ଟ ଆସିଲା ପରେ ଜଣାପଡ଼ିବ।
