ଭୁବନେଶ୍ୱର,୭।୮: ପୂର୍ବ ଭାରତର ଅଗ୍ରଣୀ ଖାଦ୍ୟ ପ୍ରସ୍ତୁତକାରୀ ଉଦ୍ୟୋଗ ତଥା ଓଡ଼ିଶାର ୧ନଂ. ମସଲା ଉଦ୍ୟୋଗ ରୁଚି ଦ୍ୱାରା ପରିଚାଳିତ ଫ୍ରୋଜିଟ୍ର ୨ଟି ନୂଆ ଫୁଡ୍ ଆଉଟ୍ଲେଟ୍ ଶନିବାର ସ୍ଥାନୀୟ ପୁରୀଘାଟ ଓ ରାମଦାସପୁରଠାରେ ଶୁଭାରମ୍ଭ ହୋଇଯାଇଛି। ଏହି ଅବସରରେ ଓଲିଉଡ୍ ଅଭିନେତ୍ରୀ ଭୂମିକା ଦାସ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ରୁଚି ଫୁଡ୍ଲାଇନ୍ର ପରିଚାଳନା ନିର୍ଦ୍ଦେଶକ ଡ . ଶରତ କୁମାର ସାହୁ, ନିର୍ଦ୍ଦେଶିକା ସଙ୍ଗୀତା ସାହୁ, ନିର୍ଦ୍ଦେଶକ ଅରବିନ୍ଦ ସାହୁ, ନିର୍ଦ୍ଦେଶିକା ରଶ୍ମି ସାହୁ ଓ ସଲିନା ସାହୁ ପ୍ରମୁଖ ଉପସ୍ଥିତ ଥିଲେ। ଓଡ଼ିଶାର ପ୍ରଥମ ଫ୍ରୋଜ୍ନ ଫୁଡ୍ ଉଦ୍ୟୋଗ ଫ୍ରୋଜିଟ୍ର ଏହା ହେଉଛି ୧୧ତମ ଏବଂ ୧୨ତମ ଆଉଟ୍ଲେଟ୍। ଫ୍ରୋଜିଟ୍ ଦୀର୍ଘ ୧୦ବର୍ଷ ଧରି ଓଡ଼ିଶାର ଖାଉଟିମାନଙ୍କୁ ଫ୍ରୋଜନ୍-ରେଡି-ଟୁ-ଇଟ୍, ରେଡି-ଟୁ-କୁକ୍, ବେକରି, ପ୍ରିମିୟମ୍ ଓ ସ୍ବାସ୍ଥ୍ୟୋପଯୋଗୀ ଖାଦ୍ୟ ତଥା ମୃଦୁପାନୀୟ ଯୋଗାଇବା ସହ ଓଡ଼ିଶାର ପାରମ୍ପରିକ ଖାଦ୍ୟ ପୋଡ଼ପିଠା ଓ ଖିରି ଆଦିକୁ ସ୍ବତନ୍ତ୍ର ଶୈଳୀରେ ପରିବେଷଣ କରିପାରୁଛି ବୋଲି ଫ୍ରୋଜିଟ୍ର ପ୍ରତିଷ୍ଠାତା ରଶ୍ମି ସାହୁ ମତବ୍ୟକ୍ତ କରିଛନ୍ତି। ସେହିଭଳି ପୁରୀଘାଟ ଆଉଟ୍ଲେଟ୍କୁ ଯୁବ ବ୍ୟବସାୟୀ ବିଶ୍ୱରଞ୍ଜନ ଘଡ଼ାଇ ଫ୍ରାଞ୍ଚାଇଜ୍ ଭାବେ ନେଇଥିବାବେଳେ ରାମଦାସପୁର ଆଉଟ୍ଲେଟ୍କୁ ଅବିନାଶ ପ୍ରସାଦ ଫ୍ରାଞ୍ଚାଇଜ୍ ଭାବେ ନେଇଛନ୍ତି। ଉଭୟ ଆଉଟ୍ଲେଟ୍ରେ ସ୍ପ୍ରିଙ୍ଗ୍ ରୋଲ୍, ପାସ୍ତା, ମଟନ-ଘିଅ ରୋଷ୍ଟ, ଚିକେନ୍ ଲଲିପପ୍, ବିରିୟାନୀ, ଲଚ୍ଛାପରଟା, ସାଣ୍ଡୱିଚ୍, ପେଟିସ୍, କେକ୍, କୁକିଜ୍ ଆଦି ବିଭିନ୍ନ ପ୍ରକାର ଗୁଣାମତ୍କ ଖାଦ୍ୟ ବିକ୍ରୟ ପାଇଁ ରହିଥିବା ବେଳେ ରୁଚି ଓ ଫ୍ରୋଜିଟ୍ ଦ୍ୱାରା ପ୍ରସ୍ତୁତ ଅନେକ ଖାଦ୍ୟଦ୍ରବ୍ୟ ମଧ୍ୟ ଉଭୟ ଷ୍ଟୋରରେ ଉପଲବ୍ଧ। ସେହିପରି ଫାର୍ମ-ବି ଦ୍ୱାରା ପ୍ରସ୍ତୁତ ଓଟସ୍,ଚକୋଚିପସ୍, ମ୍ୟୁସେଲି, କର୍ନଫେକ୍ଟସ୍ ଭଳି ଖାଉଟି ସାମଗ୍ରୀ ଆଦି ଉପଲବ୍ଧ ରହିଛି। ଅପରପକ୍ଷରେ ଉଦ୍ଘାଟନୀ ଅଫର ଭାବେ ଅଗଷ୍ଟ ୬ ରୁ ୧୮ ତାରିଖ ପର୍ଯ୍ୟନ୍ତ ସମସ୍ତ ଦ୍ରବ୍ୟ ଉପରେ ୨୦% ରିହାତି ଦିଆଯାଉଛି ବୋଲି ଆଉଟ୍ଲେଟ୍ ମୁଖ୍ୟ ଅବିନାଶ ସିଂହ ପ୍ରକାଶ କରିଛନ୍ତି। ଉକ୍ତ କାର୍ଯ୍ୟକ୍ରମରେ ଫ୍ରୋଜିଟର ଶିଳ୍ପା ଦାସ,ଆଦ୍ୟାଶା ପଟ୍ଟନାୟକ,ଶ୍ରୀକାନ୍ତ ମହାପାତ୍ର,ଦେବସ୍ମିତା ମିଶ୍ର, ସାଗ୍ନିକା ମହାପାତ୍ର ପ୍ରମୁଖ ଉପସ୍ଥିତ ରହି ଆବଶ୍ୟକ ସହଯୋଗ କରିଥିଲେ।
