କଟକ,୪।୩: ଚଣ୍ଡିଗଡ ଏବଂ ବଙ୍ଗଳା ମଧ୍ୟରେ କଟକ ବାରବାଟୀ ଷ୍ଟାଡିୟମରେ ଖେଳାଯାଉଥିବା ରଣଜୀ ଟ୍ରଫି ମ୍ୟାଚ୍ରେ ଅର୍ଦ୍ଧଶତକ ହାସଲ କରିଛନ୍ତି ପଶ୍ଚିମବଙ୍ଗ କ୍ରୀଡା ମନ୍ତ୍ରୀ ମନୋଜ ତିଓ୍ବାରୀ। ମନୋଜ ୯୯ ବଲରେ ୫୩ ରନର ଏକ ଇନିଂସ ଖେଳିଥିଲେ। ଏହି ସମୟ ମଧ୍ୟରେ ସେ ୪ ଚୌକା ଓ ଗୋଟିଏ ଛକା ମାରିଥିଲେ। ୪୨ ରନ ସ୍କୋର କରିବା ପରେ ତିୱାରୀ ପ୍ରଥମ ଦିନରେ ଅପରାଜିତ ରହିଥିଲେ।
ଖେଳର ଦ୍ୱିତୀୟ ଦିନରେ ଚଣ୍ଡିଗଡ଼ ଏକ ଭଲ ଆରମ୍ଭ କରିଛି। ଜଗଜିତ୍ ସିଂ ସାନ୍ଧୁ ମନୋଜ ତିୱାରୀଙ୍କୁ ଆଉଟ୍ କରି ବଙ୍ଗଳାକୁ ସପ୍ତମ ଝଟକା ଦେଇଛନ୍ତି। ପ୍ରଥମ ଦିନ ବଙ୍ଗଳା ୬ ଉଇକେଟ୍ ହରାଇ ୩୨୯ ରନ୍ ସଂଗ୍ରହ କରିଥିଲା। ଦଳ ପକ୍ଷରୁ ଅଭିମନ୍ୟୁ ଇଶ୍ୱରନ୍ ଶତକ ଏବଂ ଅନୁସ୍ତୁପ ମଜୁମଦାର ଅର୍ଦ୍ଧଶତକ ହାସଲ କରିଥିଲେ।
