ବେଳାଭୂମି ମହୋତ୍ସବରେ ଲାଗିବ ୪୦ ସିିସି କ୍ୟାମେରା

ବ୍ରହ୍ମପୁର,୧୭ା୧୨: ଗଞ୍ଜାମ ଜିଲାର ଲୋକକଳା, ସଂସ୍କୃତି ଓ ପରମ୍ପରାକୁ ପ୍ରାଧାନ୍ୟ ଦେଇ ଗଞ୍ଜାମ ଜିଲା ପ୍ରଶାସନ ପକ୍ଷରୁ ଆସନ୍ତା ୨୪ ତାରିଖରୁ ୨୮ ତାରିଖ ପର୍ଯ୍ୟନ୍ତ ଗୋପାଳପୁର ବେଳାଭୂମି ମହୋତ୍ସବ ଅନୁଷ୍ଠିତ ହେବ। ଏ ନେଇ ଏକ ବୈଠକ ଶୁକ୍ରବାର ସନ୍ଧ୍ୟାରେ ବ୍ରହ୍ମପୁର ଉପଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ମହୋତ୍ସବରେ ସାଂସ୍କୃତିକ କାର୍ଯ୍ୟକ୍ରମଠାରୁ ଆରମ୍ଭ କରି ପାର୍କିଂ, ଖାଦ୍ୟ ଷ୍ଟଲ ସମେତ ପଲିଶ୍ରୀ ମେଳା ସମ୍ପର୍କରେ ସୂଚନା ପ୍ରଦାନ କରାଯାଇଥିଲା। ଜିଲାପାଳ ଦିବ୍ୟଜ୍ୟୋତି ପରିଡା ବୈଠକରେ ଅଧ୍ୟକ୍ଷତା କରିଥିଲେ। ବ୍ରହ୍ମପୁର ଉପଜିଲାପାଳ ଆଶୁତୋଷ କୁଲକର୍ଣ୍ଣୀ ସି, ବିଇଏମ୍‌ସି କମିଶନର ଜେ.ସୋନାଲ ଓ ବ୍ରହ୍ମପୁର ଏସପି ଡା.ଶ୍ରବଣା ବିବେକ ଏମ ଉପସ୍ଥିତ ଥିଲେ। ଚଳିତ ଥର ମହୋତ୍ସବରେ ୨ଟି ସାଂସ୍କୃତିକ ଷ୍ଟେଜ ସହ ପୂର୍ବ ଅପେକ୍ଷା ଚଳିତ ଥର ମହୋତ୍ସବର ପରିସୀମା ବୃଦ୍ଧି କରାଯାଇଥିବା ସୂଚନା ଦିଆଯାଇଛି। ୨ଟି ଯାକ ଷ୍ଟେଜରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ। କରୋନା ମହାମାରୀ କାରଣରୁ ବେଳାଭୂମି ମହୋତ୍ସବ ବନ୍ଦ ରହିଥିଲା। ତେଣୁ ଚଳିତ ଥର ମହୋତ୍ସବରେ ଅଧିକ ସଂଖ୍ୟକ ଲୋକ ଆସିବେ ବୋଲି ଆଶା କରାଯାଉଛି। ଭିଡ ନିୟନ୍ତ୍ରଣ ଲାଗି ଛତ୍ରପୁର ଓ ବ୍ରହ୍ମପୁରରୁ ଆସୁଥିବା ଜନସାଧାରଣଙ୍କ ପାଇଁ ଭିନ୍ନ ଭିନ୍ନ ପାର୍କିଂ ବ୍ୟବସ୍ଥା କରାଯିବ। ଛତ୍ରପୁରରୁ ଆସୁଥିବା ଜନସାଧାରଣଙ୍କ ନିମନ୍ତେ ହରିପୁର ବ୍ରିଜଠାରେ ପାର୍କିଂ ବ୍ୟବସ୍ଥା ଓ ବ୍ରହ୍ମପୁରବାସୀଙ୍କ ପାଇଁ ଷଣ୍ଢ ଛକଠାରେ ପାର୍କିଂ ବ୍ୟବସ୍ଥା କରାଯିବ ବୋଲି ବ୍ରହ୍ମପୁର ଏସପି ସୂଚନା ଦେଇଛନ୍ତି। ମହୋତ୍ସବରେ ୪୦ଟି ସିସିଟିଭି କ୍ୟାମେରା ଖଞ୍ଜାଯିବ ବୋଲି ଜିଲାପାଳ ସୂଚନା ଦେଇଛନ୍ତି। ଏହି ୫ ଦିନିଆ ମହୋତ୍ସବରେ ୨୫୦ଟି ଷ୍ଟଲ ରହିବ। ଯେଉଁଥିରେ ମିଶନ ଶକ୍ତି, ଓରମାସ ଦ୍ୱାରା ଷ୍ଟଲ ମାଧ୍ୟମରେ ହ୍ୟାଣ୍ଡଲୁମ, ହେଣ୍ଡିକ୍ରାଫ୍ଟସ, ଜୁଏଲେରୀ, ମାଣ୍ଡିଆରେ ପ୍ରସ୍ତୁତ ଖାଦ୍ୟ ସାମଗ୍ରୀ, ଧୂପକାଠି ଭଳି ୧୨୦ଟି ଷ୍ଟଲ ରହିବ। ଏଥିସହ କାରପେଟ, ବେଡସିଟ, କାଠ ସାମଗ୍ରୀ ବିକ୍ରି ନିମନ୍ତେ ୪୫ଟି ଷ୍ଟଲ, ବିଭିନ୍ନ ବିଭାଗ ପକ୍ଷରୁ ୫୫ଟି ଷ୍ଟଲ, ୩୦ଟି ଖାଦ୍ୟ ଷ୍ଟଲ ଉପଲବ୍ଧ ରହିବ। ଖାଦ୍ୟ ଷ୍ଟଲ ଗୁଡିକରେ ଖାଦ୍ୟ ଅପମିଶ୍ରଣକୁ ରୋକିବା ପାଇଁ ବିଇଏମସି ଖାଦ୍ୟ ସୁରକ୍ଷା ଅଧିକାରୀଙ୍କ ପକ୍ଷରୁ ଯାଞ୍ଚ କରାଯିବ ବୋଲି କମିଶନର ସୂଚନା ଦେଇଛନ୍ତି। ସେହିଭଳି ୫ଦିନିଆ ସାଂସ୍କୃତିକ କାର୍ଯ୍ୟକ୍ରମରେ ଗଞ୍ଜାମ ଜିଲାର ଲୋକ ନୃତ୍ୟ ଢୁମ୍ପା ନୃତ୍ୟ, ଭାରତ ଲୀଳା, ପ୍ରହଲାଦ ନାଟକ, ଚଢେୟା, ଗୋଲା ନାଚ, ରାମ ଲୀଳା, ଦାସ କାଠିଆ ନୃତ୍ୟ ପରିବେଶଣ ହେବ। ଓଲିଉଡ ସଂଗୀତଜ୍ଞ ଓ ହାସ୍ୟ ଅଭିନେତାଙ୍କ ସମେତ ବଲିଉଡ ଅଭିନେତା ଓ କମେଡିଆନ ସୁନୀଲ ଗ୍ରୋଭର, ଡ୍ୟାନ୍ସ ଇଣ୍ଡିଆ ବିଜେତା ଭି-କଂପାନୀ ଦ୍ୱାରା ନୃତ୍ୟ ପରିବେଶଣ ଓ ବ୍ରହ୍ମପୁରର ପ୍ରିନ୍ସ ଡ୍ୟାନ୍ସ ଗ୍ରୁପ ପକ୍ଷରୁ ନୃତ୍ୟ ପରିବେଶଣ ନେଇ କାର୍ଯ୍ୟକ୍ରମ ରହିଛି। ଏଥିସହ କୋଲକାତା କଳାକାରଙ୍କ କଥକଳୀ, ପୁରୁଲିଆ ଚାଉ, ଆସାମା ସାତ୍ରିୟା, ଓଡିଶାର ଓଡିଶୀ, ଆନ୍ଧ୍ରପ୍ରଦେଶର କୁଚୁପୁଡି ନୃତ୍ୟ ପରିବେଶିତ ହେବ। ସେହିପରି ସୁନ୍ଦରଗଡର ଆଦିବାସୀ କଢନ ନୃତ୍ୟ, ନବରଙ୍ଗପୁର ଗଣ୍ଡ ନୃତ୍ୟ, କୋରାପୁଟ ଆଦିବାସୀ ଢେମସା, ସମ୍ବଲପୁରର ସମ୍ବଲପୁରୀ ଓ ଗଜପତିର ପାଇକ ଆଖଡା ନୃତ୍ୟ ପରିବେଶଣ ହେବ। ବୈଠକରେ ଜିଲା ସୂଚନା ଓ ଲୋକ ସଂପର୍କ ଅଧିକାରୀ ରବି ନାରାୟଣ ବେହେରା, ଉପଖଣ୍ଡ ସୂଚନା ଓ ଲୋକ ସଂପର୍କ ଅଧିକାରୀ ରଶ୍ମି ରାଣୀଙ୍କ ସମେତ ବହୁ ପଦାଧିକାରୀ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ଆଜି ପର୍ଯ୍ୟଟକଙ୍କ ପାଇଁ ଶିମିଳିପାଳ ବନ୍ଦ

