ଜେନେଭା,୭।୩ : ମିଳିତ ଜାତିସଂଘରେ ଭାରତର ସ୍ଥାୟୀ ରାଷ୍ଟ୍ରଦୂତ ରୁଚିରା କାମ୍ବୋଜ ମହିଳା ସ୍ଥିତି ଉପରେ କହିଛନ୍ତି। ଆଜିର ନୂତନ ଭାରତ ମହିଳା ଏବଂ ବାଳିକାଙ୍କ ସୁବିଧା ପାଇଁ ଆଧୁନିକ ଜ୍ଞାନକୌଶଳ ନିୟୋଜନ ଦ୍ୱାରା ଅନୁପ୍ରାଣିତ ହୋଇଛି। ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚିନ୍ତାଧାରାକୁ ଦୃଷ୍ଟିରେ ରଖି କାର୍ଯ୍ୟକାରୀ କରାଯାଉଛି। ସେ ସ୍ପଷ୍ଟ ଭାବରେ କହିଛନ୍ତି ଯେ ମହିଳାମାନଙ୍କୁ କେବଳ ଗୃହିଣୀ ଭାବରେ ନୁହେଁ ବରଂ ରାଷ୍ଟ୍ର ନିର୍ମାଣକାରୀ ଭାବରେ ମଧ୍ୟ ଦେଖାଯିବା ଉଚିତ।
ରୁଚିରା ଆହୁରି କହିଛନ୍ତି, ଭାରତ ଏକ ମହିଳା ବିକାଶ ମଡେଲ ଆଧାରରେ ମହିଳା ନେତୃତ୍ୱରେ ବିକାଶକୁ ଆଡ଼କୁ ଗତି କରୁଛି । ଏହି ବିକାଶ ଆମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଅଧୀନରେ ଜି-୨୦ କୁ ପ୍ରାଥମିକତା ଦେବା ନିଷ୍ପତ୍ତିରେ ପ୍ରତିଫଳିତ ହୋଇଛି। ଯଦି ଆମକୁ ଭବିଷ୍ୟତ ପାଇଁ ପ୍ରସ୍ତୁତ ହେବାକୁ ପଡିବ, ତେବେ ଆଲୋଚନା ଏବଂ ନିଷ୍ପତ୍ତି ଗ୍ରହଣ ପ୍ରକ୍ରିୟାରେ ମହିଳାମାନଙ୍କୁ ସାମିଲ କରିବା ଉପରେ ଧ୍ୟାନ ଦେବା ଜରୁରୀ ବୋଲି ସେ କହିଛନ୍ତି।
