ଆଜିକାଲି ଲୋକମାନେ ସେମାନଙ୍କର ଦୁଃସାହସିକ ଭିଡିଓ ସୋସିଆଲ ମିଡିଆରେ ପୋଷ୍ଟ କରିବାକୁ ବହୁତ ପସନ୍ଦ କରୁଛନ୍ତି। ଇନ୍ଷ୍ଟାଗ୍ରାମ ଏବଂ ୟୁଟ୍ୟୁବ୍ରେ ଏହିପରି ଅନେକ ଭିଡିଓ ଦେଖିଥିବେ ନିଶ୍ଚିତ। ଯେଉଁଥିରେ ଲୋକମାନେ ଆଶ୍ଚର୍ଯ୍ୟଜନକ ଷ୍ଟଣ୍ଟ୍ ଦେଖାଇଥାନ୍ତି। ଜଣେ ମହିଳା ଠିକ୍ ଏମିତି ଏକ ଦୁଃସାହସିକ କାର୍ଯ୍ୟ କରିବାକୁ ଚେଷ୍ଟା କରିଥିଲେ, କିନ୍ତୁ ତାଙ୍କ ସହ ଏକ ବଡ଼ ଦୁର୍ଘଟଣା ଘଟିଥିଲା। ଜାଣନ୍ତୁ ଏ ସମ୍ପର୍କରେ…
ଏରିନ ଲାଙ୍ଗଓ୍ବର୍ଥୀ ନାମକ ଜଣେ ମହିଳା ଫିଲ୍ମ ଦୃଶ୍ୟ ପରି ଉଚ୍ଚ ବ୍ରିଜ୍ରୁ ପୁଲ୍କୁ ଡେଇଁଥିଲେ। ପରବର୍ତ୍ତୀ ମୁହୂର୍ତ୍ତରେ ତାଙ୍କ ସହିତ କ’ଣ ଘଟିବ ସେ ସମ୍ପୂର୍ଣ୍ଣ ଭାବେ ଜାଣି ନ ଥିଲେ। ଏରିନ୍ ଏକ ଦଉଡ଼ି ବାନ୍ଧି ବ୍ରିଜ୍ ଉପରୁ ପୁଲ୍କୁ ଡେଉଁଥିଲେ। ଦଉଡ଼ିଟି ଛିଡ଼ିଯିବାରୁ ସେ ସିଧା ଯାଇ ଜାମ୍ବେଜୀ ନଦୀରେ ପଡ଼ିଗଲେ। ତାଙ୍କ କ୍ୟାମେରାରେ ଏମିତି କିଛି ରେକର୍ଡ ହୋଇଛି, ସେଠାରେ ଉପସ୍ଥିତ ଲୋକମାନେ ଏହି ଘଟଣା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି।
କାରଣ ନଦୀରେ କୁମ୍ଭୀରମାନେ ରହୁଥିଲେ। ଲୋକେ ଭାବିଥିଲେ ଏରିନ ଆଉ କୁମ୍ଭୀର ମୁହଁରୁ ବଞ୍ଚି ନ ଥିବେ। ମାତ୍ର ଏହା ଈଶ୍ବରଙ୍କ ଚମତ୍କାରିତା ଥିଲା। ଏରିନ ଏହି ଦୁର୍ଘଟଣାରୁ ବଞ୍ଚିଯାଇଥିଲେ। ସେ ଏକ ସାକ୍ଷାତକାରରେ କହିଛନ୍ତି, ଦୁର୍ଘଟଣାର ଗୋଟିଏ ଦିନ ପୂର୍ବରୁ ସେ ତାଙ୍କ ମୃତ୍ୟୁକୁ ନେଇ ଥଟ୍ଟା କରୁଥିଲେ। ସେଦିନ କିନ୍ତୁ ସେ ପ୍ରକୃତ ମୃତ୍ୟୁକୁ ଦେଖିଥିଲେ। ତେବେ କିଛି ସମୟ ପରେ ଲୋକମାନେ ତାଙ୍କୁ ଉଦ୍ଧାର କରିବାକୁ ଆସିଥିଲେ। ଫଳରେ ତାଙ୍କ ଜୀବନ ରକ୍ଷା ହୋଇଗଲା ବୋଲି ଏହି ସାକ୍ଷାତକାରରେ କହିଛନ୍ତି।