କେନ୍ଦ୍ରାପଡା ଅଫିସ,୩୦।୧୨: ପର୍ଯ୍ୟଟକଙ୍କ ପାଇଁ ଗୁରୁବାର ଶିମିଳିପାଳ ବନ୍ଦ ରହିବ। ଏ ନେଇ ଉତ୍ତର ଶିମିଳିପାଳ ଡେପୁଟି ଡାଇରେକ୍ଟର ସୂଚନା ଦେଇଛନ୍ତି। ତେବେ ବର୍ଷା ଯୋଗୁ...

ତିନି ଦିନରେ ରିପୋର୍ଟ ଦେବେ ଆର୍‌ଆଣ୍ଡ୍‌ବି ଅଧୀକ୍ଷଣ ଯନ୍ତ୍ରୀ

କଟକ ଅଫିସ,୧୧ା୩: ଛତ୍ରବଜାରରୁ ମାଲଗୋଦାମକୁ ସଂଯୋଗ କରିବା ପାଇଁ ନିର୍ମାଣାଧୀନ ବ୍ରିଜ ପାର୍ଶ୍ୱ ରାସ୍ତା ଭୁଶୁଡ଼ିବା ଘଟଣାର ୩ଦିନ ମଧ୍ୟରେ ତଦନ୍ତ ରିପୋର୍ଟ ଦେବାକୁ ଆର୍‌ଆଣ୍ଡବି...

ବଢୁଛି ଲଘୁ ଖଣିଜ ଚୋରାଚାଲାଣ

ଜଟଣୀ/ଯାଁଳା/ବୋଲଗଡ଼,୧୭।୭(ଡି.ଏନ୍‌.ଏ.): ଖୋର୍ଦ୍ଧା ଜିଲା ଜଟଣୀ ତହସିଲ ଅଞ୍ଚଳରେ ମାଙ୍କଡ଼ା ପଥର ଓ ମୋରମ ଚୋରାଚାଲାଣ ହେଉଥିବା ନେଇ ଅଭିଯୋଗ ହୋଇଆସୁଥିଲା। ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ...

