ଭଞ୍ଜନଗର,୫।୭(ବାବୁଲା ପ୍ରଧାନ): ପ୍ରଜାପିତା ବ୍ରହ୍ମାକୁମାରୀ ଈଶ୍ବରୀୟ ବିଶ୍ବବିଦ୍ୟାଳୟ ଭଞ୍ଜନଗର ଉପସେବା କେନ୍ଦ୍ର ଆନୁକୁଲ୍ୟରେ ୩ ଦିନ ବ୍ୟାପି ଚାଲିଥିବା ‘ସୁଦୃଢ ମନ ଉଜ୍ଜ୍ୱଳ ଭବିଷ୍ୟତ’ ପ୍ରସଙ୍ଗ ଭିତ୍ତିକ ତ୍ରିଦିବସୀୟ ଆଧ୍ୟାତ୍ମିକ ସମ୍ମିଳନୀ ତଥା ଚିନ୍ତା ମୁକ୍ତ ରାଜଯୋଗ ଶିବିର ରବିବାର ଉଦଯାପିତ ହୋଇଯାଇଛି। ସାଂପ୍ରତିକ ବ୍ୟସ୍ତବହୁଳ ଜୀବନ ଶୈଳୀର ଅଧୋପତନର ମୁଖ୍ୟ କାରଣ ହେଲା- ଦୁଶ୍ଚିନ୍ତା। ଏହି ପରିପ୍ରେକ୍ଷୀରେ ବ୍ରହ୍ମପୁର ଜୋନରେ ଆୟୋଜିତ ହେବାକୁ ଥିବା ୩୫ଟି ପ୍ରେରଣାଦାୟକ ଶିବିରର ମୁଖ୍ୟ ଆକର୍ଷଣ ଆନ୍ତର୍ଜାତୀୟ ମୁଖ୍ୟାଳୟ ମାଉଣ୍ଟଆବୁରୁ ଆସିଥିବା ମେମୋରୀ ପ୍ରଶିକ୍ଷକ ରାଜଯୋଗୀ ଡଃ ଶକ୍ତିରାଜ ଭାଇ ମୁଖ୍ୟ ବ୍ଯକ୍ତା ଓ ମୁଖ୍ୟ ଅତିଥି ଭାବେ ଭଞ୍ଜନଗର ଉପଜିଲାପାଳ ଉମା ଶଙ୍କର ବେହେରା ଶିବିରକୁ ଉଦଘାଟନ କରିଥିଲେ ।
ମୁଖ୍ୟ ବକ୍ତା ଡଃ ଶକ୍ତିରାଜ ୩ ଦିନ ବ୍ୟାପି ଅନୁଭୂତି ସଂପନ୍ନ ପ୍ରୟୋଗାତ୍ମକ ବାର୍ତ୍ତା ପ୍ରଦାନ କରିଥିଲେ । ଅଧୁନା ମାନବ ସମାଜ ଆଧୁନିକତା ସହିତ ଆଧ୍ୟାତ୍ମିକତାବାଦୀ ଓ ଆତ୍ମ କୈନ୍ଦ୍ରିକ ହେବା ଉଚିତ୍। ଯଦ୍ୱାରା ସକାରାତ୍ମକ ଚିନ୍ତନ ଶକ୍ତି ସୃଷ୍ଟି ହୋଇ ନିଶାମୁକ୍ତ ସୁସ୍ଥ ସମାଜ ଓ ରାଷ୍ଟ୍ର ଗଠନରେ ସହାୟକ ହେବ ବୋଲି ସେ କହିଥିଲେ। ପରମାତ୍ମା ପ୍ରଦତ୍ତ ଏହି ଆତ୍ମ ଜ୍ଞାନ ବିଶ୍ବର ୧୪୫ରୁ ଉର୍ଦ୍ଧ୍ବ ଦେଶର ବିଭିନ୍ନ ସେବାକେନ୍ଦ୍ରରେ ନିୟମିତ ଶିକ୍ଷା ଦିଆଯାଉଛି। କୋଟି କୋଟି ଆଧ୍ୟାତ୍ମିକ ପ୍ରେମୀକୁ ସତ୍ ମାର୍ଗରେ ଅଭିପ୍ରେରିତ କରିବାରେ ବିଶ୍ଵ ଦରବାରରେ ଏହି ସଂସ୍ଥା ଅନନ୍ୟ ସ୍ଥାନ ସୃଷ୍ଟି କରିପାରିଛି । ରାଜଯୋଗିନୀ ବ୍ରହ୍ମକୁମାରୀ ଲକ୍ଷ୍ମୀ ଭଉଣୀ ଓ ନିରୁପ୍ରଭା ଭଉଣୀ ମଞ୍ଚ ପରିଚାଳନା କରିଥିଲେ । କେନ୍ଦ୍ର ସଞ୍ଚାଳିକା ରାଜଯୋଗିନୀ ସନ୍ତୋଷିନୀ ଭଉଣୀ ଭଞ୍ଜନଗର ସେବାକେନ୍ଦ୍ରର କାର୍ଯ୍ୟଧାରା ବିବରଣୀର ସମ୍ୟକ୍ ସୂଚନା ପ୍ରଦାନ କରିଥିଲେ। ବ୍ରହ୍ମା କୁମାର ଅକ୍ଷୟ, ବୈକୁଣ୍ଠ ଭାଇ ଧନ୍ୟବାଦ ଜ୍ଞାପନ କରିଥିଲେ।
ବିଭିନ୍ନ ଦିବସରେ ଅତିରିକ୍ତ ଉପଜିଲାପାଳ ରଚିତା ମହାପାତ୍ର , ରୋଟାରୀ କ୍ଲବ ସଭାପତି ରଞ୍ଜିତ ବାରିକ, ଆଇଆରବି ୮ ବାଟାଲିୟନ ଡେପୁଟି କମାଣ୍ଡର ଲଳିତ କୁମାର ଦାଶ, ସମାଜସେବୀ ଶୂଳପାଣି ଶତପଥୀ, ପ୍ରଧାନ ଶିକ୍ଷକ ଉମାକାନ୍ତ ନାହାକ, ଅବସରପ୍ରାପ୍ତ ସେନା କର୍ମଚାରୀ ତ୍ରିନାଥ ଗୌଡ଼, ନେତାଜୀ ବିଷୋୟୀ, ଜଗବନ୍ଧୁ ଜେନା, ସନ୍ତୋଷ ଜେନା, ଜଗଦୀଶ ପାଣିଗ୍ରାହୀ, ଅବସରପ୍ରାପ୍ତ କଲେଜ ଅଧ୍ୟକ୍ଷ ଡ ପୂର୍ଣ୍ଣ ଚନ୍ଦ୍ର ତ୍ରିପାଠୀ ପ୍ରମୁଖ ଯୋଗ ଦେଇଥିଲେ । ବ୍ରହ୍ମା କୁମାରୀ ଅନିତା, ଅଲିଭା, ପ୍ରାପ୍ତି, ପିଙ୍କି, ବୈଶାଳୀ, ଅଙ୍କିତା, ଗୁଗୁଲ ଭଉଣୀ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିବାରେ ସହଯୋଗ କରିଥିଲେ।
