କେନ୍ଦୁଝର,୨୦ା୯(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ସଦର ବ୍ଲକ ଅନ୍ତର୍ଗତ ବାଲିଆଗୋଡ଼ା ନିକଟରେ ଜାତୀୟ ରାଜପଥ-୨୦ କଡ଼ରେ ଜାତୀୟ ରାଜପଥ ପ୍ରାଧିକରଣ ଜମି ଜବରଦଖଲ ହୋଇଥିବା ଅଭିଯୋଗ ହୋଇଛି। ଉକ୍ତ ସ୍ଥାନରେ ଏକ ଦୁଇ ମହଲା ଘର ଥାଇ ବ୍ୟବସାୟୀ କାର୍ଯ୍ୟରେ ଲାଗିଛି। ଏହି ରାଜପଥର ଚାରିଲେନ ଘର ସଂପ୍ରସାରଣ ପାଇଁ ଜମି ଅଧିଗ୍ରହଣ ହୋଇ ଜମି ଏବଂ ଘର ପାଇଁ କ୍ଷତିପୂରଣ ଦିଆଯାଇଥିଲା। ଏହା ସତ୍ତ୍ୱେ ଉକ୍ତ ଘରକୁ ଭାଙ୍ଗି ଏନଏଚ୍ଏଆଇ ନିଜ ଅଧୀନକୁ ଆଣି ନ ଥିବାରୁ ଏହାର ସୁଯୋଗ ନେଇ ଉକ୍ତ ଜଣେ ଜଣେ ଦଖଲ କରି ବ୍ୟବସାୟ କାମରେ ଲଗାଇ ଲାଭବାନ ହେଉଛନ୍ତି। ରାଜପଥ କଡ଼ରେ ଏଭଳି ଘର ଭଙ୍ଗା ନ ହେବା ଯୋଗୁ ବିପଦ ଆଶଙ୍କା ରହୁଥିବା ବେଳେ ବହୁ ଗ୍ରାହକ ସେଠାରେ ରୁଣ୍ଡ ହୋଇ ଛିଡ଼ା ହେଉଥିବାରୁ ବିପଦ ଆଶଙ୍କା ରହିଛି। ଏଭଳି ଉକ୍ତ ଅଞ୍ଚଳରେ ଏନଏଚ୍ଏଆଇର ଜମି ଅବରୋଧ କରି ଜାତୀୟ ରାଜପଥକୁ ଲାଗି ଅନେକ ଛୋଟବଡ଼ ଦୋକାନ,କେନାଲ ଆଦି ନିର୍ମାଣ ହୋଇଥିବାରୁ ବିପଦ ଆଶଙ୍କା ରହିଛି। ଜାତୀୟ ରାଜପଥ ପ୍ରାଧିକରଣ ପ୍ରୋଜେକ୍ଟ ଡାଇରେକ୍ଟର ତୁରନ୍ତ ଏ ଦିଗରେ ପଦକ୍ଷେପ ନେବାକୁ ସ୍ଥାନୀୟ ଲୋକ ଦାବି କରିଛନ୍ତି।
