ମହାକାଳପଡ଼ା, ୧୫ା୭ (ପ୍ରତାପ ଚନ୍ଦ୍ର ସ୍ବାଇଁ)କେନ୍ଦ୍ର ଓ ରାଜ୍ୟ ସରକାର ଉଭୟ ଗଁା ଗହଳିର ବିକାଶ ପାଇଁ ସ୍ବତନ୍ତ୍ର ଯୋଜନା କାର୍ଯ୍ୟକାରୀ ସୁନିଶ୍ଚିତ କରୁଛନ୍ତି। ହେଲେ ଏବେବି ଅନେକ ଗଁାରେ ବିକାଶର ଚିତ୍ର ବଦଳିନି। ୧୦ ହାତ ରାସ୍ତାର ଘାଇ ବନ୍ଧାଇବାକୁ ଦଶ ବର୍ଷ ହେଲା ପଞ୍ଚାୟତଠାରୁ ବ୍ଲକ ପ୍ରଶାସନ କେହି ଶୁଣିୋଲନି ଶେଷରେ ମହିଳାମାନେ ଏକଜୁଟ ହୋଇ ଘାଇରେ ବାଲି ବସ୍ତା ପକାଇ ସୋମବାର ବନ୍ଧାଇଛନ୍ତି। ଏଭଳି ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ରାମନଗର ପଞ୍ଚାୟତ ପୁରୁଣା ଫାଣ୍ଡି ପଛ ପଟେ ୨ ନମ୍ବର ୱାର୍ଡ ବାସିନ୍ଦାଙ୍କ କ୍ଷେତ୍ରରେ।
ଗଁା ରାସ୍ତାରେ ପାଣି ଜମିବା ଯୋଗୁ ପରିବେଶ ବିଗିଡ଼ି ଯାଇଛି। ସବୁଦିନିଆ ରାସ୍ତା ନାହିଁ, ପାଣି ଖାଲ ଘାଇ ଯୋଗୁ ଛାତ୍ରୀଛାତ୍ର, ଅଙ୍ଗନୱାଡ଼ି କେନ୍ଦ୍ର ଶିଶୁ ଓ ଗ୍ରାମର ଲୋକ ପାଣି କାଦୁଅରେ ଯିବା ଆସିବା ଯୋଗୁ ବର୍ଷା ଋତୁରେ ଥଣ୍ଡା ଜ୍ୱର, କାଶ, ଝାଡ଼ାବାନ୍ତି ହେଉଥିବା ଅଭିଯୋଗ ହେଉଛି। ପଞ୍ଚାୟତ ପ୍ରଶାସନକୁ ଦୀର୍ଘବର୍ଷ ପୂର୍ବେ ଅଭିଯୋଗ କରିଥିଲେ ମଧ୍ୟ କେହି ଶୁଣୁନାହାନ୍ତି ବୋଲି ସ୍ଥାନୀୟ ବାସିନ୍ଦା କହିଛନ୍ତି। ଫଳରେ ବାଧ୍ୟ ହୋଇ ପଡ଼ାର କେତେଜଣ ମହିଳା ମିଳିତ ହୋଇ ସୋମବାର ଟ୍ରଲିରେ ବାଲି ବସ୍ତା ବୋହିଅଣି ଘାଇକୁ ପୋତି ଅସ୍ଥାୟୀ ରାସ୍ତା ନିର୍ମାଣ କରିଥିବା ଦେଖିବାକୁ ମିଳିଛି। ଏହି ୱାର୍ଡର ସ୍ଥାୟୀ ଢ଼ଳେଇ ରାସ୍ତା ନିର୍ମାଣ ପାଇଁ ମାମିନା ପରିଡ଼ା, ସେବିକା ମଣ୍ଡଳ, ବୀତିକା ସରକାର, ଆମୋଦିନି ମିସ୍ତ୍ରି, ପାର୍ବତୀ ସରକାର, ରିନା ସରକାର, ଜ୍ୟୋତ୍ସ୍ନା ସରକାର, କନିକା ମଣ୍ଡଳ, ରୂପା ମିସ୍ତ୍ରି, ମାନି ମଣ୍ଡଳ, ନମିତା ମଣ୍ଡଳ, ଧନଞ୍ଜୟ ସାନା ଓ ଠାକୁର ଚାନ୍ଦ ମଣ୍ଡଳଙ୍କ ସମେତ ଅନେକ ମହିଳା ଓ ୱାର୍ଡ ଲୋକ ଦାବି କରିଛନ୍ତି। ଏ ସଂକ୍ରାନ୍ତରେ ବିଡିଓ ସୌମ୍ୟଶ୍ରୀ ପାଣିଗ୍ରାହୀଙ୍କୁ ପଚାରିବାରେ ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀ ଘଟଣାସ୍ଥଳ ପହଞ୍ଚତ୍ ଅନୁଧ୍ୟାନ କରିବା ପରେ ପଦକ୍ଷେପ ଗ୍ରହଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।
