ଶ୍ରୀନଗର,୭।୧୦: ଜମ୍ମୁ-କଶ୍ମୀରର ଶ୍ରୀନଗରର ଇଦ୍ଗାହ ଅଞ୍ଚଳରେ ଥିବା ଏକ ସ୍କୁଲରେ ଆତଙ୍କବାଦୀମାନେ ଆକ୍ରମଣ କରିଛନ୍ତି। ଆତଙ୍କବାଦୀମାନେ ଗୁଳି କରି ୨ ଶିକ୍ଷକଙ୍କୁ ହତ୍ୟା କରିଛନ୍ତି। ମୃତକଙ୍କ ମଧ୍ୟରେ ସ୍କୁଲର ପ୍ରିନ୍ସପଲ ଶିକ୍ଷୟିତ୍ରୀ ସତିନ୍ଦର କୌର ଏବଂ ଶିକ୍ଷକ ଦୀପକ ଚାନ୍ଦ ରହିଛନ୍ତି।
ସ୍ଥାନୀୟ ସରକାରୀ ହାୟର ସେକେଣ୍ଡାରୀ ସ୍କୁଲରେ ୨-୩ ଜଣ ଆତଙ୍କବାଦୀ ପ୍ରବେଶ କରି ପ୍ରିନ୍ସପଲ ଏବଂ ଶିକ୍ଷକଙ୍କୁ ଅତି ନିକଟରୁ ମୁଣ୍ଡକୁ ଗୁଳି କରିଛନ୍ତି। ଏହା ଏକ ଟାର୍ଗେଟ୍ କିଲିଂ ବୋଲି ପୋଲିସ ପକ୍ଷରୁ କୁହାଯାଉଛି। ଗୁଳି କରିବା ପରେ ଆତଙ୍କବାଦୀମାନେ ଫେରାର ହୋଇ ଯାଇଥିଲେ। ଆତଙ୍କବାଦୀଙ୍କ ସନ୍ଧାନରେ ଘେରାବନ୍ଦୀ କରାଯାଇ ସମ୍ପୃକ୍ତ ଅଞ୍ଚଳରେ ସର୍ଚ୍ଚ ଅପରେଶନ ଜାରି ରହିଛି।
