ଦିଗପହଣ୍ଡିରେ ଜାଳେଣି ଗ୍ୟାସ ସିଲିଣ୍ଡର କଳାବଜାର, ହନ୍ତସନ୍ତ ହେଉଛନ୍ତି ଲୋକେ

ଦିଗପହଣ୍ଡି,୨୯।୩(ଅଶେଷ ନାଥ ମିଶ୍ର) ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଆଖପାଖ ଗ୍ରାମାଞ୍ଚଳମାନଙ୍କରେ ଜାଳେଣି ଗ୍ୟାସ ସିଲିଣ୍ଡରର ବ୍ୟାପକ କଳାବଜାର ହେଉଥିବା ଜାଣିବାକୁ ମିଳିଛି । ମଧ୍ୟପ୍ରାଚ୍ୟ ଯୁଦ୍ଧ ଚାଲିଥିବାରୁ ଖାଉଟିଙ୍କୁ ସିଲିଣ୍ଡର ଯୋଗାଣରେ ଅଧିକା ବିଭ୍ରାଟ ଦେଖାଦେଇଛି । ବିଶେଷକରି ଗ୍ୟାସ ବୁକିଂର ସମୟସୀମା ବୃଦ୍ଧି ହୋଇଥିଲେ ସୁଦ୍ଧା ଖାଉଟିଙ୍କୁ ଘରୋଇ ଗ୍ୟାସ ସିଲିଣ୍ଡର ମିଳିବାରେ ଅହେତୁକ ବିଳମ୍ବ ହେଉଛି । ଏପରିକି ଗ୍ୟାସ ବୁକିଂ ର ଦୀର୍ଘଦିନ ବିତିଯାଉଥିଲେ ମଧ୍ୟ ବହୁ ଗ୍ରାହକଙ୍କ ମୋବାଇଲକୁ ଓଟିପି ଆସୁନଥିବା ଅଭିଯୋଗ ହୋଇଛି।ଗ୍ୟାସ ସିଲିଣ୍ଡର ଟିଏ ପାଇବା ପାଇଁ ବହୁସଂଖ୍ୟକ ଖାଉଟି  ବିତରକଙ୍କ କାର୍ଯ୍ୟାଳୟ ଆଗରେ ପ୍ରତିଦିନ ଘଣ୍ଟା ଘଣ୍ଟା ଧରି ଅପେକ୍ଷା କରୁଥିବା ଦେଖିବାକୁ ମିଳୁଛି ।

ଘରୋଇ ଗ୍ୟାସ ସିଲିଣ୍ଡର ଯୋଗାଣରେ ସମସ୍ୟା ରହୁଥିବା ଯୋଗୁଁ ଏବେ ବ୍ୟାପକ କଳାବଜାର ହେଉଛି । ସିଲିଣ୍ଡର ପିଛା ସରକାରୀ ଦର ୯୬୦.୫୦ ପଇସା ଥିବାବେଳେ ବିଶେଷ କରି ଦିଗପହଣ୍ଡି ବଜାର, ବସଷ୍ଟାଣ୍ଡ, ପୁଞ୍ଜିକଂୟା ଛକ ସମେତ ପଦ୍ମନାଭପୁର, ଭୀଷ୍ମଗିରି, ଗୋକର୍ଣ୍ଣପୁର, ଡେଙ୍ଗାଓସ୍ତା, ପାଟପୁର, ପୋଡ଼ାମାରି ଅଞ୍ଚଳରେ ଗ୍ୟାସ ସିଲିଣ୍ଡର ୨୦୦୦ ଟଙ୍କା  ସ୍ଥଳ ବିଶେଷରେ ୨୫୦୦  ଟଙ୍କା ମୂଲ୍ୟରେ କଳାବଜାରରେ ବିକ୍ରି କରାଯାଉଛି।ବ୍ୟବସାୟିକ ସିଲିଣ୍ଡର ଯୋଗାଣରେ କଟକଣା ହେବାପରେ ହୋଟେଲ ମାଲିକ ଓ ଫାଷ୍ଟଫୁଡ୍ ବ୍ୟବସାୟୀମାନେ ଅନ୍ୟ ଉପାୟ ନପାଇ ଘରୋଇ ଗ୍ୟାସ ସିଲିଣ୍ଡର ୮୦୦ ରୁ ୧୦୦୦ ଟଙ୍କା ଅଧିକା ଦେଇ କିଣିବାକୁ ବାଧ୍ୟ ହେଉଛନ୍ତି। ଗ୍ୟାସ ସିଲିଣ୍ଡର ଆବଶ୍ୟକ ସମୟରେ ମିଳୁନଥିବାରୁ ଏହାର ସୁଯୋଗ ନେଇ ଗ୍ୟାସ ବିତରକ ସଂସ୍ଥା ଓ କିଛି ନିର୍ଦ୍ଦିଷ୍ଟ ବ୍ୟକ୍ତି ବ୍ୟାପକ କଳାବଜାର ଆରମ୍ଭ କରିଦେଇଛନ୍ତି ବୋଲି ଫାସିବନ୍ଧ ଗାଁର ଜଣେ ଖାଉଟି ସୁଦାମ ଗୌଡ଼ ଅଭିଯୋଗ କରିଛନ୍ତି ।

