ସାଧାରଣତଃ ପିଲାଟିଏ ଜନ୍ମ ହେଲେ ପରିବାର ଲୋକେ ନାମକରଣ କରିଥାନ୍ତି। ଏଥିରୁ କେତେକ ନାଁ କୌତୂହଳ ସୃଷ୍ଟି କରିଥାଏ। ଏବେ ଇଣ୍ଡୋନେସିଆରେ ରହୁଥିବା ଜଣେ ନାବାଳକଙ୍କ ନାଁ ଶୁଣିଲେ ହସି ହସି ରହିବେ। ଏହି ନାଁକୁ ନେଇ ଚାରିଆଡ଼େ ଚର୍ଚ୍ଚା। ପିଲାଟିର ନାଁ ABCDEF GHIJK Zuzu(ଏବିସିଡିଇଏଫ୍ଜିଏଚ୍ଆଇଜେକେ ଜୁଜୁ)। ଏପରି ନାଁ ବିଷୟରେ ଜଣାପଡ଼ିଲା ଯେତେବେଳେ ସ୍ଥାନୀୟ ପୋଲିସ ଭ୍ୟାକ୍ସିନେଶନ ପାଇଁ ଅଭିଯାନ ଆରମ୍ଭ କରିଥିଲା। ଏଥିରେ ଏହି ନାବାଳକ ଜଣକ ସାମିଲ ଥିଲେ। ତାଙ୍କର ବୟସ ୧୨ ବର୍ଷ।
ଏକ ରିପୋର୍ଟ ଅନୁଯାୟୀ, ଟିକାକରଣ ସମୟରେ ଅନ୍ୟ ଛାତ୍ରମାନଙ୍କର ନଜର ଏହି ଛାତ୍ରଙ୍କ ପଡ଼ିଥିଲା। ପୋଲିସ କର୍ମଚାରୀ ନାବାଳକର ଟିକାକରଣ ଭିଡିଓ କ୍ଲିପ୍ ରେକର୍ଡ କରିଥିଲେ। ଆରମ୍ଭରେ ସ୍ବାସ୍ଥ୍ୟକର୍ମୀଙ୍କୁ ଲାଗିଥିଲା କି ମଜାରେ ଏପରି କହୁଛନ୍ତି ମାତ୍ର ତାଙ୍କର ହସ୍ପିଟାଲ ପରିଚୟ ପତ୍ର ଦେଖିବାରୁ ଜଣାପଡ଼ିଥିଲା ଏହା ତାଙ୍କର ପ୍ରକୃତ ନାମ।
ଜୁଜୁଙ୍କ ପିତା ଜୁଲ୍ଫାମି କହିଛନ୍ତି, ତାଙ୍କ ପୁଅ ଜନ୍ମ ହେବାରୁ ୬ ବର୍ଷ ଆଗରୁ ସେ ଏପରି ନାଁ ରଖିବେ ବୋଲି ନିଷ୍ପତ୍ତି ନେଇଥିଲେ। କାରଣ ତାଙ୍କୁ ପଜଲସ ବହୁତ ଭଲ ଲାଗେ। ଏହି କାରଣରୁ ସେ ତାଙ୍କ ପୁଅର ନାମ ABCDEF GHIJK Zuzu ରଖିଲେ। ସେ କହିଛନ୍ତି, ସାଧାରଣ ଭାବରେ ତାଙ୍କ ପୁଅକୁ ଏଡିଇଫ୍ ଡାକନ୍ତି।
ଜୁଜୁ କୁହନ୍ତି, ତାଙ୍କର ଏପରି ଅସାଧାରଣ ନାମକୁ ନେଇ ଅନେକ ସମୟରେ ଲାଜ ଲାଗେ। ଅନ୍ୟ ଛାତ୍ରମାନେ ତାଙ୍କୁ ଚିଡ଼ାନ୍ତି ବି। କିନ୍ତୁ ଏବେ ସେ ତାଙ୍କ ନାଁକୁ ନେଇ ଗର୍ବ କରନ୍ତି। ଖାଲି ଏତିକି ନୁହେଁ ଜୁଲଫାମି କୁହନ୍ତି, ତାଙ୍କ ଅନ୍ୟ ପିଲାଙ୍କ ନାମ NOPQ RSTUV ଏବଂ XYZ ରଖିବେ ବୋଲି ଭାବିଥିଲେ। କିନ୍ତୁ ପରିବାର ଲୋକ ଏଥିରେ ରାଜି ହୋଇ ନ ଥିଲେ।
