ଅଣନିଃଶ୍ୱାସୀ କରୁଛି ଆବର୍ଜନା ବୋଝ

ପୁରୀ ଅଫିସ, ୫ା୬: ବାତ୍ୟା ‘ଫନୀ’ ପରେ ବିଗିଡ଼ିଛି ପୁରୀ ଜିଲାର ପରିମଳ ବ୍ୟବସ୍ଥା। ଜଳ, ବାୟୁ ପ୍ରଦୂଷଣ ମାତ୍ରା ବୃଦ୍ଧି ପାଇଛି। ଆବର୍ଜନା ବୋଝରେ ଅଣନିଃଶ୍ୱାସୀ ହୋଇପଡ଼ିିଛି ପୁରୀ ସହର। ଏବେ ସହରରୁ ପୂର୍ବାପେକ୍ଷା ଦୈନିକ ୧୦ଗୁଣ ଅଧିକ ଆବର୍ଜନା ବାହାରୁଛି। ସେହିପରି ଜଳ ପ୍ରଦୂଷଣ ଯୋଗୁ ବିଭିନ୍ନ ସଂକ୍ରାମକ ରୋଗ ବ୍ୟାପିଲାଣି। କିଛିଦିନ ତଳେ ବଳିଆପଣ୍ଡା ଅଞ୍ଚଳରେ ଝାଡ଼ାବାନ୍ତିରେ ଜଣେ ନାବାଳକଙ୍କ ମୃତ୍ୟୁ ଘଟିଥିବାବେଳେ ଏବେ ବସ୍ତିଅଞ୍ଚଳରେ ଚର୍ମରୋଗ ବ୍ୟାପିଛିି। ଫଳରେ ପ୍ରଦୂଷଣକୁ ନେଇ ସହରବାସୀ ଛାନିଆ ହୋଇପଡ଼ିଛନ୍ତି।
ଇତିମଧ୍ୟରେ ଫନୀକୁ ମାସେ ପୂରିଯାଇଛି। ବାତ୍ୟାରେ ପୁରୀ ଜିଲାରେ ଲକ୍ଷ ଲକ୍ଷ ଗଛ ଏବଂ ଘର ଧରାଶାୟୀ ହୋଇଥିଲା। ଏଥିପାଇଁ ଆବର୍ଜନାର ପରିମାଣ ବୃଦ୍ଧି ପାଇଥିବାବେଳେ ପରିବେଶ ସନ୍ତୁଳନ ହରାଇଛି। ବାଲୁଖଣ୍ଡ ଅଭୟାରଣ୍ୟ ହେଉ କି ଜିଲାର ବିଭିନ୍ନ ସଂରକ୍ଷିତ ଜଙ୍ଗଲ ଯୋଗୁ ଲୋକେ ମୁକ୍ତ ବାୟୁ ଓ ଶୀତଳତା ପାଇ ପାରୁଥିଲେ। ମାତ୍ର ବାତ୍ୟାରେ ବାଲୁଖଣ୍ଡ ଅଭୟାରଣ୍ୟ ଧ୍ୱସ୍ତବିଧ୍ୱସ୍ତ ହୋଇଯାଇଥିବା ବେଳେ ଜିଲାର ପ୍ରାୟ ସବୁ ଅଞ୍ଚଳରେ ଗଛ ଭାଙ୍ଗିପଡ଼ିିଛି। ଏଥିଯୋଗୁ ପୂର୍ବାପେକ୍ଷା ତାପମାତ୍ରା ଓ ଗୁଳୁଗୁଳି ଅସହ୍ୟ ହେଉଛି। ସେହିପରି ପରିବେଶକୁ ଅଧିକ ବିଗାଡୁଛି କୁଢ କୁଢ ଆବର୍ଜନା। ପୁରୀ ସହର କଥା ବିଚାର କଲେ ଆବର୍ଜନା ଏବେ ପୌରସଂସ୍ଥା ପାଇଁ ବୋଝ ପାଲଟିଛି। ଗୋଟିଏ ପଟେ ବାତ୍ୟାରେ କଠିନ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ ଭାଙ୍ଗି ପଡ଼ିିଥିବାବେଳେ ଏପଟେ ସହରରୁ ଦୈନିକ ଶହ ଶହ ଟ୍ରିପ୍‌ ଅଳିଆ ଆବର୍ଜନା ବାହାରୁଛି। ଏହା କେଉଁଠାରେ ଜମା କରାଯିବ ତାହା ଚିନ୍ତାର ବିଷୟ ହୋଇଛି। ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପରେ ପାହାଡ଼ ଉଚ୍ଚର ଆବର୍ଜନା ଜମିଗଲାଣି। ସହରର ଆହୁରି ୩/୪ଟି ଖୋଲା ଜାଗାରେ ଆବର୍ଜନା ଗଦା କରୁଛି ପୌରସଂସ୍ଥା। ଏଗୁଡ଼ିକ ବି ପୂରିଗଲାଣି। ଆଗକୁ ଆହୁରି ଅଧିକ ଅଳିଆ ଆବର୍ଜନା ବାହାରିବାକୁ ଥିବାରୁ ତାହାକୁ ଗଦା କରିବା ଲାଗି ସ୍ଥାନାଭାବ ଦେଖାଦେଇଛି। ଏତେ ପରିମାଣର ଆବର୍ଜନା ପରିବେଶ ପାଇଁ ମାରାତ୍ମକ ହେବ ବୋଲି କୁହାଯାଉଛି।