ଦିଗପହଣ୍ଡି ଅଞ୍ଚଳ ନିମନ୍ତେ ନିଯୁକ୍ତ ଗ୍ୟାସ ସିଲିଣ୍ଡର ବିତରକ ସଂସ୍ଥା ଆର.ସି ଭାରତ ଗ୍ୟାସ ଏଜେନସି ମାଲିକ ଅଶୋକ କୁମାର ସାହୁଙ୍କୁ ପଚାରିବାରୁ ସିଲିଣ୍ଡର କଳାବଜାର ଅଭିଯୋଗକୁ ସମ୍ପୂର୍ଣ୍ଣ ଅସ୍ବୀକାର କରିବା ସହ ଖାଉଟିଙ୍କୁ ନିର୍ଦ୍ଧାରିତ ସମୟରେ ଗ୍ୟାସ ସିଲିଣ୍ଡର ବିତରଣ କରାଯାଉଛି । ଡ଼ିପୋରୁ ଦିଗପହଣ୍ଡିକୁ ସିଲିଣ୍ଡର ଆସିବାରେ ବିଳମ୍ବ ହେଉଥିବା କାରଣରୁ କିଛି ସମସ୍ୟା ରହୁଥିବା ସେ ସ୍ୱୀକାର କରିଛନ୍ତି । ଦିଗପହଣ୍ଡି ଅଞ୍ଚଳର ଖାଉଟିଙ୍କୁ ପ୍ରତି ମାସରେ ପ୍ରାୟ ୨୦ ହଜାର ସିଲିଣ୍ଡର ଆବଶ୍ୟକ ଥିବା ବେଳେ ବର୍ତ୍ତମାନ ୯ ହଜାର ସିଲିଣ୍ଡର ଆସୁଛି । ପ୍ରତିଦିନ ୫ ଶହ ସିଲିଣ୍ଡର ଆବଶ୍ୟକ ଥିବା ବେଳେ ଆସୁଛି ମାତ୍ର ୩ ଶହ ସିଲିଣ୍ଡର । ପୂର୍ବରୁ ଅନେକ ଖାଉଟି ଗ୍ୟାସ ନେଉନଥିବା ବେଳେ ଗତ ପ୍ରାୟ ୧ ମାସ ମଧ୍ୟରେ ୮୦ ପ୍ରତିଶତ ଖାଉଟି ଆକସ୍ମିକ ଭାବେ ଗ୍ୟାସ ପାଇଁ ବୁକିଂ କରୁଛନ୍ତି । ଅନେକ ଖାଉଟିଙ୍କ କେୱାଇସି ନଥିବା ବେଳେ ଏବେ ସେମାନେ କେୱାଇସି ପାଇଁ ଲମ୍ବା ଲାଇନ୍ ଲଗାଉଛନ୍ତି। ଆମେ ସେମାନଙ୍କ ପାଇଁ କେୱାଇସି ଅପଡେଟ୍ କରୁଛୁ ବୋଲି ସେ କହିଛନ୍ତି । ଏନେଇ  ଦିଗପହଣ୍ଡି ତହସିଲଦାର ସନ୍ତୋଷ କୁମାର ସାହୁଙ୍କୁ ପଚାରିବାରୁ ସେ ଗ୍ୟାସ କଳାବଜାର ନେଇ ସେ ବ୍ରହ୍ମପୁର ଉପ ଜିଲାପାଳଙ୍କୁ ଏନେଇ ଅବଗତ କରିବେ ବୋଲି କହିଛନ୍ତି।  ଯୋଗାଣ ବିଭାଗ ବ୍ଲକ ମାର୍କେଟିଂ ଇନ୍ସପେକ୍ଟର ବ୍ରଜେଶ୍ୱର ରାୟଙ୍କୁ ପଚାରିବାରୁ ନିର୍ଦ୍ଦିଷ୍ଟ ଅଭିଯୋଗ ମିଳିଲେ ଚଢାଉ କରାଯାଇ କଳାବଜାରୀଙ୍କ ବିରୋଧରେ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।

 

Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

ଡିସେମ୍ବର ୩ରେ ଦେଶବ୍ୟାପୀ ଧର୍ମଘଟ ଚେତାବନୀ; ୨.୫ ଲକ୍ଷ କର୍ମଚାରୀ…

ନୂଆଦିଲ୍ଲୀ,୨୦।୧୧(ପି.ଟି.): ଆଇଡିବିଆଇ ବ୍ୟାଙ୍କର ୬୦ ପ୍ରତିଶତ ଅଂଶଧନ କାନାଡାର ‘ଫେୟାରଫାକ୍ସ ଫାଇନାନ୍ସିଆଲ ହୋଲ୍ଡିଂସ’କୁ ବିକ୍ରି କରିଦେବା ଲାଗି କେନ୍ଦ୍ରର ପ୍ରସ୍ତାବକୁ ସମ୍ପୃକ୍ତ ବ୍ୟାଙ୍କ କର୍ମଚାରୀ ଓ ସଂଘ…

ଜଙ୍ଗଲରୁ ମିଳିଲା ହାତୀଛୁଆର ମୃତଦେହ, ଆଭ୍ୟନ୍ତରୀଣ କନ୍ଦଳରୁ…

ରିଆମାଳ,୨୦ା୧୧(ବଦ୍ରି ନାରାୟଣ ଅଗ୍ରଓ୍ବାଲ): ଦେବଗଡ଼ ଜିଲା ରିଆମାଳ ବନାଞ୍ଚଳ ରେଙ୍ଗାଳବଡ଼ା ଫରେଷ୍ଟ ସେକ୍ସନ ଅନ୍ତର୍ଗତ ଗଦଗଦା ଗ୍ରାମ ନିକଟସ୍ଥ ରମ୍ଭା ଦେବୀ ସଂରକ୍ଷିତ ଜଙ୍ଗଲରୁ ଶୁକ୍ରବାର ଏକ…

ସନ୍ୟାସ ନେବା ପରେ ପତ୍ନୀଙ୍କ ସହ ଏମିତି ଟାଇମ ସ୍ପେଣ୍ଡ କରୁଛନ୍ତି ଏମଏସ ଧୋନୀ!

ନୂଆଦିଲ୍ଲୀ,୨୦।୧୧: ପୂର୍ବତନ ଭାରତୀୟ ଅଧିନାୟକ ଏମ ଏସ ଧୋନୀଙ୍କ ପତ୍ନୀ ସାକ୍ଷୀ ଇନଷ୍ଟାଗ୍ରାମରେ ତାଙ୍କ ଜନ୍ମଦିନ ପାଳନର କିଛି ଫଟୋ ଏବଂ ଏକ ଭିଡିଓ ଶେୟାର କରିଛନ୍ତି।…

