କୁନି ଝିଅଟିଏ ବେଡ୍ରେ ଶୋଇଥିଲା। ହଠାତ୍ ରହସ୍ୟମୟ ଭାବେ ସେ ବେଡ୍ ତଳକୁ ଚାଲିଗଲା। ଯାହା ରୁମ୍ରେ ଲାଗିଥିବା ସିସିଟିଭିରେ କଏଦ ହୋଇଛି। ଏହା ଦେଖି ଝିଅଟିର ବାପା ବେହୋସ ହୋଇଗଲେ। ଏବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଲୋକେ କହୁଛନ୍ତି ଏହା ଅଦୃଶ ଶକ୍ତିର କାମ।
ଟିକ୍ଟକ୍ ୟୁଜର @joshdean0222 ଭିଡିଓଟିକୁ ଶେୟାର କରି କ୍ୟାପ୍ଶନ ଲେଖିଛନ୍ତି, ମୋ’ ଝିଅ ବିଛଣା ତଳକୁ ଚାଲିଗଲା। ସ୍ତ୍ରୀଙ୍କୁ ଲାଗିଲା ଝିଅ ବେଡ୍ ତଳକୁ ଚାଲିଯାଉଛି। ଏହି ଘଟଣା ରାତି ୧୧ଟା ୩୭ ମିନିଟ୍ରେ ହୋଇଥିଲା। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ଭିଡିଓରେ ଦେଖିବାକୁ ମିଳିଛି, ଝିଅଟି ବେଡ୍ ତଳକୁ ଚାଲିଯାଉଛି ଆଉ ତା’ ପରେ ଖୁବ୍ ଜୋର୍ରେ କାନ୍ଦୁଛି। କିନ୍ତୁ ତାଙ୍କ କାନ୍ଦ ମା’ ଶୁଣିପାରୁନାହାନ୍ତି। ଭିଡିଓ ପୋଷ୍ଟ ହେବାର କିଛି ସମୟ ମଧ୍ୟରେ ଏହାକୁ ୮୦ ଲକ୍ଷ ଲୋକ ଦେଖିସାରିଲେଣି। ୭.୨୫ ଲକ୍ଷ ଲୋକ ଲାଇକ୍ କରିଥିବା ବେଳେ ୨୬ ହଜାର ଲୋକ କମେଣ୍ଟ କରିଛନ୍ତି।
ସୋସିିଆଲ ମିଡିଆରେ ଲୋକ ପ୍ରତିକ୍ରିୟା ବି ଦେଇଛନ୍ତି। ଜଣେ ୟୁଜର ଲେଖିଛନ୍ତି, ପିଲାଟି ଡରି ଯାଇଛି। ସେଥିପାଇଁ ସେ ବିଛଣାର ଏକ କୋଣକୁ ଚାଲିଯାଇଛି। ଆଉ ଜଣେ ୟୁଜର ଲେଖିଛନ୍ତି ଏମିତି କେବେ ହୋଇପାରିବ ନାହିଁ। ସେହିପରି ଆଉ ଜଣେ ୟୁଜର ଲେଖିଛନ୍ତି ଝିଅର ପାଟି କ’ଣ ତାଙ୍କ ମାଙ୍କୁ ଶୁଭିଲାନି। ମୁଁ ତ ଏ ଭିଡିଓ ଦେଖି ନିଜେ ଡରିଯାଉଛି। ଆଉ କିଛି ୟୁଜର ଲେଖିଛନ୍ତି, ଭୂତପ୍ରେତ କିଛି ନାହାନ୍ତି। ଝିଅଟିର ଖେଳନା ତଳେ ପଡ଼ିଯାଇଥିବାରୁ ସେ ନିଜେ ଚେଷ୍ଟା କରିଛି ଆଣିବା ପାଇଁ । ଆଣି ନ ପାରି ଜୋର୍ରେ କାନ୍ଦିଛି। ଏହା ଏକ ସାଧାରଣ ଘଟଣା।
