ଭୁବନେଶ୍ୱର,୧୭ା୩(ବ୍ୟୁରୋ): ପ୍ରଧାନମନ୍ତ୍ରୀ ଆବାସ ଯୋଜନାରେ ସହରଞ୍ଚଳରେ ବାସଗୃହ ଯୋଗାଇ ଦେବାକୁ ଚଳିତ ବଜେଟରେ ୩୧୭.୭୬ କୋଟି ଟଙ୍କା ବ୍ୟୟ ବରାଦ କରାଯାଇଛି। ଭାଜପା ସଭ୍ୟ ମୋହନ ଚରଣ ମାଝିଙ୍କ ଏକ ଲିଖିତ ପ୍ରଶ୍ନର ଉତ୍ତରରେ ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ମଙ୍ଗଳବାର ବିଧାନସଭାରେ ଏହି ସୂଚନା ଦେଇଛନ୍ତି। ରାଜ୍ୟରେ ସହରାଞ୍ଚଳରେ ବାସ କରୁଥିବା ଲୋକଙ୍କ ମଧ୍ୟରୁ ୧ ଲକ୍ଷ ୨୪ ହଜାର ୪୧ ଲୋକଙ୍କର ଛାତ ଘର ନାହିଁ। ସେମାନଙ୍କ ମଧ୍ୟରେ ୨୩,୩୪୫ ଅନୁସୂଚୀତ ଜନଜାତି, ୨୨,୨୫୨ ଅନୁସୂଚୀତ ଜାତି ଓ ୩୩,୩୨୭ ଅର୍ଥ ନୈତିକ ଦୁର୍ବଳ ବର୍ଗର ଲୋକ ଅଛନ୍ତି। ୨୦୧୨-୧୩ରୁ ଏ ପର୍ଯ୍ୟନ୍ତ ସ୍ବଳ୍ପ ମୂଲ୍ୟରେ ୭୮,୯୩୮ ବାସଗୃହ ଯୋଗାଇ ଦିଆଯାଇଛି। ସେଥିରୁ ୨୦୦୯ରୁ ୨୦୧୫ ମଧ୍ୟରେ ବେସିକ ସର୍ଭିସ ଟୁ ଅର୍ବାନ ପୋର ଯୋଜନାରେ ୧,୭୭୮ ବାସଗୃହ ଯୋଗାଇ ଦିଆଯାଇଥ୍ତ୍ବା ବେଳେ ସମନ୍ବିତ ଗୃହ ଓ ବସ୍ତି ଉନ୍ନୟନ ଯୋଜନାରେ ୧୧,୨୯୬ , ରାଜୀବ ଅବାସ ଯୋଜନାରେ ୨୦୧୩ରୁ ୪୭୭୩ ଏବଂ ପ୍ରଧାନମନ୍ତ୍ରୀ ଆବାସ ଯୋଜନାରେ ୬୧,୦୯୧ ଗୃହ ଯୋଗାଇ ଦିଆଯାଇଛି।