ସୁନାର ଫସଲ ଉଜୁଡି ଯିବା ଆଶଙ୍କାରେ ଚାଷୀ ଆତଙ୍କିତ, ଘାରିଛି ଋଣ ଚିନ୍ତା

ପଟ୍ଟାମୁଣ୍ଡାଇ,୨୦ା୧୧(କଳ୍ପତରୁ ନାୟକ): ସାମୁଦ୍ରିକ ଝଡ଼ ଅକ୍ୱାନ ପ୍ରଭାବରେ କେନ୍ଦ୍ରାପଡ଼ା ଜିଲାରେ ଗୁରୁବାର ବର୍ଷା ଓ ପବନ ଆରମ୍ଭ ହୋଇଛି। ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ…

କ୍ରିକେଟପ୍ରେମୀଙ୍କ ପାଇଁ ବଡ଼ ଖବର: ୨୦୨୭ ବିଶ୍ୱକପ ଖେଳିବେ ନା ନାହିଁ ରୋହିତ-ବିରାଟ, ଶେଷରେ BCCI ଦେଲା ବଡ଼ ବୟାନ

ନୂଆଦିଲ୍ଲୀ, ୨୦।୧୧: ୨୦୨୭ରେ ଆୟୋଜିତ ହେବ ଦିନିକିଆ ବିଶ୍ୱକପ। ଏହି ବଡ଼ ଟୁର୍ନାମେଣ୍ଟରେ ରୋହିତ ଶର୍ମା ଓ ବିରାଟ କୋହଲି ଖେଳିବାକୁ ନେଇ ଦୀର୍ଘଦିନ ଧରି ସସ୍‌ପେନ୍ସ…

ମାଣ୍ଡୁବାଡ଼ିରେ ପାଣି ପାଇଁ ଉତ୍ତେଜନା: କୂଅରେ କୁକୁର ମୃତଦେହ ଫିଙ୍ଗିଦେଲେ ଦୁର୍ବୃତ୍ତ

ଦାରିଙ୍ଗବାଡ଼ି,୨୦।୧୧(ଅରୁଣ ସାହୁ): ଗୋଟିଏ ପଟେ ବାତ୍ୟା ‘ଅକ୍ୱାନ’କୁ ନେଇ ଅଞ୍ଚଳବାସୀଙ୍କ ଚିନ୍ତା ବଢ଼ିଥିବା ବେଳେ ଅନ୍ୟପଟେ ପିଇବା ପାଣି କୂଅରେ କୁକୁରର ମୃତଦେହ ଫିଙ୍ଗିଦେବା ଘଟଣାକୁ ନେଇ…

EPFOକୁ ବଡ଼ ଝଟ୍‌କା: ବୁଡ଼ିଗଲା ୧,୮୦୦ କୋଟିରୁ ଅଧିକ ଟଙ୍କା!

ନୂଆଦିଲ୍ଲୀ, ୨୦।୧୧: ଦେଶର କୋଟି କୋଟି ଚାକିରିଆଙ୍କ କଷ୍ଟ ଅର୍ଜିତ ଟଙ୍କାର ଦାୟିତ୍ୱ ବହନ କରୁଥିବା କର୍ମଚାରୀ ଭବିଷ୍ୟନିଧି ସଂଗଠନ (EPFO)କୁ ଲାଗିଛି ବଡ଼ ଝଟ୍‌କା। ରିଲାଏନ୍ସ…

ନିଖୋଜ ସନ୍ତୋଷଙ୍କ ମିଳିଲା ମୃତଦେହ: ଖେଳିଗଲା ଶୋକର ଛାୟା

ଗୁଡାରି,୨୦।୧୧(ପ୍ରମୋଦ କୁମାର ପତି): ଗତ ୧୮ ତାରିଖ ଅପରାହ୍ନରୁ ନିଖୋଜ ଥିବା ଗୁଡାରି ବ୍ଲକ ଅନ୍ତର୍ଗତ ଏମ କେ ରାଇ ଗ୍ରାମପଞ୍ଚାୟତର ମେରିଆପାଙ୍ଗା ଗ୍ରାମର ଯୁବକ ସନ୍ତୋଷ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?