ଆଜିକାଲି ଅନେକ ସଡ଼କ ଦୁର୍ଘଟଣା ସାମ୍ନାକୁ ଆସୁଛି। ଲୋକଙ୍କ ସହ ଗାଡ଼ିମୋଟର ସଂଖ୍ୟା ରାସ୍ତାରେ ବି ବଢୁଛି। ଏହା ସହିତ ସଡ଼କ ଦୁର୍ଘଟଣା ମାମଲା ମଧ୍ୟ ବୃଦ୍ଧି ପାଉଛି। ସଡ଼କ ଦୁର୍ଘଟଣାକୁ ଦୂର କରିବା ପାଇଁ ଅନେକ ପ୍ରକାରର ଟ୍ରାଫିକ ନିୟମ ପ୍ରଣୟନ କରାଯାଇଛି। ଯାହାଦ୍ୱାରା ଦୁର୍ଘଟଣାକୁ ନିୟନ୍ତ୍ରଣ କରାଯାଇପାରିବ। କିନ୍ତୁ ଏହାର କିଛି ସକାରାତ୍ମକ ପ୍ରଭାବ ଦେଖିବାକୁ ମିଳେ ନାହିଁ। ଲୋକମାନେ ଏହି ନିୟମକୁ ଭାଙ୍ଗିଥାନ୍ତି। ଯେଉଁଥିପାଇଁ ସେମାନଙ୍କୁ ଏହାର ପରିଣାମ ଭୋଗିବାକୁ ପଡ଼ିଥାଏ। ଏହି ଦୁର୍ଘଟଣାକୁ ଦୂର କରିବା ପାଇଁ ରାସ୍ତା ପାର୍ଶ୍ୱରେ ବିଭିନ୍ନ ବୋର୍ଡ ଲଗାଯାଇଛି। ସେଥିମଧ୍ୟରୁ ଦେଖିଥିବେ ରାସ୍ତା ପାର୍ଶ୍ୱରେ କ୍ୟାମେରାର ସାଇନ୍ ବୋର୍ଡ ବି ଲଗାଯାଇଛି। ଲୋକମାନେ ଏହାକୁ ଦେଖିଥିବେ ନିଶ୍ଚିତ। ମାତ୍ର ୫୦ ପ୍ରତିଶତ ଲୋକଙ୍କ ନିକଟରେ ଏହାର ଉତ୍ତର ନ ଥିବ ଯେ, ଏହା କାହିଁକି ଲଗାଯାଇଛି।
ସୋସିଆଲ ମିଡିଆରେ ଏହାକୁ ନେଇ ଏବେ ଅନେକ ତର୍କ ବିତର୍କ ଚାଲିଛି। ଅନେକ ଲୋକ ଏହି ଚିହ୍ନକୁ ରାସ୍ତା ପାର୍ଶ୍ୱରେ ଦେଖିଛନ୍ତି କିନ୍ତୁ ଏହାର ଅର୍ଥ ଜାଣି ନାହାନ୍ତି ବୋଲି କହିଛନ୍ତି। ଏହା ହେଉଛି ସ୍ପିଡ୍ କ୍ୟାମେରାର ସଙ୍କେତ। ରାସ୍ତା ପାର୍ଶ୍ୱରେ ସ୍ପିଡ୍ କ୍ୟାମେରା ସାଇନ ବୋର୍ଡର ବ୍ୟବହାର କ’ଣ ହେବ ବୋଲି ଆପଣ ଭାବୁଥିବେ।
ଏହା ଦୁର୍ଘଟଣାର ଆଶଙ୍କା କମାଇବା ପାଇଁ ଲଗାଯାଇଛି। ଲୋକଙ୍କୁ ଆଗାମୀ ବିପଦ ବିଷୟରେ ଅବଗତ କରାଇବା ପାଇଁ ରଖାଯାଇଛି। କିନ୍ତୁ ଅନେକ ଲୋକ ଏଥିରୁ କିଛି ଅର୍ଥ ଜାଣନ୍ତି ନାହିଁ। ଏହି ସାଇନ ବୋର୍ଡ ବିଶେଷ ଭାବରେ ବ୍ରିଟେନରେ ବ୍ୟବହୃତ ହୁଏ। କିନ୍ତୁ ବର୍ତ୍ତମାନ ଲୋକମାନେ ଏହାର ପ୍ରକୃତ ଅର୍ଥ ଜାଣିବାକୁ ପାଇଛନ୍ତି। ଟୁଇଟରରେ ଏହା ଶେୟାର ହେବା ପରେ ଲୋକମାନେ ଏଥିରେ ଆଗ୍ରହ ଦେଖାଇଥିଲେ। ଏହି ସାଇନ ବୋର୍ଡରେ ଆପଣ ଦୁଇଟି ଲେନ୍ସ ସହିତ ଏକ ସ୍ପିଡ୍ କ୍ୟାମେରା ଦେଖିବାକୁ ପାଇବେ।
@FeyeraBender ନାମକ ଜଣେ ୟୁଜର ଏହାକୁ ଟୁଇଟରରେ ଶେୟାର କରିଛନ୍ତି। ଜଣେ ୟୁଜର ଲଖିଛନ୍ତି, ବହୁ ବର୍ଷ ଧରି ସେ ଭାବୁଥିଲେ କି ଏହା ସହିତ ରାସ୍ତାର କ’ଣ ସମ୍ପର୍କ। ବର୍ତ୍ତମାନ ଏହା ଜାଣିପାରିଛନ୍ତି ଯେ, ଏହାର ଅର୍ଥ ହେଉଛି, ଆପଣ ସିସିଟିଭି ନଜରରେ ଅଛନ୍ତି। ହାଇଓ୍ବେ କୋଡ୍ ଅନୁଯାୟୀ, ଧଳା ବ୍ୟାକ୍ଗ୍ରାଉଣ୍ଡରେ ଥିବା କଳା କ୍ୟାମେରା ସୂଚିତ କରେ ଯେ, ଆପଣ କ୍ୟାମେରାର ଲେନ୍ସରେ ଅଛନ୍ତି। ଏହା ଆପଣଙ୍କ ଗତି ନିୟନ୍ତ୍ରଣ କରୁଛି। ତେଣୁ ସାବଧାନାର ସହ ଗାଡ଼ି ଚଳାଇବା ଉଚିତ।
