ଇସଲାମାବାଦ,୧୦।୧୨ : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ବଡ଼ ଝଟ୍କା ଲାଗିଛି। ୬ ବର୍ଷ ତଳର ମାନହାନି ମାମଲାରେ ଲାହୋର ହାଇକୋର୍ଟ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ରାଷ୍ଟ୍ରପତି ଖାନଙ୍କ ଆବେଦନକୁ ଖାରଜ କରିଛନ୍ତି। ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଇମ୍ରାନ ଖାନଙ୍କୁ ୬୧ ମିଲିୟନ ଡଲାରର ମାନହାନି ମାମଲା ଦାଏର କରିଥିଲେ।
ଶେହବାଜ ସରିଫଙ୍କ ଦାଖଲ ହୋଇଥିବା ମାନହାନି ମାମଲାରେ ଇମ୍ରାନଙ୍କୁ ଜବାବ ଦାଖଲ କରିବାର ଅଧିକାର ନେଇ ପିଟିଆଇ ଅଧ୍ୟକ୍ଷ ଇମ୍ରାନ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ। ଲାହୋର ହାଇକୋର୍ଟର ଜଷ୍ଟିସ ଚୌଧୁରୀ ମହମ୍ମଦ ଇକବାଲ ଉଭୟ ପକ୍ଷଙ୍କ ଯୁକ୍ତି ଶୁଣିବା ପରେ ଇମ୍ରାନଙ୍କ ଆବେଦନକୁ ଖାରଜ କରି ଅଧିବେଶନ କୋର୍ଟର ନିଷ୍ପତ୍ତିକୁ କାଏମ ରଖିଛନ୍ତି।
