କୋଲକାତା,୬।୭: ପଶ୍ଚିମବଙ୍ଗର କୃଷ୍ଣନଗରର ଏମ୍ପି ମହୁଆ ମୋଇତ୍ରା ନିଜ ଦଳ ତୃଣମୂଳ କଂଗ୍ରେସ(ଟିଏମ୍ସି)ର ଟୁଇଟର ହ୍ୟାଣ୍ଡେଲକୁ ଅନ୍ଫଲୋ କରିଛନ୍ତି। ସୂଚନାଯୋଗ୍ୟ, ମହୁଆ ମା’ କାଳୀଙ୍କ ଉପରେ ଏକ ବୟାନ ଦେଇଥିଲେ। ଏହା ପରେ ଦଳ ତାଙ୍କ ବୟାନରୁ ନିଜକୁ ଦୂରେଇ ରଖିଥିଲା। ଅନ୍ୟପଟ ମହୁଆ ଏବେ ବି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଫଲୋ କରୁଛନ୍ତି। ସୂଚନା ମୁତାବକ, ଡକ୍ୟୁମେଣ୍ଟାରୀ ଫିଲ୍ମ ‘କାଳୀ’ର ପୋଷ୍ଟରକୁ ନେଇ ଦେଶରେ ବିବାଦ ଜାରି ରହିଛି। ଏଥିରେ ମା’ କାଲୀଙ୍କୁ ସିଗାରେଟ୍ ଟାଣୁଥିବାର ଦେଖିବାକୁ ମିଳିଛି। ଏଥିସହ ଆଉ ଗୋଟିଏ ହାତରେ ଏଲ୍ଜିବିଟି ସମ୍ପ୍ରଦାୟର ଏକ ପତାକା ଧରିଥିବା ନଜର ଆସିଛି। ଏହି ଡକ୍ୟୁମେଣ୍ଟାରୀ ଫିଲ୍ମର ନିର୍ମାତା ହେଉଛନ୍ତି ଲୀନା ମଣିମେକଲଇ।
