ନିରାକାରପୁର,୬ା୬(ଡି.ଏନ୍.ଏ.): ପୁଣିଥରେ କୋଇଲା ନିଆଁ ଲାଗିଛି। ଖବର ପାଇଁ ନିଆଁକୁ ଆୟତ୍ତ କରିଛି ଟାଙ୍ଗୀ ଅଗ୍ନିଶମ ବାହିନୀ।
ସୂଚନା ଥାଉକି, ପୂର୍ବତଟ ରେଳବାଇ କାଳୁପଡ଼ା ଘାଟ ରେଳ ଷ୍ଟେଶନର ୪ ନମ୍ବର ଟ୍ରାକ୍ରେ ରଖାଯାଇଥିବା କୋଇଲା ବୋଝେଇ ମାଲଗାଡ଼ିର ଏକ ବଗିରେ ନିଆଁ ଲାଗି ଯାଇଥିଲା। ପ୍ରବଳ ଗ୍ରୀଷ୍ମପ୍ରବାହ ଯୋଗୁ କୋଇଲା ବଗିରେ ନିଆଁ ଲାଗୁଥିବା ଅଭିଯୋଗ ହେଉଛି। ଦୀର୍ଘଦିନ ହେବ ମାଲଗାଡ଼ିଟି ୪ ନମ୍ବର ଟ୍ରାକ୍ରେ ଅଟକି ରହିଥିବା ବେଳେ ଆକସ୍ମିକ ଗୋଟିଏ ପରେ ଗୋଟିଏ ବଗି ନିଆଁ ଲାଗୁଥିବା ଅଞ୍ଚଳବାସୀ କହିଛନ୍ତି। ଅପରପକ୍ଷରେ ଅଞ୍ଚଳବାସୀ ଅଭିଯୋଗ କରିଛନ୍ତି, ଏଠାରେ ବିଭିନ୍ନ ସମୟରେ ରେଳ ଲାଇନ୍ ଉପରେ ମାଲଗାଡ଼ି ଏବଂ ଯାତ୍ରୀବାହୀ ଗାଡ଼ି ମାସ ମାସ ଧରି ଅଟକି ରହୁଛି। ଏ ଅଗ୍ନିକାଣ୍ଡକୁ ବୁଦ୍ଧିଜୀବୀ ମହଲରେ ନିନ୍ଦା କରିବା ସହ ବାରମ୍ବାର ନିଆଁ ଲାଗିବା ରେଳବାଇ ଅବହେଳା ଯୋଗୁ ହେଉଛି। ଏହି ଅଗ୍ନିକାଣ୍ଡ ପ୍ରାକୃତିକ କି ମନୁଷ୍ୟକୃତ ଉଚ୍ଚସ୍ତରୀୟ ତଦନ୍ତ କରାଗଲେ ପ୍ରକୃତ ସତ୍ୟାସତ୍ୟ ଜଣାପଡ଼ନ୍ତା ବୋଲି ସ୍ଥାନୀୟ ବାସିନ୍ଦା କହିଛନ୍ତି।