ପୁରୀ ପୌରସଂସ୍ଥା କାର୍ଯ୍ୟନିର୍ବାହୀ ଅଧିକାରୀ ବିଜୟ କୁମାର ଦାଶଙ୍କ ସୂଚନା ମୁତାବକ, ବାତ୍ୟା ପରେ ସହରରୁ ବହୁ ପରିମାଣରେ ଆବର୍ଜନା ବାହାରୁଛି। ଏହି ମାସକ ମଧ୍ୟରେ ୮,୭୨୮ ଟ୍ରିପ୍‌ ଅର୍ଥାତ୍‌ ୧୭,୪୫୬ ଟନ୍‌ ଅଳିଆ ବାହାରିଛି। ବାତ୍ୟା ପୂର୍ବରୁ ଦୈନିକ ପୁରୀ ସହରରୁ ପ୍ରାୟ ୬୦ ଟନ୍‌ ଆବର୍ଜନା ବାହାରୁଥିବାବେଳେ ବର୍ତ୍ତମାନ ଦୈନିକ ୧୦ଗୁଣ ଅଧିକ ବାହାରୁଛି। ଏହାକୁ ଜମା କରିବା ବଡ଼ ସମସ୍ୟା ହୋଇଛି। କଠିନ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ ବାତ୍ୟାରେ ଭାଙ୍ଗିରୁଜି ଯାଇଛି। ସେଠାରେ ପାହାଡ଼ ଭଳି ଆବର୍ଜନା ଜମିଲାଣି। ସହରର ପ୍ରାୟ ୩/୪ଟି ଜାଗାରେ ଅଳିଆ ଜମା ହେଉଥିଲା। ତାହା ମଧ୍ୟ ପୂର୍ଣ୍ଣ ହୋଇଗଲାଣି। ଦୁଇ ପର୍ଯ୍ୟାୟରେ ସହରର ପ୍ରତ୍ୟେକ ୱାର୍ଡ ଏବଂ ବସ୍ତି ଅଞ୍ଚଳରୁ ଅଳିଆ ବୁହା ସରିଲାଣି। ତଥାପି ଆହୁରି ବାହାରୁଛି। କ୍ଷୟକ୍ଷତି ଆକଳନ ପରେ ଲୋକେ ଘର ସଜାଡ଼ିବାରେ ବ୍ୟସ୍ତ। ତେଣୁ ଆହୁରି ଆବର୍ଜନା ବାହାରିବ। ତାହାକୁ କେଉଁଠାରେ ଜମା କରାଯିବ ସେନେଇ ଚିନ୍ତା ବଢିଲାଣି ବୋଲି ଦାଶ ପ୍ରକାଶ କରିଛନ୍ତି। ପୁରୀର ବିଭିନ୍ନ ଅଞ୍ଚଳରେ ଜଳ ଓ ବାୟୁ ପ୍ରଦୂଷିତ ହେବାରେ ଲାଗିଛି। ବିଭିନ୍ନ ସ୍ଥାନରେ ଜମା ଥିବା ଆବର୍ଜନାକୁ ଲୋକେ ପୋଡ଼ି ଦେଉଛନ୍ତି। ଫଳରେ ପ୍ରବଳ ମାତ୍ରାରେ ନିଅଁା ଓ ଧୂଅଁା ଯୋଗୁ ପରିବେଶ ପ୍ରଦୂଷିତ ହେଉଛି। ସହରରୁ ଟ୍ରାକ୍ଟରରେ ବୁହାହେଉଥିବା ଅଳିଆରେ ବିଭିନ୍ନ ପ୍ରକାର ଲୁହା ସାମଗ୍ରୀ ରହୁଛି। ସେଗୁଡ଼ିକୁ ଉଦ୍ଧାର କରି ବିକିବା ପାଇଁ କେତେଜଣ ବ୍ୟକ୍ତି ଆବର୍ଜନାରେ ନିଆଁ ଲଗାଉଥିବା ପୌରସଂସ୍ଥା ପକ୍ଷରୁ କୁହାଯାଇଛି। ଅନ୍ୟପକ୍ଷେ ଜଳ ପ୍ରଦୂଷଣ ଯୋଗୁ ବଳିଆପଣ୍ଡା ଅଞ୍ଚଳରେ ଚର୍ମରୋଗ ଓ ଝାଡ଼ାବାନ୍ତି ବ୍ୟାପିବାରେ ଲାଗିଛି। ତେଣୁ ଏବେଠୁ ପରିବେଶ ପ୍ରଦୂଷଣ ପ୍ରତି ସତର୍କ ନ ହେଲେ ଆଗକୁ ଜଳ ପ୍ରଦୂଷଣଜନିତ ରୋଗ ଭୟାବହ ପରିସ୍ଥିତି ସୃଷ୍ଟି କରିପାରେ ବୋଲିି ଆଶଙ୍କା ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ଭୁବନେଶ୍ୱରରେ ପହଞ୍ଚିଲେ ମୋଦି