ଗର୍ଭବତୀ ଥିବା ଭିନ୍ନକ୍ଷମ ଝିଅକୁ ଘରୁ ତଡ଼ିଦେଲେ ପରିବାର: ଅଳିଆଗଦାରେ ଶିଶୁପୁତ୍ର ପ୍ରସବ

କୋରାପୁଟ,୨୪ା୪(ସ୍ବ.ପ୍ର.) ଗର୍ଭବତୀ ଥିବା ଜଣେ ମୂକ ବଧିର ମହିଳାଙ୍କ ପ୍ରସବ ବେଦନା ହେବା କ୍ଷଣି ପରିବାର ଲୋକେ ତାଙ୍କୁ ଘରୁ ତଡ଼ିଦେଲେ। ମହିଳା ଜଣକ ଘର...

୧୧୫ ପରିବାରକୁ ଖାଦ୍ୟ ସାମଗ୍ରୀ ଦେଲେ ପ୍ରଧାନଶିକ୍ଷକ

ପାପଡାହାଣ୍ଡି,୧୪ା୪(ଡି.ଏନ.ଏ.)- ଲକ୍‌ଡାଉନର ସମୟରେ ଅସହାୟମାନଙ୍କ ପ୍ରତି ସହାୟତାର ହାତ ବଢ଼ାଇଛନ୍ତି ଜଣେ ପ୍ରଧାନ ଶିକ୍ଷକ। ଗ୍ରାମରେ ରହୁଥିବା ଲୋକେ ଯେପରି ଭୋକ ଉପବାସରେ ନ ରହିବେ...

କାର ଉପରକୁ ପଥରମାଡ଼: ଭୟରେ ଗଛରେ ଗାଡି ପିଟିଦେଲେ ଡ୍ରାଇଭର

ଦାରିଙ୍ଗବାଡ଼ି,୧।୧୧(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ଜାତୀୟ ରାଜପଥର ଗୁଡ଼ିବାଲି ଛକଠାରେ ଦୁର୍ବୃତ୍ତମାନେ ଏକ କାର ଉପରକୁ ପଥରମାଡ଼ କରିଥିବା ଜଣାପଡ଼ିଛି। ଫଳରେ କାର ଚାଳକ...

ଜାଲ୍‌ ସାର୍ଟିଫିକେଟ: ୧୮ ବର୍ଷ ପରେ ଗଲା ଚାକିରି

ପୋଲସରା,୩୦ା୪: ଜାଲ୍‌ ସାର୍ଟିଫିକେଟ ଦେଇ ଚାକିରି କରିଥିବା ଅଭିଯୋଗରେ ଜଣେ ଅଙ୍ଗନଓ୍ବାଡି କର୍ମୀଙ୍କୁ ବହିଷ୍କାର କରାଯାଇଛି। ସେ ହେଲେ ଗଞ୍ଜାମ ଜିଲା ପୋଲସରା ବ୍ଲକ ବିଲେଇଝୁରି...

ସୁନ୍ଦରଗଡ଼ର ନାଲାରୋଡ୍‌ କଣ୍ଟେନ୍‌ମେଣ୍ଟ ଜୋନ୍‌ ଘୋଷଣା: ଅନ୍ୟାଦେଶ ପର୍ଯ୍ୟନ୍ତ କଟକଣା ବଳବତ୍ତର

ସୁନ୍ଦରଗଡ଼(ଡି.ଏନ୍‌.ଏ.) /ରାଉରକେଲା ଅଫିସ, ୨୬।୪: ସୁନ୍ଦରଗଡ଼ ଜିଲାରେ ପୂର୍ବ ତିନି ଆକ୍ରାନ୍ତ ଚିକିତ୍ସିତ ହେବା ପରେ ସୁସ୍ଥ ହୋଇ ଘରକୁ ଫେରିଥିବା ବେଳେ, ରବିବାର ଆଉ...

Advertisement
Archives

Model This Week