ଟେକ୍ନୋଲୋଜି କ୍ଷେତ୍ରରେ ଆଜି ବିଶ୍ୱ ବହୁ ଆଗକୁ ଯାଇଛି। ଯଦିଓ ବୈଜ୍ଞାନିକମାନେ ପ୍ରଯୁକ୍ତି ବିଦ୍ୟା ସାହାଯ୍ୟରେ ସମ୍ପୂର୍ଣ୍ଣ ମଣିଷ ତିଆରି କରିପାରି ନାହାନ୍ତି ତଥାପି ଅଧା ମଣିଷ ଏବଂ ଅଧା ରୋବଟ ତିଆରି କରିବାରେ ସକ୍ଷମ ହୋଇଛନ୍ତି। ବ୍ରିଟେନର ଜଣେ ବୈଜ୍ଞାନିକ ନିଜକୁ ‘ରୋବଟ ମ୍ୟାନ୍’ରେ ପରିଣତ କରିଛନ୍ତି। ତାଙ୍କୁ ଦୁନିଆର ପ୍ରଥମ ରୋବୋ ମ୍ୟାନ୍ କୁହାଯାଉଛି। ଏହି ବୈଜ୍ଞାନିକଙ୍କୁ ଡକ୍ଟର ପିଟର ସ୍କଟ ମୋର୍ଗାନ ଭାବରେ ଜଣାଶୁଣା। ତାଙ୍କୁ ୬୨ ବର୍ଷ। ସେ ନିଜକୁ ଜୀବିତ ରଖିବା ପାଇଁ ସାରା ବିଶ୍ୱରେ ଏକ ନିଆରା ଉଦାହରଣ ସୃଷ୍ଟି କରିଛନ୍ତି।
ଡକ୍ଟର ପିଟର ସ୍କଟ ମୋର୍ଗାନଙ୍କୁ ମୋଟର ନ୍ୟୁରନ ନାମକ ଏକ ସାଂଘାତିକ ରୋଗ ହୋଇଥିଲା। ଯେଉଁ କାରଣରୁ ତାଙ୍କ ମାଂସପେଶୀ ନଷ୍ଟ ହୋଇଯାଇଥିଲା। ତାଙ୍କ ଶରୀରର ଅଧା ଅଙ୍ଗ କାମ କଲା ନାହିଁ। ପରେ ସେ ବିଜ୍ଞାନକୁ ବ୍ୟବହାର କଲେ ଏବଂ ରୋବେଟିକ୍ସ ବ୍ୟବହାର କରି ତାଙ୍କ ଜୀବନରେ ଏକ ନୂତନ ଦିଗ ଆରମ୍ଭ କଲେ। ବର୍ତ୍ତମାନ ଡକ୍ଟର ପିଟର ମେଶିନ ସାହାଯ୍ୟରେ ତାଙ୍କର ସମସ୍ତ କାର୍ଯ୍ୟ ସହଜରେ କରନ୍ତି। ଯାହା ଜଣେ ସୁସ୍ଥ ବ୍ୟକ୍ତି କରିପାରନ୍ତି।
୨୦୧୭ରେ ଡକ୍ଟର ମୋର୍ଗାନ ଏହି ବିରଳ ମାଂସପେଶୀ ନଷ୍ଟ ରୋଗରେ ଆକ୍ରାନ୍ତ ହୋଇଥିଲେ। ଏହା ପରେ ୨୦୧୯ରେ ସେ ନିଜକୁ ଅଧା ମାନବ ଏବଂ ଅଧା ରୋବଟରେ ପରିଣତ କରିବା ଆରମ୍ଭ କଲେ। ଆଜି ସେ କେବଳ ଜୀବିତ ନୁହନ୍ତି ବରଂ ବିଶ୍ୱ ପାଇଁ ଏକ ଅନନ୍ୟ ଉଦାହରଣ ପାଲଟିଛନ୍ତି। ସେ କୁହନ୍ତି, ମୁଁ ସବୁବେଳେ ବିଶ୍ୱାସ କରୁଥିଲି ଯେ, ଜୀବନରେ ଜ୍ଞାନ ଏବଂ ପ୍ରଯୁକ୍ତିବିଦ୍ୟା ସାହାଯ୍ୟରେ ଅନେକ ଖରାପ ଜିନିଷ ପରିବର୍ତ୍ତନ କରାଯାଇପାରିବ। ଯାହା ଆଜି ସମ୍ଭବ ହୋଇପାରିଛି। ବର୍ତ୍ତମାନ ସେ ଭେଣ୍ଟିଲେଟର ମାଧ୍ୟମରେ ନିଶ୍ୱାସ ନେଉଛନ୍ତି।