ଭୁବନେଶ୍ୱର,୫।୫: ଅଯୋଧ୍ୟାରୁ ମେଗା ରୋଡ ଶୋ’ କାର୍ଯ୍ୟକ୍ରମ ଶେଷ କରି ରବିବାର ରାତି ପ୍ରାୟ ୧୦ଟା ୪୦ରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର...

ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଘରୁ ମତଦାନ ପ୍ରକ୍ରିୟା ଆରମ୍ଭ

କୋରାପୁଟ,୫।୫(ଅମିତାଭ ବେହେରା): ମେ’ ୧୩ ତାରିଖରେ ରାଜ୍ୟର ପ୍ରଥମ ପର୍ଯ୍ୟାୟ ନିର୍ବାଚନ। ଏନେଇ ରବିବାର ଆରମ୍ଭ ହୋଇଯାଇଛି ହୋମ୍‌ ଭୋଟିଂ ପ୍ରକ୍ରିୟା। ବରିଷ୍ଠ ନାଗରିକ, ଦିବ୍ୟାଙ୍ଗ...

ପାହାଡ଼ରୁ ଖସିଲା ପଥର: ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

କୋରାପୁଟ,୫ା୫(ଅମିତାଭ ବେହେରା ): ଆନ୍ଧ୍ରର ଶିବଲିଙ୍ଗପୁରମ ନିକଟସ୍ଥ ରେଳ ଧାରଣାରେ ପାହାଡ଼ରୁ ପଥର ଖସି ରବିବାର ଭୋର ସମୟରେ ଏକ ମାଲବାହୀ ଟ୍ରେନ୍‌ ଇଞ୍ଜିନ ଲାଇନଚ୍ୟୁତ...

