ନୂଆଦିଲ୍ଲୀ,୧୭ ।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ପାକିସ୍ତାନ ବୈଦେଶିକ ମନ୍ତ୍ରୀ ବିଲାୱଲ ଭୁଟ୍ଟୋ ଜର୍ଦ୍ଦାରୀଙ୍କ ପକ୍ଷରୁ ଦିଆଯାଇଥିବା ଅପମାନଜନକ ଟିପ୍ପଣୀ ବିରୋଧରେ, ଶନିବାର ଅର୍ଥାତ୍ ୧୭ ଡିସେମ୍ବରରେ ଭାରତୀୟ ଜନତା ପାର୍ଟି ପକ୍ଷରୁ ସାରା ଦେଶରେ ବିରୋଧ ପ୍ରଦର୍ଶନ କରାଯିବ । ଭାଜପା ପକ୍ଷରୁ ଶୁକ୍ରବାର ଏକ ବୟାନରେ କୁହାଯାଇଛି, ସାରା ଦେଶର ରାଜ୍ୟ ରାଜଧାନୀରେ ବିରୋଧ ପ୍ରଦର୍ଶନ କରାଯିବ । ଭାଜପା କର୍ମୀ ପାକିସ୍ତାନ ଓ ପାକିସ୍ତାନର ବୈଦେଶିକ ମନ୍ତ୍ରୀଙ୍କ କୁଶ କୁତ୍ତଳିକା ଦାହ କରିବା ସହ ତାଙ୍କ ଅପମାନଜନକ ଟିପ୍ପଣିର ନିନ୍ଦା କରିବେ ।
ଭାଜପା ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ବିଲାୱଲ ଭୁଟ୍ଟୋଙ୍କ ଟିପ୍ପଣିକୁ ଅତ୍ୟଧିକ ଅପମାନଜନକ ଓ କାପୁରୁଷପୂର୍ଣ୍ଣ ବୟାନ ବୋଲି କହିଛି । ଭାଜପା କହିଛି ଏହି ଟିପ୍ପଣୀ ପାକିସ୍ତାନର ଅର୍ଥବ୍ୟବସ୍ଥାର ଅବନତି, ପାକିସ୍ତାନରେ ବିସ୍ତାରଲାଭ କରିଥିବା ଅରାଜକତା ଉପରୁ ଧ୍ୟାନ ହଟାଇବାକୁ ଦିଆଯାଇଛି ।
