କେନ୍ଦୁଝର,୨୫ା୭(ସ୍ବ.ପ୍ର.): କେନ୍ଦୁଝର ଜିଲାର ୩ଟି ହାଇସ୍କୁଲକୁ ଅପ୍ଗ୍ରେଡ୍ କରି ନୂତନ ଉଚ୍ଚ ମାଧ୍ୟମିକ ବିଦ୍ୟାଳୟ (ଯୁକ୍ତ ୨ କଳା)ରେ ପରିଣତ କରାଯାଇଛି। ଓଡ଼ିଶା ସ୍କୁଲ ଏଜୁକେଶନ ପ୍ରୋଗ୍ରାମ ଅଥରିଟି ପକ୍ଷରୁ ଚିଠି ନମ୍ବର ୮୮୦୭/୧୯ା୭ା୨୨ରେ ରାଜ୍ୟର ୫୭ ସ୍କୁଲକୁ ଅପ୍ଗ୍ରେଡ୍ କରଯାଇଥିବା ବେଳେ ଜିଲାର ତିନୋଟି ସ୍କୁଲ ସ୍ଥାନ ପାଇଥିବା ସୂଚନା ଦିଆଯାଇଛି। ସେଗୁଡ଼ିକ ହେଲା ବାଂଶପାଳ ବ୍ଲକର ବୈତରଣୀ ଉଚ୍ଚ ବିଦ୍ୟାଳୟ, ତେଲକୋଇ ବ୍ଲକର ଶ୍ରୀ ଜଗନ୍ନାଥ ହାଇସ୍କୁଲ, ଗୋଲାବନ୍ଧ ଓ ଏଲ୍ ଡି ବିଦ୍ୟାପୀଠ, କୋଡ଼ପଡ଼ା । ଏହା ଦ୍ବାରା ଆଦିବାସୀ ଅଞ୍ଚଳର ପିଲାମାନେ ଉକ୍ତ ସ୍କୁଲରେ ଉଚ୍ଚଶିକ୍ଷା ଲାଭ କରିପାରିବେ। ଦୁର୍ଗମ ଅଞ୍ଚଳର ଛାତ୍ରୀଛାତ୍ର ବାହାରକୁ ବିଭିନ୍ନ କାରଣରୁ ଉଚ୍ଚ ଶିକ୍ଷା ପାଇଁ ଯାଇ ପାରୁ ନ ଥିବାରୁ ସେମାନଙ୍କ ପାଇଁ ଏହି ବ୍ୟବସ୍ଥା ସହାୟକ ହେବ ବୋଲି ମତ ପ୍ରକାଶ ପାଇଛି।