କଂଗ୍ରେସ ପ୍ରାର୍ଥୀଙ୍କ ଉପରକୁ ଆକ୍ରମଣ: ମୁଣ୍ଡ ଫଟେଇଦେଲେ ଦୁର୍ବୃତ୍ତ

ପୁରୀ,୫।୫: ପୁରୀ କଂଗ୍ରେସ ପ୍ରାର୍ଥୀ ଉମାବଲ୍ଲଭ ରଥଙ୍କ ଉପରେ ରବିବାର ଅପରାହ୍ନରେ ଆକ୍ରମଣ ହୋଇଛି। ସେ ବସ୍‌ଷ୍ଟାଣ୍ଡରେ ବୁଲୁଥିବା ବେଳେ କିଛି ଦୁର୍ବୃତ୍ତ ତାଙ୍କୁ ଆକ୍ରମଣ...

କ୍ଷମତାକୁ ଆସିଲେ ସୁଭଦ୍ରା ଯୋଜନା କାର୍ଯ୍ୟକାରୀ କରିବ ଭାଜପା: ଜାଣନ୍ତୁ ଏଥିରେ ମହିଳାଙ୍କୁ କ’ଣ ମିଳିବ ଲାଭ

ଭୁବନେଶ୍ୱର,୫।୫: ରାଜ୍ୟ ଭାଜପାର ନିର୍ବାଚନୀ ଇସ୍ତାହାର ରବିବାର ଉନ୍ମୋଚିତ ହୋଇଛି। ନିର୍ବାଚନୀ ଇସ୍ତାହାରରେ ମହିଳାଙ୍କ ପାଇଁ ବଡ଼ ଘୋଷଣା କରିଛନ୍ତି ଭାଜପା ରାଷ୍ଟ୍ରୀୟ ଅଧ୍ୟକ୍ଷ ନଡ୍ଡା।...

ଭାଜପା ସରକାର ଆସିଲେ ୫୭ ବର୍ଷର କାମ ୫ ବର୍ଷରେ କରିବୁ: ମନମୋହନ

ଭୁବନେଶ୍ୱର,୫।୫: ୨୦୨୪ ନିର୍ବାଚନ ପାଇଁ ରାଜ୍ୟ ଭାଜପାର ନିର୍ବାଚନୀ ଇସ୍ତାହାର ରବିବାର ଉନ୍ମୋଚିତ ହୋଇଯାଇଛି। ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ରାଜ୍ୟ ଭାଜପାର ନିର୍ବାଚନୀ ଇସ୍ତାହାରକୁ...

ଭାଜପାର ବଡ଼ ଘୋଷଣା: ସରକାରକୁ ଆସିଲେ ଖୋଲାଯିବ ରତ୍ନ ଭଣ୍ଡାର

ଭୁବନେଶ୍ୱର,୫।୫: ରାଜ୍ୟ ଭାଜପାର ନିର୍ବାଚନୀ ଇସ୍ତାହାରରେ ଏକ ବଡ଼ ପ୍ରତିଶ୍ରୁତି ଦିଆଯାଇଛି। ଭାଜପା ସରକାରକୁ ଆସିଲେ ରତ୍ନ ଭଣ୍ଡାର ଖୋଲାଯିବ ବୋଲି ଦଳର ରାଷ୍ଟ୍ରୀୟ ସଭାପତି...

ଆଜି ଓଡ଼ିଶା କେବଳ ଜଗନ୍ନାଥଙ୍କ କୃପାରୁ ଚାଲିଛି

ଭୁବନେଶ୍ୱର,୫।୫: ରାଜ୍ୟ ଭାଜପାର ନିର୍ବାଚନୀ ଇସ୍ତାହାର ଉନ୍ମୋଚନ ଅବସରରେ ଜେପି ନଡ୍ଡା ବିଜେଡି ସରକାରଙ୍କୁ ଟାର୍ଗେଟ୍‌ କରିଛନ୍ତି। ସେ କହିଛନ୍ତି, ରାଜ୍ୟରେ ବିକାଶ ବ୍ୟବସ୍ଥା ସଂପୂର୍ଣ୍ଣ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri