ପ୍ରତିବର୍ଷ ଶିକାରୀଙ୍କ ଦ୍ୱାରା ହଜାର ହଜାର ସଂଖ୍ୟାର ହାତୀ ଜୀବନ ହରାଉଛନ୍ତି। ଫଳରେ ହାତୀଙ୍କ ସଂଖ୍ୟା କମିବାରେ ଲାଗିଛି। ଏହାକୁ ନଜରରେ ରଖି ଆମେରିକାର ଓ୍ବାଇଲ୍ଡ ଲାଇଫ କଞ୍ଜରଭେସନ ସୋସାଇଟି ହାତୀଙ୍କୁ ସମ୍ମାନ ଦେବା ତଥା ଏହି ସମସ୍ୟାକୁ ଲୋକଲୋଚନକୁ ଆଣିବା ପାଇଁ ଏକ ଅଭିନବ ଉପାୟ ଆପଣେଇ କାଗଜ ହାତୀ ତିଆରି କାର୍ଯ୍ୟକ୍ରମ ଆୟୋଜନ କରିଥିଲେ। ପୃଥିବୀର ବିଭିନ୍ନ ସ୍ଥାନରୁ ପ୍ରତିଯୋଗୀ ଆସି ଏଥିରେ ଅଂଶ ଗ୍ରହଣ କରି କାଗଜର ହାତୀ ତିଆରି କରିଥିଲେ। ଫଳରେ କାଗଜ ହାତୀର ଏକ ବିରାଟ ସଂଗ୍ରହ ହୋଇପାରିଥିଲା। ବ୍ରୋଙ୍କସ୍ ଚିଡିଆଖାନାରେ ଆୟୋଜିତ ହୋଇଥିବା ଏହି କାର୍ଯ୍ୟକ୍ରମରେ ୭୮, ୫୬୪ଟି ରଙ୍ଗ ବିରଙ୍ଗର କାଗଜର ହାତୀ ତିଆରି ହୋଇଥିଲା। ଆମେରିକାର ୫୦ ରାଜ୍ୟ ସହ ଆହୁରି ୪୦ଟି ଦେଶର ଲୋକ ଏଥିରେ ସାମିଲ ହୋଇ କାଗଜ ହାତୀ ତିଆରି କରିଥିଲେ। ଫଳରେ ଏହା ଗିନିଜ୍ ଓ୍ବାର୍ଲଡ ରେକର୍ଡସ୍ରେ ସବୁଠାରୁ ବଡ କାଗଜ ହାତୀ ସଂଗ୍ରହଭାବେ ସ୍ଥାନ ପାଇଲା।
